NU XƆASI SIWO LE MAWU ƑE NYA LA ME | 3 MOSE 4-5
Tsɔ Wò Nu Nyuitɔ Kekeake Na Yehowa
Le Israel la, mɔnukpɔkpɔ su ame siwo da ahe la hã si be woawɔ ŋutifafa kple Yehowa. Israel-vi si da ahe kolikoli gɔ̃ hã ate ŋu ana nu si adze Yehowa ŋu, ne emae nye eƒe nu nyuitɔ kekeake ko. Woate ŋu ana wɔ, gake Yehowa di be wòanɔ “memee”, esi tɔgbi wotsɔ xɔa amedzro si ŋu bubu le. (1Mo 18:6) Egbea hã, míaƒe “kafukafuvɔsa” nyuitɔ kekeake siwo míetsɔna na Yehowa la dzea eŋu, metsɔ le ale si nu siwo me tom míele le agbe me la ɖea nu siwo míate ŋu awɔ dzi kpɔtɔ me o.—Heb 13:15.
Ne ŋusẽ megale ŋuwò abe tsã ene o, alo lãmesẽnyawo wɔe be mègatea ŋu wɔa nu siwo nèwɔna tsã o la, aleke nya siawo ate ŋu ade dzi ƒo na wòe?