Internet Dzi Hahoo Kadodowo—Ale Si Míaƒo Asa Na Afɔkuawo

NU SI TA WÒLE VEVIE: Abe dɔwɔnu bubu ɖe sia ɖe ene la, Internet dzi hahoo kadodowo hã ate ŋu akpe ɖe mía ŋu alo agblẽ nu le mía ŋu. Kristotɔ aɖewo tiae be yewomade ha kple amewo to internet dzi o. Kristotɔ bubuwo toa Internet dzi hahoo kadodowo dzi ɖoa dze kple woƒe ƒometɔwo kple xɔlɔ̃wo. Ke hã, Satana di be nu siawo zazã ƒe mɔ̃ naɖe mí ale be woagblẽ míaƒe ŋkɔ kple mí kpakple Mawu dome. Abe Yesu ene la, míate ŋu azã mɔfiame siwo le Mawu ƒe Nyaa me atsɔ ade dzesi afɔkuawo eye míaƒo asa na wo.—Lk 4:4, 8, 12.

AFƆKU SIWO MÍAƑO ASA NA:

• Internet dzi hahoo kadodowo zazã atraɖii. Ne míezãa gaƒoƒo gbogbowo tsɔ doa ka kple amewo le internet dzi la, awɔe be mímakpɔ ɣeyiɣi ɖe Yehowa ƒe dɔwo ŋu o

  Biblia ƒe mɔfiamewo: Ef 5:15, 16; Flp 1:10

• Nu siwo mesɔ o kpɔkpɔ. Foto siwo nyɔa gbɔdɔdɔ ƒe dzodzro ɖe ame me kpɔkpɔ ate ŋu awɔe be amamaɖenuwɔnawo kpɔkpɔ alo gbɔdɔdɔmanɔsenu nava zu numame na ame. Xɔsegbelawo ƒe nyawo kple nu siwo amewo ŋlɔ tso wo ɖokuiwo ŋu xexlẽ ate ŋu agblẽ nu le ame ƒe xɔse ŋu

  Biblia ƒe mɔfiamewo: Mt 5:28; Flp 4:8

• Foto gbegblẽwo kple yakanyawo dada ɖi. Esi míaƒe dzi nye alakpatɔ ta la, ame aɖe adi be yeada yakanyawo alo foto gbegblẽwo ɖe Internet dzi hahoo kadodomɔnuwo dzi. Ke hã, esia ate ŋu agblẽ ame aɖe ƒe ŋkɔ alo ana ame bubuwo ƒe xɔse nagbɔdzɔ

  Biblia ƒe mɔfiamewo: Ro 14:13; Ef 4:29

MIKPƆ VIDEO SI NYE ZÃ INTERNET DZI HAHOKADOƑEWO NUNYATƆE, EYOME MIDZRO ALE SI MÍAƑO ASA NA NU SIWO DZE LE FOTOAWO ME LA ME: