Subɔsubɔkpekpewo Hena December

MIDE DZESII: Míewɔ ɖoɖo ɖe December kple January ƒe kwasiɖa ɖesiaɖe ƒe Subɔsubɔ Kpekpe ŋu le Míaƒe Fiaɖuƒe Subɔsubɔdɔ me. Hamewo ate ŋu awɔ asitɔtrɔ siwo hiã le eŋu be woakpɔ mɔnu ayi “Mawuvɔvɔ̃” Nutome Gã Takpekpea eye emegbe woatsɔ aɖabaƒoƒo 30 adzro takpekpe me nuƒoawo me le kwasiɖa si akplɔe ɖo ƒe Subɔsubɔ Kpekpea me. Ele be woatsɔ takpekpeŋkeke ɖesiaɖe ƒe nuƒowo me dzodzro ade asi na nɔviŋutsu eve alo etɔ̃ siwo dze la do ŋgɔ, amesiwo ate ŋu ate gbe ɖe nya vevi siwo ɖe dzesi dzi. Numedzodzro sia si ŋu wodzra ɖo ɖo nyuie la akpe ɖe hamea ŋu be woaɖo ŋku nya veviwo dzi be woawɔ eŋudɔ le woƒe agbenɔnɔ me ahazãe le gbeadzi. Nyaselawo ƒe ŋuɖoɖowo kple nuteƒekpɔkpɔwo nanɔ kpuie eye wòaku ɖe nya veviawo ŋu tẽ.

Kwasiɖa si Dze Egɔme December 5

Hadzidzi 68

12 min: Miaƒe gbeƒãɖeɖewo kple Míaƒe Fiaɖuƒe Subɔsubɔdɔ me Gbeƒãɖeɖe siwo sɔ. Ƒo nu tso nyati lédziname ɖeka alo eve siwo woate ŋu azã ne wole magazine yeyewo nam la ŋu. Na gbeƒãɖela bibi aɖe nazã nyatiawo dometɔ ɖeka awɔ enana ƒe wɔwɔfia.

15 min: “Kpɔɖeŋu si Wòle Be Míasrɔ̃ Nyuie.” Nyabiabiawo kple ŋuɖoɖowo.

18 min: “Kpe Ame Bubuwo be Woasrɔ̃ Ame Vevitɔ La.” Dzro eme kple nyaselawo. Na woawɔ wɔwɔfia kpui eve. Te gbe ɖe aƒeme yi aƒeme nuŋlɔɖi nyui wɔwɔ ƒe vevienyenye dzi; dzro nusiwo wòle be woaŋlɔ me kpuie.

Hadzidzi 153 kple gbedodoɖa hena kpakpã.

Kwasiɖa si Dze Egɔme December 12

Hadzidzi 86

12 min: Miaƒe gbeƒãɖeɖewo. Teokrasi Nyadzɔdzɔwo. Xlẽ gakɔntabubu kple nudzɔdzɔwo ŋuti akpedanyawo.

15 min: “Lé Ŋku Ðe Wò Nufiafia Ŋu Ɣesiaɣi.” Sukudzikpɔla ƒe nuƒo. Dzro mɔfiame siwo kpe ɖe “Theocratic Ministry School Schedule for 1995” ŋu la me, eye nàgblɔ ŋkuɖodzinya ɖesiaɖe si hiã na hamea koŋ.

18 min: “Ðe Ŋudzedzekpɔkpɔ Fia ɖe Mawu ƒe Aƒea Ŋu.” Nyabiabiawo kple ŋuɖoɖowo. Gagblɔ nya bubuwo le alesi wòhiã be woava kpekpewo ɖe game dzii ŋu.—Kpɔ Eŋlisigbe me Gbetakpɔxɔ, June 15, 1990, ƒe axa 26-9.

Hadzidzi 99 kple gbedodoɖa hena kpakpã.

Kwasiɖa si Dze Egɔme December 19

Hadzidzi 78

10 min: Miaƒe gbeƒãɖeɖewo. Dzro gbeadziyiɖoɖo siwo le mia si ɖe azãɖuɣi si gbɔna ŋu me. Ðo aɖaŋu le mɔ siwo dzi woana magazine yeyewo le le miaƒe anyigbamamã me ŋu.

20 min: “Lé Ŋku Ðe Nyagblɔɖinya la Ŋu.” Emedegbalẽvia. Hamemegã aɖe natsɔ nyabiabiawo kple ŋuɖoɖowo adzro memamã 1-8 me. Dzro alesi woawɔ mawunyakpukpui siwo woyɔ ŋudɔe la me.

15 min: “De Dzi Ƒo Na Wo Woava Zu Eyomedzelawo.” Dzro eme kple nyaselawo. Na woawɔ wɔwɔfia kpui eve. Kafui be amesiame nazã ɣeyiɣi aɖe le eƒe gbeadziyiɣiwo me kwasiɖa ɖesiaɖe atsɔ awɔ tɔtrɔyiwoe.

Hadzidzi 22 kple gbedodoɖa hena kpakpã.

Kwasiɖa si Dze Egɔme December 26

Hadzidzi 74

7 min: Miaƒe gbeƒãɖeɖewo. Dzro nyati si nye “Ðe Miaƒe Nusrɔ̃ɣiwo Atrɔa?” me ne esɔ na miaƒe hamea.

