Nya si Míagblɔ le Magazineawo Ŋu

Gbetakpɔxɔ Dec. 1

“Ame aɖewo megale Mawu dzi xɔm le sesem egbea o. Susu siwo tae dometɔ ɖekae nye be womete ŋu kpɔa ŋuɖoɖo dzeameŋuwo na biabia sesẽwo abe esiawo ene o. [Gblɔ kpɔɖeŋu ɖeka tso aɖaka si le axa 6 me.] Gbetakpɔxɔ ƒe tata sia dzro nu vevi ɖeka si dzi woato atu Mawu ŋuti dzixɔse vavãtɔ ɖo me.” Xlẽ Filipitɔwo 1:9.

Nyɔ! Dec. 8

“Èbui be ameƒomea ase vivi le nɔnɔme siwo ŋu nya wogblɔ ɖe afisia me gbaɖegbea? [Xlẽ Yesaya 14:7. Emegbe nàna wòaɖo eŋu.] Nyati veviwo le magazine sia me siwo ate ŋu aɖe vi na mí esime míele Mawu ƒe ŋugbedodowo ƒe vava lalam.” Ƒo nu tso nyati si nye “Aleke Nàwɔ Aɖu Dzodzro Vɔ̃wo Dzi?” ŋu.

Gbetakpɔxɔ Dec. 15

“Le ƒea ƒe ɣeyiɣi sia me la, ame geɖewo dea ŋugble le Yesu dzidzi ŋu. Ède ŋugble le ƒome si tɔgbe me wònɔ tsi ŋu kpɔa? [Na wòaɖo eŋu. Emegbe xlẽ Luka 2:51, 52.] Gbetakpɔxɔ ƒe tata sia dzro nu vevi siwo míate ŋu asrɔ̃ tso Biblia ƒe nuŋlɔɖi si ku ɖe hehe si Yesu xɔ ŋu me.”

Nyɔ! Jan. 8

“Mí katã míedina be míakpɔ mía viwo woakpɔ dzidzɔ ahakpɔ dzidzedze le agbe me. Nukae nèbu be enye nusi ɖeviwo hiã wu be woanɔ te ɖe egbexexe si me nuteɖeamedziwo bɔ ɖo la nu? [Na wòaɖo eŋu. Emegbe xlẽ Lododowo 22:6.] Nyɔ! ƒe tata sia dzro nusi ɖeviwo hiã kple alesi dzilawo ate ŋu ana nusiawoe me.”