Nyaɖeɖefia

2 “Ŋlɔ ɖo ɖe hame si le Efeso+ la ƒe dɔla+ be: Nya siwo ame si lé ɣletivi adreawo ɖe eƒe nuɖusi, eye wòzɔna le sikakaɖiti adreawo domee la, gblɔe nye esi:+ 2 ‘Menya wò dɔwɔwɔwo, wò kutrikuku kple wò dzidodo, eye be màte ŋu aɖe mɔ ɖe ame vɔ̃ɖiwo ŋu o, eye èdo ame siwo gblɔna be apostolowo+ yewonye evɔ womenyee o la kpɔ hekpɔe be aʋatsokalawo wonye. 3 Azɔ hã èle dzi dom, eye nènɔ te ɖe nu geɖewo nu le nye ŋkɔ la ta,+ eye ɖeɖi mete ŋuwò o.+ 4 Ke hã, nya si le asinye ɖe ŋuwòe nye be, ègblẽ lɔlɔ̃ si nɔ asiwò gbã la ɖi.

5 “‘Eya ta ɖo ŋku afi si nège tso la dzi, eye nàtrɔ dzi me,+ eye nàwɔ dɔ siwo nèwɔna tsã la. Ne menye nenema o la, mava gbɔwò, eye maɖe wò akaɖiti+ la ɖa le enɔƒe, negbe ɖe nètrɔ dzi me ko hafi.+ 6 Ke hã, mekpɔ nu nyui sia le ŋuwò be: èlé fu Nikolai ƒe kɔmama la*+ ƒe nuwɔnawo, siwo nye hã melé fui. 7 Ame si to li na la nese nya si gblɔm gbɔgbɔ la le na hameawo:+ Ame si ɖu dzi la,+ maɖe mɔ nɛ wòaɖu agbeti,+ si le Mawu ƒe paradisoa me la ƒe ɖe.’

8 “Ŋlɔ ɖo ɖe hame si le Smirna la ƒe dɔla be: Nya siwo ‘Gbãtɔ la kple Mlɔetɔ la,’+ ame si ku, eye wògagbɔ agbe la, gblɔe nye esi:+ 9 ‘Menya wò xaxa kple ahedada, gake kesinɔtɔ+ nènye, eye menya ame siwo gblɔna be Yudatɔwo yewonye, evɔ womenyee o, ke boŋ Satana ƒe ƒuƒoƒe me tɔwo wonye la, ƒe busunyagbɔgblɔ.+ 10 Mègavɔ̃ fu siwo nàva kpe kpuie la o.+ Kpɔ ɖa! Abosam ade mia dometɔ aɖewo gaxɔ me bena woado mi akpɔ bliboe, ne miakpɔ xaxa ŋkeke ewo. Wɔ nuteƒe va se ɖe ku me ke, eye mana agbefiakuku wò.+ 11 Ame si to li na la nese+ nya si gblɔm gbɔgbɔ la le na hameawo: Ame si ɖu dzi la,+ ku evelia mawɔ nu vevii o.’+

12 “Ŋlɔ ɖo ɖe hame si le Pergamo la ƒe dɔla be: Nya siwo ame si si yi ɖaɖɛ nuevee legbe la le la gblɔe nye esi:+ 13 ‘Menya afi si nèle. Eyae nye afi si Satana ƒe fiazikpui le; gake èyi edzi lé nye ŋkɔ me ɖe asi sesĩe,+ ègaxɔ dzinye se kokoko, mègbe nu le gbɔnye+ le Antipa, nye ɖasefo nuteƒewɔla+ si wowu+ le mia gbɔ, afi si Satana le la, ŋɔli gɔ̃ hã o.

