Fia Biblia Nusrɔ̃viwo Ale Si Woasrɔ̃ Nu Geɖe Tso Yehowa Ŋu

Be Biblia nusrɔ̃viwo nanya Yehowa eye woava zu Kristotɔ siwo tsi le gbɔgbɔ mea, ele be woasrɔ̃ nu geɖe wu nyateƒenya siwo míefiana wo. (Mt 5:3; Heb 5:12–6:2) Ele be woanya ale si woawo ŋutɔ woasrɔ̃ nu tso Yehowa ŋu le wo ɖokui si.

Tso gɔmedzedzea kea, fia wò Biblia nusrɔ̃viwo ale si woadzra ɖo ɖe nusɔsrɔ̃a ŋu, eye nàde dzi ƒo na wo be woanɔ esia wɔm. (mwb18.03 6) De dzi ƒo na wo be woado gbe ɖa hafi adzra ɖo ɖe nusɔsrɔ̃a ŋu. Kpe ɖe wo ŋu woanya ale si woazã dɔwɔnu siwo míetsɔ srɔ̃a nui le mɔ̃ dzi kple ale si woawɔ ake ɖe nu yeye siwo dona le jw.org kple JW Nyakakadɔwɔƒea^® ŋu. Nɔ ale si woaxlẽ Biblia gbe sia gbe, ale si woadzra ɖo ɖe hamea ƒe kpekpewo ŋu, kple ale si woaku nu me ake ɖe nyabiase siwo le wo si ƒe ŋuɖoɖowo ŋua fiam wo vivivi. Kpe ɖe wo ŋu woade ŋugble le nu siwo srɔ̃m wolea ŋu.

MIKPƆ WƆWƆFIA ƑE VIDEO SI NYE KPE ÐE WÒ BIBLIA NUSRƆ̃VIWO ŊU WOASRƆ̃ NU GEÐE TSO YEHOWA ŊU, EYOME MIAÐO BIABIA SIAWO ŊU:

• 

  Aleke Rut kpe ɖe Dzidzɔ ŋu wòkpɔe be nusɔsrɔ̃ bia nu geɖe wu nyabiasewo ƒe ŋuɖoɖo didi ko?

• 

  Nu kae kpe ɖe Dzidzɔ ŋu wòva lɔ̃ ɖe edzi be esɔ be Yehowa nade se ɖe gbɔdɔdɔ manɔsenu nu?

• 

  Aleke Dzidzɔ va se ŋugbledede gɔme?