“Minɔ Nu Siawo Ŋu Bum”

Nu kawo? Filipitɔwo 4:8 gblɔ be míanɔ nu siwo nye nyateƒe, dze na bubu, le dzɔdzɔe, le dzadzɛ, dze na lɔlɔ̃, woƒoa nu nyui le, nuwɔna nyui, kple nu siwo katã dze na kafukafu la ŋu bum. Gake menye nu siwo ku ɖe Ŋɔŋlɔawo ŋu dzaa koe wòle be Kristotɔwo nabu o. Ke hã ele be nu siwo ŋu míebuna nanye nu si adze Yehowa ŋu. Ke menye be woana míaƒe nuteƒewɔwɔ na Yehowa me nagbɔdzɔ o.—Ps 19:14.

Ate ŋu asesẽ ɣeaɖewoɣi be míaƒo asa na susu manyomanyowo. Menye míaƒe ŋutilã madebliboa koe wòle be míawɔ avu kplii o, ele be míawɔ avu kple Satana, si nye “nuɖoanyi sia ƒe mawu” la hã. (2Ko 4:4) Esi wònye eyae kpɔ ŋusẽ ɖe nyakakamɔnuwo abe television, radio, internet kple agbalẽwo ene dzi ta la, nu siwo dzena le nyakakamɔnu siawo me la medea ame dzi tututu o. Eya ta ne míetia nu siwo míatsɔ ade míaƒe susu me nyui o la, míaƒe nuŋububu ava gblẽ, eye vivivi la, ava kpɔ ŋusẽ ɖe míaƒe nuwɔnawo dzi.—Yak 1:14, 15.

MIKPƆ VIDEO SI NYE TSRI NU SIWO GBLẼA NUTEƑEWƆWƆ ME—MODZAKAÐEÐE SIWO MESƆ O, EYOME MIAÐO BIABIA SIAWO ŊU:

• 

  Nu kawoe nɔviŋutsua kpɔna le eƒe fon dzi, eye ŋusẽ kae wòkpɔ ɖe edzi?

• 

  Aleke Galatiatɔwo 6:7, 8 kple Psalmo 119:37 kpe ɖe eŋui?