14 “‘Ke hã, nya ʋɛ aɖewo le asinye ɖe ŋuwò: eyae nye be ame siwo lé Bileam+ ƒe nufiafia me ɖe asi la le gbɔwò afi ma; ame sia fia Balak+ be wòada nukikli ɖe Israel-viwo ŋgɔ, ne woaɖu nu siwo wotsɔ sa vɔ na trɔ̃wo, eye woaƒo wo ɖokui ɖe gbɔdɔdɔ manɔsenu* me.+ 15 Nenema kee ame siwo lé Nikolai ƒe kɔmama la* ƒe nufiafia me ɖe asi la hã le gbɔwò.+ 16 Eya ta trɔ dzi me. Ne menye nenema o la, megbɔna gbɔwò kaba, eye matsɔ nye numeyi legbe la awɔ aʋa kpli wo.+

17 “‘Ame si to li na la nese nya si gblɔm gbɔgbɔ la le na hameawo:+ Ame si ɖu dzi la,+ matsɔ mana+ ɣaɣla la ƒe ɖe anae, eye mana kpe ɣi aɖe si dzi woŋlɔ ŋkɔ yeye aɖe ɖo lae; ame aɖeke menya ŋkɔ ma o, negbe ame si xɔe la ko.’

18 “Ŋlɔ ɖo ɖe hame si le Tiatira+ la ƒe dɔla be: Nya siwo Mawu ƒe Vi la, ame si ƒe ŋkuwo le abe dzoƒaɖe ene,+ eye eƒe afɔwo le abe akɔbli nyui ene la, gblɔe nye esi:+ 19 ‘Menya wò dɔwɔwɔwo, wò lɔlɔ̃, wò xɔse, wò subɔsubɔdɔ kple wò dzidodo, eye wò dɔwɔwɔ fifitɔwo wu tsãtɔwo.

20 “‘Ke hã, nya si le asinye ɖe ŋuwòe nye be: èɖe mɔ na Izebel,+ nyɔnu ma si yɔa eɖokui nyagblɔɖila, eye wòfiaa nu nye kluviwo heflua wo be woaƒo wo ɖokuiwo ɖe gbɔdɔdɔ manɔsenu*+ me ahaɖu nu siwo wotsɔ sa vɔ na trɔ̃wo. 21 Mena ɣeyiɣii be wòatrɔ dzi me, gake egbe dzimetɔtrɔ tso eƒe gbɔdɔdɔ manɔsenua* me. 22 Kpɔ ɖa! Matsɔe aƒu dɔba dzi kpuie, eye made ame siwo le ahasi wɔm kplii la xaxa gã aɖe me, negbe ɖe wotrɔ dzi me hetrɔ tso eƒe dɔwɔwɔwo me ko hafi. 23 Eye matsɔ dɔvɔ̃ dziŋɔ awu viawo, ale be hameawo katã nanyae be, nyee dzroa dzimesusuwo* kple dziwo me kpɔ, eye maɖo eteƒe na mia dometɔ ɖe sia ɖe ɖe eƒe dɔwɔwɔwo nu.+

24 “‘Ke hã, mele egblɔm na mi ame mamlɛ siwo le Tiatira, ame siwo katã meléa nufiafia sia me ɖe asi o, ame siwo menya naneke tso nu siwo yɔm wole be “Satana ƒe nu goglowo”+ ŋu o la be: Nyemele agba bubu aɖeke dam ɖe mia dzi o. 25 Ðeko milé nu si le mia si la me ɖe asi goŋgoŋ va se ɖe esime mava.+ 26 Ame si lé nye dɔwɔwɔwo me ɖe asi va se ɖe nuwuwu eye wòɖu dzi la, mana ŋusẽe ɖe dukɔwo dzi,+ 27 eye wòatsɔ gatikplɔ+ akplɔ wo, ale be woagbã gudugudu abe anyinuwo ene, abe ale si ko mexɔ ŋusẽ tso Fofonye gbɔ ene. 28 Eye mana ŋukeɣletivi lae.+ 29 Ame si to li na la nese nya si gblɔm gbɔgbɔ la le na hameawo.’