Nya si Míagblɔ le Magazineawo Ŋu

Gbetakpɔxɔ Oct. 1

“Èbia kpɔ be, ‘Ne Mawu nye lɔlɔ̃ eye wònye ŋusẽkatãtɔ ɖe, nukatae mexɔ na amesiwo le fu kpem oa?’ [Na wòaɖo eŋu.] Esusɔ vie ko wòava ɖe kuxiwo katã ɖa. [Xlẽ Yesaya 65:17.] Gake hafi ɣemaɣi naɖo la, magazine sia ana nàkpɔe be menye ɖe Mawu zi kpi ɖekematsɔlemetɔe esi míele fu kpem o.”

Nyɔ! Oct. 8

“Ènya be ele sesẽm ŋutɔ na agbledela geɖe be woayi woƒe agbledɔ dzi akpɔ woƒe nuhiahiãwo atso emea? [Na wòaɖo eŋu.] Nyɔ! ƒe tata sia dzro kuxi sia me eye wòƒo nu tso ɣeyiɣi nyui aɖe si gbɔna si ƒe ŋugbe Biblia do ŋu. [Xlẽ Psalmo 72:16.] Ne metrɔ va la, madi be maɖe alesi Mawu ana ŋugbedodo sia nava emee la me na wò.”

Gbetakpɔxɔ Oct. 15

“Nyametsotso geɖe siwo míewɔna te ŋu kpɔa ŋusẽ gã aɖe ɖe míaƒe agbe dzi. Nukae ate ŋu akpe ɖe mía ŋu míaƒo asa na nyametsotso manyomanyowo wɔwɔ? [Na wòaɖo eŋu. Emegbe xlẽ Lododowo 3:6.] Gbetakpɔxɔ ƒe tata sia ƒo nu tso mɔfiame atɔ̃ siwo wotu ɖe Biblia dzi siwo ate ŋu akpe ɖe mía ŋu le nyametsotso nyuiwo wɔwɔ me ŋu.”

Nyɔ! Nov. 8

“Ède dzesii be fifia míesenɛ enuenu be amewo ƒoa nu tso dɔlékuiwo ŋu be womegale atike sem oa? [Na wòaɖo eŋu.] Magazine sia dzro nusiwo ta wòle alea me eye wòɖo nusiwo míate ŋu awɔ atsɔ akpɔ mía ɖokui tae ƒe aɖaŋu. Eƒo nu tso Biblia ƒe ŋugbe si wòdo ku ɖe xexe si me ame aɖeke magalé dɔ o hã ŋu.” Xlẽ Yesaya 33:24.