Ale Si Nàwɔ Abi Ðe Ðaseɖiɖidɔa Me​—Zã “Minɔ Mawu Ƒe Lɔlɔ̃ La Me Ðaa” Gbalẽa Nàtsɔ Afia Nu Amewo Wòaɖo Woƒe Dzi Gbɔ

NU SI TA WÒLE VEVIE: Ele be amewo nasrɔ̃ Yehowa ƒe nudidiwo eye woawɔ wo dzi ale be woƒe subɔsubɔ nadze eŋu. (Yes 2:3, 4) “Mawu Ƒe Lɔlɔ̃” gbalẽa, si nye agbalẽ evelia si míesrɔ̃na kple Biblia nusrɔ̃viwo kpena ɖe wo ŋu wodea dzesi ale si woawɔ Mawu ƒe mɔfiamewo dzi gbe sia gbe. (Heb 5:14) Ne míele nu fiam wo la, ele be míadze agbagba aɖo woƒe dzi gbɔ ale be nu si wosrɔ̃ naʋã wo woawɔ tɔtrɔwo.—Ro 6:17.

ALE SI NÀWƆE:

• Dzra ɖo nyuie, eye nusrɔ̃via ƒe nuhiahiãwo nanɔ susu me na wò. Bia nya siwo ana wòagblɔ eƒe susu tso ale si wòse le eɖokui me tso nusɔsrɔ̃a ŋu.—Lod 20:5; be 259

• Zã aɖaka siwo le agbalẽa me nàtsɔ akpe ɖe nusrɔ̃via ŋu wòakpɔ nu si ta wòle be wòawɔ ɖe Biblia me gɔmeɖosewo dzi

• Kpe ɖe nusrɔ̃via ŋu wòade ŋugble tso nya siwo ku ɖe ame ŋutɔ ƒe dzitsinya ŋu la ŋu, gake mègatso nya me nɛ o.—Ga 6:5

• Bia nyawo aɖaŋutɔe nàtsɔ akpɔe ɖa ne nusrɔ̃via hiã kpekpeɖeŋu be wòawɔ ɖe Biblia me gɔmeɖose aɖewo dzi. De dzi ƒo nɛ be wòawɔ tɔtrɔ siwo afia be elɔ̃ Yehowa.—Lod 27:11; Yh 14:31