KRISTOTƆWO ƑE AGBENƆNƆ
Zã Kpɔ Dzidzɔ Le Agbe Me Tegbee! Gbalẽa Le Wò Subɔsubɔdɔa Me
Edzɔ dzi na mí ŋutɔ be agbalẽ kple agbalẽ gbadza yeye su mía si míatsɔ asrɔ̃ Biblia kple amewo! Míele gbe dom ɖa be Yehowa nayra ɖe míaƒe agbagbadzedzewo dzi be míagakpe ɖe ame geɖe ŋu woazu nusrɔ̃lawo. (Mt 28:18-20; 1Ko 3:6-9) Aleke míele dɔwɔnu yeye siawo zã gee?
Esi wònye mɔnu yeyee míazã ne míele Kpɔ Dzidzɔ Le Agbe Me Tegbee! me dzrom kple amewo ta, zɔ ɖe mɔfiame siawo dzi ne èle dzadzram ɖo ɖe nusɔsrɔ̃a ŋu alo le esrɔ̃m kple nusrɔ̃via.a
Mixlẽ memamawo eye miadzro nyabiaseawo me
Mixlẽ mawunyakpukpui siwo gbɔ woŋlɔ ɖo be “xlẽ” alo “mixlẽ,” eye nàkpe ɖe nusrɔ̃via ŋu wòakpɔ ale si wòawɔ wo ŋu dɔ
Ðe videoawo eye nàzã nyabiase siwo adze le akpa ma miatsɔ adzro wo me
Ne miedze tanya aɖe gɔmea, midze agbagba miawu enu hafi akpa
Le gbeadzia, anyo be nàna agbalẽ gbadzaa gbã be nànya ne amea tsɔ ɖe le nusɔsrɔ̃a me ŋutɔŋutɔ. (Kpɔ aɖaka si nye “Ale Si Nàna Kpɔ Dzidzɔ Le Agbe Me Tegbee! Gbalẽ Gbadzaa Ne Èdo Go Amea Zi Gbãtɔ.”) Ne miewu agbalẽ gbadzaa nu eye wòlɔ̃ be yeayi nua sɔsrɔ̃ dzia, ke nɛ agbalẽa ŋutɔ, eye miadze egɔme tso nusɔsrɔ̃ 04 lia. Ne èle Nu Si Biblia Fia alo Nɔ Mawu Ƒe Lɔlɔ̃ La Me Ðaa gbalẽa srɔ̃m kple ame aɖe xoxoa, mitrɔ nusɔsrɔ̃a yi Kpɔ Dzidzɔ Le Agbe Me Tegbee! gbalẽa me, eye kpɔe ɖa be afi kae yewoayi edzi tsoe hã.
MIKPƆ VIDEO SI NYE ENYO ŊUTƆ BE NÈDI BE YEASRƆ̃ BIBLIA!, EYOME MIAÐO BIABIA SIAWO ŊU:
Nu kawoe nusrɔ̃viwo asrɔ̃ le agbalẽ yeye sia me?
Nu ka tae wòle be nàɖe video sia na nusrɔ̃vi yeyewo?
Nu kawoe nàte ŋu ade dzi ƒo na nusrɔ̃via be wòadze agbagba anɔ wɔwɔm?—Kpɔ aɖaka si nye “Nu Si Wòasrɔ̃ Kple Nu Si Wòawɔ Le Akpa Ðe Sia Ðe”
a DE DZESII: Togbɔ be mahiã be miadzro akpa si nye “Ku Nu Me Tso Nyatia Ŋu” me le nua srɔ̃ɣi o hã, gbɔ dzi ɖi nàto nyati kple video ɖe sia ɖe si le akpa ma me ne èle dzadzram ɖo ɖe nusɔsrɔ̃a ŋu. Esia ana nànya esiwo me wò nusrɔ̃via atsɔ ɖe le kple esiwo akpe ɖe eŋu. Le agbalẽa ƒe mɔ̃ dzi tɔ mea, àte ŋu ate asi ɖe videoawo kple nyatiawo dzi ko woaʋu.
NU SI WÒASRƆ̃ KPLE NU SI WÒAWƆ LE AKPA ÐE SIA ÐE |
|||
|---|---|---|---|
NUSƆSRƆ̃AWO |
NU SIWO NUSRƆ̃VIA ASRƆ̃ |
NU SIWO NUSRƆ̃VIA AWƆ |
|
01-12 |
Akpɔ ale si Biblia ate ŋu akpe ɖe eŋu kple ale si wòawɔ anya Ame si gbɔ wòtso |
De dzi ƒo na nusrɔ̃via be wòaxlẽ Biblia, asrɔ̃ nua do ŋgɔ, eye wòadze kpekpeawo dede |
|
13-33 |
Akpɔ nu nyui siwo Mawu wɔ na mí kple ale si míasubɔe wòadze eŋu |
De dzi ƒo na nusrɔ̃via be wòagblɔ nyateƒe siwo srɔ̃m wòlea na ame bubuwo eye wòava zu gbeƒãɖela |
|
34-47 |
Akpɔ nu siwo Mawu di tso esubɔlawo si |
De dzi ƒo na nusrɔ̃via be wòaɖe adzɔgbe na Yehowa eye wòaxɔ nyɔnyrɔ |
|
48-60 |
Asrɔ̃ ale si wòawɔ anɔ Mawu ƒe lɔlɔ̃ la me ɖaa |
Fia nusrɔ̃via ale si wòade vovo nyui kple vɔ̃ dome, kple nu siwo ana wòanɔ tetem ɖe Mawu ŋu kplikplikpli |
|