Nu Si Akpe Ðe Ŋuwò Nànɔ Biblia Xlẽm Gbe Sia Gbe

Esi wònye be nu geɖe li nàwɔ le ŋkekea me ta la, ɖe wòsesẽna na wò be nàzɔ ɖe ɖoɖo si nèwɔ be yeaxlẽ Mawu ƒe Nyaa gbe sia gbe dzia? (Yos. 1:8) Ne nenemae la, ke te aɖaŋuɖoɖo siwo gbɔna la dometɔ aɖe kpɔ:

• Na wò elektrɔnikmɔ̃ naɖo ŋku edzi na wò. Ðo game ɖe wò elektrɔnikmɔ̃ dzi be wòana nànya ne game de be nàxlẽ Biblia.

• Da Biblia ɖe ŋkukpɔƒe. Ne Biblia ƒe tatatɔe nèxlẽna la, ekema dae ɖe afi si nàte ŋu akpɔe gbe sia gbe.—5 Mose 11:18.

• Ðo to esi woxlẽ lé ɖe mɔ̃ dzi. Ƒo esiwo wolé ɖe mɔ̃ dzi esime nèle wò gbe sia gbe dɔwo wɔm. Nɔvinyɔnu Tara si nye mɔɖela kple vidada eye wòwɔa dɔ le zã me la gblɔ be, “Ne mele to ɖom Biblia si woxlẽ lé ɖe mɔ̃ dzi esime mele aƒemedɔwo wɔm la, ekpena ɖe ŋunye mezɔna ɖe nye ɖoɖowɔɖia dzi pɛpɛpɛ.”

• Do vevie nu. Ne nane wɔe be mète ŋu xlẽ Biblia le game si nèɖo na ɖokuiwò dzi o la, dze agbagba nàxlẽ kpukpui ʋɛ aɖewo ya teti hafi amlɔ anyi. Ne kpukpui ʋɛ aɖewo koe nèxlẽ gbe sia gbe hã la, aɖe vi geɖe na wò.—1 Pet. 2:2.