Nya si Míagblɔ le Magazineawo Ŋu

Gbetakpɔxɔ Nov. 1

“Edzɔ ɖe mí katã dzi kpɔ be ame aɖe si dzi míeka ɖo vevie la trɔ mí to eme. Èbia ɖokuiwò kpɔ be, ‘Ðe ame aɖe li si dzi mate ŋu aka ɖo ŋutɔŋutɔa?’ [Na wòaɖo eŋu. Emegbe xlẽ Lododowo 3:5.] Magazine sia ɖe susu si ta míate ŋu aka ɖe Mawu dzi bliboe me. Edzro alesi míawɔ anya amesiwo dze míate ŋu aka ɖe wo dzi hã me.”

Nyɔ! Nov. 8

“Míewɔa nuzazã siwo wotsɔ ami si woku le tome wɔe la ŋudɔ le míaƒe agbenɔnɔ ƒe akpa sia akpa kloe me. Èbu alesi agbe anɔ ne ɖe nuzazã mawo meli o ŋu kpɔa? [Na wòaɖo eŋu.] Magazine sia dzro alesi wòdzɔe be ami va xɔ akpa vevi aɖe le ameƒomea ƒe ŋutinya me egbea me. Eɖe nusita mele be míavɔ̃ be ami ava vɔ le tome gbeɖeka o la hã me.”

Gbetakpɔxɔ Nov. 15

“Le blema la, ame geɖewo xɔe se be anyigba ava zu paradiso gbeɖeka. Egbea, ame aɖewo bua eŋu nenye be anɔ anyi kura gɔ̃ hã. Nukae nèbu be adzɔ ɖe anyigba dzi le etsɔme? [Na wòaɖo eŋu.] Se nusi Biblia gblɔ ɖa. [Xlẽ Psalmo 37:11.] Magazine sia dzro nya bubu siwo Biblia gblɔ ɖi tso nusi ava dzɔ ɖe anyigba dzi le etsɔme ŋu me.”

Nyɔ! Dec. 8

“Ame aɖewo tsia dzi be nusi gblẽ le nutoa me ŋu gbɔ ɖɔɖɔɖo me yi. Ðe nèbui be mɔkpɔkpɔ aɖeke megali oa? [Na wòaɖo eŋu.] Wɔla la mewɔ anyigba be wòazu gbeɖuɖɔkɔɖoƒe si dzi womate ŋu anɔ o. [Xlẽ Yesaya 45:18.] Magazine sia ɖe alesi woawɔ akpɔ anyigba sia tae la me.”