Mikpe Ðe Wo Ŋu ‘Woali Ke Ðe Xɔse La Me’

Dzidzɔ gãe wònye be míakpɔ ale si gbegbe Yehowa le yayram ɖe nuŋeŋedɔa dzii. Ame siwo wu 250,000 sɔŋ ye xɔa nyɔnyrɔ ƒe sia ƒe. (5 Mose 28:2) Ne gbeƒãɖelawo kpe ɖe woƒe Biblia nusrɔ̃vi aɖe ŋu wòxɔ nyɔnyrɔ ko la, etea ŋu dzɔna be gbeƒãɖelaawo megayia nusɔsrɔ̃a dzi kplii o kple susu be yewoakpɔ vovo akpe ɖe nusrɔ̃vi bubuwo ŋu. Nusrɔ̃vi aɖewo siwo xɔ nyɔnyrɔ hã megadina be yewoayi nusɔsrɔ̃a dzi o kple susu be yewoazã ɣeyiɣia atsɔ awɔ geɖe le gbeƒãɖeɖedɔa me. Gake ele vevie ŋutɔ be nyateƒea ƒe gɔmeɖoanyi sesĩ nasu Biblia nusrɔ̃viwo si. Ele be woanye ame siwo ‘ƒo ke ɖe to’ ɖe Kristo me, eye “woli ke . . . ɖe xɔse la me.” (Kol. 2:6, 7; 2 Tim. 3:12) Eya ta ne nusrɔ̃vi aɖe xɔ nyɔnyrɔ gɔ̃ hã la, ele be woayi Biblia nusɔsrɔ̃a dzi kplii va se ɖe esime wòwu Biblia ƒe Nufiafia kple “Mawu Ƒe Lɔlɔ̃” gbalẽa siaa nu.—Kpɔ April 2011, Míaƒe Fiaɖuƒe Subɔsubɔdɔ, axa 2.