Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le February Me

“Èsusu be habɔbɔ le Mawu si egbea, alo ɖe nèxɔe se be ame ɖekaɖekawo koe wòfiaa mɔea? [Ðe mɔ wòaɖo eŋu.] Kpɔ nya si magazine sia gblɔ tso dukɔ aɖe si Mawu kplɔ le ɖoɖo nu ƒe gbogbo aɖewoe nye esi va yi ŋu la ɖa.” Ʋu February 1 ƒe Gbetakpɔxɔ, axa 26, eye miadzro numeɖeɖe si le tanya sue gbãtɔa te la me ɖekae, eye miaxlẽ mawunyakpukpui siwo woyɔ la dometɔ ɖeka ya teti. Tsɔ magazineawo nɛ, eye nàwɔ ɖoɖo be yeatrɔ ava dzro nyabiase si kplɔe ɖo la me kplii.

The Watchtower February 1

“Le míaƒe ŋkeke siawo me la, ame geɖewo le nu ƒom tso Harmagedon ŋu. Èsusu be nane li si amegbetɔwo ate ŋu awɔ atsɔ axe mɔ ɖe Harmagedon ƒe vava nua? [Ðe mɔ wòaɖo eŋu.] Kpɔ afi si nya ‘Harmagedon’ dze le la ɖa. [Xlẽ Nyaɖeɖefia 16:16. Eyome tsɔ magazinea ƒe akpaa dzi fiae.] Magazine sia ɖe ale si Biblia ɖo nyabiase siawo ŋui la me.”

Awake! February

“Egbea la, dzeɖoɖo kple ame bubuwo le Internet dzi doa dzidzɔ na ame geɖe. Èsusui be afɔku le dzeɖoɖo ƒe mɔnu sia mea? [Ðe mɔ wòaɖo eŋu.] Mɔfiame veviwo le Biblia me siwo ate ŋu akpe ɖe mía ŋu míaƒo asa na afɔku siwo le dzeɖomɔnu sia me. [Ʋu magazinea ƒe axa 6-9, eye nàdzro nyabiaseawo dometɔ ɖeka kple mawunyakpukpui siwo woyɔ la dometɔ ɖeka me kplii.] Magazine sia akpe ɖe ŋuwò nàkpɔ afɔku siwo le Internet dzi dzeɖoɖo me adze sii be nàƒo asa na wo.”