Ale Si Nàwɔ Abi Ðe Ðaseɖiɖidɔa Me​—Ðaseɖiɖi To Telefon Dzi

NU SI TA WÒLE VEVIE: Ðaseɖiɖi to telefon dzi nye mɔ vevi aɖe si dzi míato ‘aɖi ɖase le nya nyui la ŋu tsitotsito.’ (Dw 20:24)a Ekpena ɖe mía ŋu míeɖia ɖase na amewo ne nɔnɔmeawo meɖe mɔ be míayi wo gbɔ o.

ALE SI NÀWƆE:

• 

  Dzra ɖo. Tia nyati si sɔ. Eyome nàŋlɔ nya vevi siwo nèdi be yeagblɔ la ɖi. Anyo be nàdzra nya kpui aɖe si nàdi be yeagblẽ da ɖe telefon la dzi na amea atsɔ aɖe susu si tae nènɔ yɔyɔm la me ɖo, ne edzɔ be amea meɖo telefon la ŋu o. Anyo hã be nànɔ anyi ɖe kplɔ̃ aɖe ŋu eye nuŋlɔɖi si nèwɔ kple nu bubu siwo nàhiã, abe mɔ̃ si dzi nèʋu JW Library^® alo jw.org^® le xoxo la, nanɔ gbɔwò

• 

  Ðe dzi ɖi. Ƒo nu le dzɔdzɔme nu. Ðo nukomo eye nànɔ asi wɔm ɖe nyaa dzi abe ɖe amea le kpɔwòm ene. Ne èle nu ƒom la, mèganɔ tɔtɔm kabakaba ne mehiã o. Eɖea vi ne èwɔ dɔ kple nɔvi ɖeka alo eve bubu aɖe. Ne aƒemenɔlaa bia nya aɖe la, gbugbɔ gblɔ nya si wòbia la sesĩe ale be nɔvi si nèle dɔa wɔm kple hã nasee eye wòakpe ɖe ŋuwò nàdi ŋuɖoɖoa

• 

  Ðo gɔmeɖoanyi na tɔtrɔyiwɔwɔ. Ne amea tsɔ ɖe le nyaa me la, àte ŋu agblẽ biabia aɖe ɖi si ŋu nàɖo ne èyɔe emegbe. Azɔ hã, àte ŋu atsɔ míaƒe agbalẽ aɖe koŋ si ku ɖe dze si mieɖo ŋu la ayi nɛ alo aɖoe ɖee to e-mail dzi. Àte ŋu aɖo míaƒe video alo nyati aɖe hã ɖee to text alo e-mail dzi. Ne asɔ la, ƒo nu tso nane si le míaƒe nyatakakadzraɖoƒea ŋu nɛ