Nya Si Míagblɔ Le Magazineawo Ŋu

Gbetakpɔxɔ October

“Ame geɖe megaxɔ edzi se egbea be Wɔla aɖe li o. Èsusu be nu ka tae wòle nenema? [Ðe mɔ wòaɖo eŋu.] Mawunyakpukpui siawo he susu yi nu siwo tae la dometɔ ɖeka dzi. [Xlẽ Xabakuk 1:2, 3.] Nyati sia ɖo biabia geɖe siwo le amewo si ku ɖe Mawu ŋu, si wɔe be womegaxɔ edzi se o, la ŋu.” Tsɔ nyati si dze egɔme tso axa 11 la fiae.

Awake! October

“Ðe nède dzesii be ƒomewo le kuxi geɖe me tom egbea? [Ðe mɔ wòaɖo eŋu.] Ame geɖe menya be aɖaŋuɖoɖo nyui siwo ɖea vi ŋutɔ la le Biblia me o. Eƒe kpɔɖeŋu ɖekae nye esi. [Xlẽ ŋɔŋlɔ siwo le magazinea me la dometɔ ɖeka.] Nyɔ! ƒe tata tɔxɛ sia ƒo nu tso ale si Biblia ƒe gɔmeɖosewo ate ŋu akpe ɖe ƒomewo ŋu woanɔ te ɖe kuxi vovovowo nu dzidzedzetɔe la ŋu.”

Gbetakpɔxɔ November

“Èsusu be Biblia mee nu sia nu si wofiana le sɔlemehawo me la tsoa? [Ðe mɔ wòaɖo eŋu.] Biblia xlɔ̃ nu mí be míakpɔ nyuie be woagatsɔ alakpanyawo aflu mí o. [Xlẽ Kolosetɔwo 2:8.] Magazine sia klo nu le sɔlemehawo ƒe nufiafia ade aɖewo siwo mewɔ ɖeka kple Mawu ƒe Nya la o dzi.”

Awake! November

“Mɔɖaŋunuwo, abe asitelefon kple kɔmpiuta ene, zazã va bɔ egbea ŋutɔ. Èsusu be mɔɖaŋunuwo zazã nana ɣeyiɣi geɖe sua ame si loo, alo be wogblẽa ɣeyiɣi na amea? [Ðe mɔ wòaɖo eŋu.] Ame geɖe alɔ̃ ɖe aɖaŋuɖoɖo sia si ku ɖe ɣeyiɣi zazã le nunya me ŋu la dzi. [Xlẽ Efesotɔwo 5:15, 16.] Magazine sia na numekɔkɔ tso ale si míaɖɔ ŋu ɖo ahada asɔ le mɔɖaŋunuwo zazã me la ŋu.”