Srɔ̃ Nu Tso Se Siwo Ku Ðe Anyidɔléle Ŋu La Me

13:4, 5, 45, 46, 52, 57

Gɔmeɖose vevi aɖewo le se siwo ku ɖe anyidɔléle ŋu la me. Nu kawoe míate ŋu asrɔ̃ tso wo me ku ɖe ale si míawɔ anɔ lãmesẽ me le gbɔgbɔ me ŋu?

• Yehowa fia nunɔlawo ale si woawɔ ade dzesi anyidɔ kaba. Egbea hã, Kristotɔ alẽkplɔlawo tsona kpla kpena ɖe ame siwo dze dɔ le gbɔgbɔ me la ŋu.—Yak 5:14, 15

• Ele be Israel-viwo nagblẽ nu sia nu si me anyidɔa do ɖo la dome ale be dɔa nagakaka ɖe edzi o. Ele be Kristotɔwo hã nalɔ̃ faa aɖe asi le nu siwo le vevie na wo gɔ̃ hã ŋu, nenye be nu mawo akplɔ wo ade nu vɔ̃ me. (Mt 18:8, 9) Nu mawo ƒe ɖewo ate ŋu anye numamewo, hadedewo, alo modzakaɖeɖe

Aleke Kristotɔ ate ŋu aɖee afia be yedi vevie be Yehowa nakpe ɖe ye ŋu?