Nɔ Dzadzraɖo Ði Le “Ŋkeke Mamlɛawo” Ƒe Mamlɛ Siawo Me

Le “ŋkeke mamlɛawo” ƒe mamlɛ siawo mea, míenya be kuxi siwo agasẽ wu la ava, eye ele be míayi edzi ado dzi. (2Ti 3:1; Mt 24:8) Zi geɖe ne afɔkuwo dzɔa, Yehowa ƒe amewo xɔa mɔfiame siwo sɔ ɖe ɣeyiɣia nu eye woxɔa ame ɖe agbe. Míaƒe agbetsitsi le afɔku mawo me ate ŋu anɔ te ɖe ale si míaɖo to be míanɔ dzadzraɖoɖi fifia le ŋutilãme kple gbɔgbɔ me siaa dzi.—Lk 16:10.

• Dzra ɖo le gbɔgbɔ me: Gbɔgbɔmeɖoɖo nyui nenɔ asiwò. Srɔ̃ gbeadzisubɔsubɔdɔa ƒe mɔnu vovovowo. Ne eva dzɔ be nèɖe ɖe aga tso nɔviwo gbɔ hena ɣeyiɣi aɖe hã, mègavɔ̃ o. (Yes 30:15) Naneke mate ŋu aɖe wò ɖe aga tso Yehowa kple Yesu gbɔ o.—od 176 ¶15-17

• Dzra ɖo le ŋutilãme: Tsɔ kpe ɖe akplo si me míadzra nuhiahiã veviwo ɖo ŋua, ele be ƒome sia ƒome nadzra nuɖuɖu, tsi, atike kple nu mawo tɔgbi agbɔsɔsɔ aɖe ɖo be woazã ne eva hiã be woatsi teƒe ɖeka hena ɣeyiɣi didi aɖe.—Lod 22:3; g17.5 4, 6

MIKPƆ VIDEO SI NYE ÐE NÈDZRA ÐO ÐE DZƆDZƆMEFƆKU ŊUA? EYOME MIAÐO BIABIA SIAWO ŊU:

• 

  Aleke wòle be míadzra ɖo le gbɔgbɔ me hafi afɔku aɖe nadzɔ?

• 

  Nu ka tae wòle be . . .

  • míana kadodo nyui nanɔ mía kple hamemetsitsiwo dome?

  • míade nanewo akplo me da ɖi?

  • míabu afɔku siwo tɔgbi ate ŋu adzɔ kple nu si míawɔ le wo dometɔ ɖe sia ɖe mea ŋu?

• 

  Ne afɔku dzɔa, mɔ etɔ̃ kawo dzie míate ŋu ato akpe ɖe amewo ŋu?

BIA ÐOKUIWÒ BE, ‘Nu kawoe corona dɔvɔ̃ si kaka ɖe xexea mea fiam tso ale si wòle vevie be madzra ɖo hafi afɔku nava dzɔ ŋu?’