Ale Si Nàwɔ Abi Ðe Ðaseɖiɖidɔa Me​—Gbeƒãɖeɖe Na Ame Aɖe Si Meʋu Eƒe Ʋɔtru Alo Agbo Na Mí O

NU SI TA WÒLE VEVIE: Esi nu vlo wɔwɔ bɔ ta, ame geɖe vɔ̃na be yewoaʋu yewoƒe agbowo alo ʋɔtruwo na ame aɖewo siwo yewomenya o. Le du gã aɖewo me la, fotoɖemɔ̃ alo agbonunuƒomɔ̃ le ame aɖewo ƒe mɔ nu. Esia wɔnɛ be wote ŋu kpɔa ame siwo le agboa nu eye woƒoa nu kpli wo ne womeʋu agboa o gɔ̃ hã. Míate ŋu atsi dzi ne míele gbeƒã ɖem na ame siawo tɔgbi elabe míele wo kpɔm o. Aɖaŋuɖoɖo siwo gbɔna akpe ɖe mía ŋu be dzi naɖo mía ƒo ne míele gbeƒã ɖem na ame siawo.

ALE SI NÀWƆE:

• Susu nyui nenɔ asiwò ɖe wo ŋu. Ame siawo dometɔ geɖe adi be yewoaɖo to mí ne womeʋu woƒe agbowo na mí o gɔ̃ hã

• Ðo ŋku edzi be hafi nàƒo ʋɔa alo azi agbonuga la, aƒemenɔlaa le wò kpɔm eye wòle to ɖom wò

• Ne amea tɔ la, ƒo nu abe ɖe nèle ekpɔm ŋkume kple ŋkume ene. Vo le ɖokuiwò me eye nàɖo nukomo. Gblɔ nya siwo tututu nàgblɔ ne ɖe nèle dze ɖom kplii ŋkume kple ŋkume. Ne fotoɖemɔ̃ le agboa alo ʋɔtrua nu la, mègado mo ɖe eme fũu akpa o

• Ne èɖo dze kple amea vɔ gɔ̃ hãa, ɖo ŋku edzi be eya ate ŋu akpɔtɔ anɔ wò kpɔm alo anɔ to ɖom wò. Ðɔ ŋu ɖo le nya si nàgblɔ na wò kple ame si le gbeadzi ŋu esime miekpɔtɔ le ʋɔtrua nu