Nya si Míagblɔ le Magazineawo Ŋu

Gbetakpɔxɔ Nov. 1

“Ame geɖe meka ɖe dziɖula siwo nye amegbetɔwo ƒe ŋutete dzi be woakpɔ kuxi siwo li egbea gbɔ o. Ðe nèka ɖe edzi be ame aɖe ate ŋu ana nusiwo wogblɔ ɖi le mawunyakpukpui siawo me nava emea? [Xlẽ Psalmo 72:7, 12, 16. Eyome na wòaɖo eŋu.] Magazine sia ƒo nu tso kplɔla si ŋu nya wogblɔ ɖi kple nusiwo wòava wɔ ŋu.”

Nyɔ! Nov. 8

“Ðeviwo hiã na mɔfiafia be woanɔ te ɖe nyaƒoɖeamenu siwo wodoa goe egbea nu, alo, aleke nèkpɔe? [Na wòaɖo eŋu. Xlẽ Efesotɔwo 6:4.] Magazine sia dzro nusi amehehe fia ŋutɔŋutɔ me. Egadzro alesi dzilawo ate ŋu ana mɔfiame kple ɖɔɖɔɖoe be dzi maɖe le wo viwo ƒo o hã me.”

Gbetakpɔxɔ Nov. 15

“Ame akpa gãtɔ dina be yewoanɔ lãmesẽ me ahanɔ agbe didi. Gake ne ɖe wòanya wɔa, ɖe nàdi be yeanɔ agbe tegbeea? [Na wòaɖo eŋu. Emegbe xlẽ Yohanes 17:3.] Magazine sia dzro ŋugbe si Biblia do ku ɖe agbe mavɔ ŋu me. Eƒo nu tso alesi agbenɔnɔ anɔ ne ŋugbedodo ma va eme hã ŋu.”

Nyɔ! Nov. 22

“Wowɔ ŋgɔyiyi geɖe le agbagbadzedze be woanya nusi AIDS dɔlélea nye kple eŋuti tikewo didi me le ƒe 20 siwo va yi me. Gake ame geɖe gali siwo menya nu boo tso dɔléle sia ŋu o kokoko. [Fia asi aɖaka si nye “AIDS Ŋuti Nukpɔsusu Totrowo,” eye nàɖe mɔ wòaƒo nu.] Magazine sia dzro alesi dzilawo ate ŋu akpɔ wo viwo ta tso dɔléle sia mee me.” Xlẽ Mose V, 6:6, 7.