Lɔlɔ̃ Dea Dzesi Kristotɔ Vavãwo​—Kpɔ Míaƒe Ðekawɔwɔ Xɔasia Ta

NU SI TA WÒLE VEVIE: Le zã si do ŋgɔ na Yesu ƒe ku me la, edo gbe ɖa be ye yomedzelawo ‘awɔ ɖeka bliboe.’ (Yh 17:23) Be míayi edzi awɔ ɖeka la, ele be míaɖe lɔlɔ̃ si “meléa vɔ̃ siwo wowɔ ɖe eŋu la ɖi o” la afia.—1Ko 13:5.

ALE SI NÀWƆE:

• Srɔ̃ Yehowa eye nàdi amewo ƒe nyuiƒewo

• Tsɔ ke faa

• Ne miekpɔ kuxi aɖe gbɔ la, mègafɔ nya ma ɖe te ake o.—Lod 17:9

MIKPƆ VIDEO SI NYE “MILƆ̃ MIA NƆEWO”—MÈGAŊLƆ VƆ̃ SIWO WOWƆ ÐE ŊUWÒ LA ÐI O, EYOME MIAÐO BIABIA SIAWO ŊU:

• Le videoa ƒe akpa gbãtɔ mea, nu kae Kafui wɔ si ɖee fia be ‘elé vɔ̃ siwo wowɔ ɖe eŋu la ɖi’?

• Le videoa ƒe akpa evelia mea, nu kae kpe ɖe Kafui ŋu wòɖe asi le susu manyomanyo siwo bum wònɔ ŋu be eƒe susu va le nu nyuiwo ŋu?

• Le ye katã mea, aleke Kafui kpe asi ɖe hamea ƒe ɖekawɔwɔ ŋu?