Nya Si Míagblɔ Le Magazineawo Ŋu

Gbetakpɔxɔ April 1

“Ƒe 2000 kple edzivɔ sɔŋ ye nye esia Yesu va anyigba dzi afi sia heku, gake ame geɖe gaɖoa ŋku nya ʋãme siwo wògblɔ la dzi kokoko. Meɖe kuku, maxlẽ wo dometɔ ɖeka na wò nàse ɖa. [Xlẽ Mateo 7:12.] Aleke nèbu tso nya sia ŋu? [Ðe mɔ wòaɖo eŋu.] Agbalẽ sia gblɔ ale si Yesu ƒe nyawo ate ŋu akpe ɖe mía ŋui.” Tsɔ nyati si dze egɔme tso axa 4 lia fiae.

Awake! April

“Medi be maxlẽ nya aɖe na wò. [Xlẽ Psalmo 37:9-11, eye nàbiae be:] Aleke nèsusu be xexea me anɔ ne nya siawo va eme? [Ðe mɔ wòaɖo eŋu.] Nyati sia dzro nyagblɔɖi sia me nya dedziƒonameawo me, eye wòɖe nu si tae nu vlo wɔwɔ bɔ ɖe xexea me alea gbegbe ɖo hã me.” Tsɔ nyati si dze egɔme tso axa 20 lia fiae.

Gbetakpɔxɔ May 1

“Èbia ɖokuiwò kpɔ be nu ka tae Mawu ɖe mɔ míele fu kpem hã? [Ðe mɔ wòaɖo eŋu.] Biblia ŋlɔla aɖe bia nya aɖe si ame geɖe biana egbea. Maxlẽe na wò nàse ɖa. [Xlẽ Psalmo 10:1.] Biblia gblɔ nu si ta Mawu ɖe mɔ míele fu kpem, kple nu si wɔm wòle be yeatsɔ ana gbɔdzɔe mí, eye woɖe eme ɖe agbalẽ sia me.”

Awake! May

“Ame geɖe dina be yewoadzudzɔ siga alo atama nono, gake menya wɔna na wo o. Èdze si ame aɖe si di be yeaɖe asi le nuwɔna sia ŋua? [Ðe mɔ wòaɖo eŋu.] Ame aɖewo kpɔe be enyo be yewoabia yewo xɔlɔ̃wo kple ƒometɔwo be woakpe ɖe yewo ŋu. [Xlẽ Nyagblɔla 4:12a.] Woɖo aɖaŋu nyui aɖewo ɖe agbalẽ sia me, eye woate ŋu akpe ɖe ame ŋu wòadzudzɔ siga alo atama nono.”