Akpe Blaatɔ̃-Vɔ-Enyi!

Gbeƒãɖelawo ƒe xexlẽme mae míedi be míakpɔ woabu akɔnta le August 1998 me le Ghana. Ðe míate ŋu aɖo egbɔa? Ẽ, míate ŋui! Hame siwo le dukɔa me ƒe gbeƒãɖelawo katã ƒe xexlẽme ƒe akɔnta si míebu nyitsɔ laa ye nye ame 57,767. Gake ame gbogbotɔ kekeake siwo bu akɔnta le ɣleti ɖeka aɖe me ƒe xexlẽmee nye ame 54,842, si nye le February 1998 me. Aleke míawɔ ato xexlẽme ma ŋu? Anya wɔ ne gbeƒãɖela ɖesiaɖe si le hamea me wɔ ɖoɖo nyuiwo kpɔ gome le subɔsubɔdɔa me le August me eye wòbu akɔnta le dɔwɔna ma ŋu kaba. Esi ɣletia ƒe ŋkeke gbãtɔ eveawo nye Memleɖa kple Kwasiɖagbe ta la, nukata màwɔ ɖoɖo akpɔ gome le gbeadzisubɔsubɔdɔa me tso kwasiɖanuwuwu ma dzi o? Ne miayi takpekpe la, àte ŋu aɖi vomeɖase le takpedua me eye emegbe nàkpɔ gome le gbeadzisubɔsubɔdɔa me kple hamea le kwasiɖanuwuwu si kplɔe ɖo. Ne míedze egɔme kaba le ɣletia me la, godoo la, míazã ɣeyiɣi aɖe le ɖaseɖiɖidɔa me le August me. Ne mí katã míedze agbagba ɖekae la, míaɖo gbeƒãɖelawo ƒe agbɔsɔsɔ gbogbotɔ si ato ame 58,000 alo 60,000 ƒe xexlẽmea gɔ̃ hã ŋu zi gbãtɔ le Ghana. Kafukafu gã ka gbegbee nye si wòanye na Yehowa!—Ps. 47:2.