18 min: “Lé Ŋku Ðe Nyagblɔɖinya la Ŋu.” Emedegbalẽvia. Hamemegã aɖe natsɔ nyabiabiawo kple ŋuɖoɖowo adzro memamã 9-13 mee. Te gbe ɖe dzadzraɖo ɖe Hame ƒe Agbalẽ me Nusɔsrɔ̃ ŋu, dede edziedzi, kple gomekpɔkpɔ le eme ƒe vevienyenye dzi. Na woakpɔ ŋudzedze ɖe gbɔgbɔmenufiame si hiã vevie hena mɔfiafia mí le ŋkeke mamle siawo me ŋu.

20 min: “Dzilawo, Ðe Mia Viwo Nye Gbeƒãɖelawoa?” Nyabiabiawo kple ŋuɖoɖowo ƒe numedzodzro. Na ɖevi aɖe nazã mawunyakpukpui ɖeka atsɔ aƒo nui na aƒemenɔla ne miedzro memamã 3 lia me vɔ.

Hadzidzi 157 kple gbedodoɖa hena kpakpã.

Hame Ƒe Agbalẽ Me Nusɔsrɔ̃

Ðoɖo hena hame ƒe nusɔsrɔ̃wo le Nyaɖeɖefia—Etaƒoƒo Keŋkeŋ la Ðo Vɔ! ƒe agbalẽa me.

Tso: Vaseɖe:

December 5: axa 39, ¶7 axa 43, ¶7

December 12: axa 43, ¶8 axa 47, ¶23

December 19: axa 47, ¶1 axa 50, ¶14

December 26: axa 51, ¶15 axa 55, ¶5

September Subɔsubɔ Ƒe Akɔntabubu

Gaƒ. Mag. TY BN

Xexlẽme: m.d. m.d. m.d. m.d.

Mɔɖ. V. 104 136.8 10.0 67.8 11.2

Gbe. Mɔɖ. 2,926 73.0 6.2 37.9 7.0

Kpe. Mɔɖ. 1,590 57.2 4.5 24.7 4.9

Gbeƒ. 37,926 12.6 1.0 5.9 1.5

YE KATÃ 42,546 Nyɔnyrɔ̃xɔlawo: 177

Ðe Miaƒe Nusrɔ̃ɣiwo Atrɔa?

Le afisiwo hame geɖe zãa Fiaɖuƒe Akpata ɖeka le la, ɖewohĩ anyo be woawɔ ɖoɖo aɖɔ li nusrɔ̃ɣiwo alo atrɔ asi le wo ŋu ƒe sia ƒe. Gake ele be woawɔe be nuwo magade hame ɖeka ko dzi ɣesiaɣi o. (Tsɔe sɔ kple Míaƒe Fiaɖuƒe Subɔsubɔdɔ, September 1976, ƒe axa 6 me nyawo.) Le kpɔɖeŋu me, ne mieɖoe be nusrɔ̃ɣiawo ɖɔliɖɔli nadze egɔme tso January ƒe ŋkeke gbãtɔ dzi la, lɔlɔ̃ faa akpe asi ɖe ɖoɖo sia ŋu aɖe havilɔlɔ̃ kple nugɔmesese na ame nɔewo afia. Zi geɖe la, nusrɔ̃ɣiawo tɔtrɔ ade mia ŋutɔ dzi, awɔe be kpekpewo dede nasɔ na mi wu.

Le go bubu me la, ɖewohĩ tɔtrɔawo masɔ ɖe wò dɔwɔɖoɖowo nu tututu o. Ate ŋu abia be nàtrɔ asi le wò dɔwɔnawo ŋu si ɖewohĩ masɔ ɖe edzi boo o. Ne amesiame lɔ̃ kpe asi ɖe eŋu la, efia be wokpɔ ŋudzedze ɖe ɖoɖo bliboa katã ŋu, si ana ɖekawɔwɔ nanɔ amesiwo katã ŋu wòku ɖo la dome.

Anɔ eme be nusrɔ̃ɣi siwo woagaɖɔ li la asɔ na wò wu. Gake do ŋgɔ la, míele dzi dem ƒo na wò be wò ŋutɔ nàwɔ asitɔtrɔ siwo katã hiã la be nàte ŋu ade kwasiɖa ɖesiaɖe ƒe kpekpewo katã le ɖoɖo si dzi hamea da asi ɖo nu. Ʋli be hakpala Dawid ƒe nukpɔsusu nanɔ asiwò, amesi gblɔ be: “Dzi dzɔm, esime wogblɔ nam be: Mina míayi Yehowa ƒe me.”—Ps. 122:1.

Teokrasi Nyadzɔdzɔwo

Albania: Wokpɔ gbeƒãɖela 353 ƒe agbɔsɔsɔ yeye le July me, kpakple magazinenana ƒe agbɔsɔsɔ yeye hã. Hamea me gbeƒãɖelawo zã gaƒoƒo 22.4 le gbeadzi le mamã dedie nu eye wowɔ aƒeme Biblia nusɔsrɔ̃ 1,073.

Cameroon: Woɖo alɔdzedɔwɔƒe yeye le July me, eye esia do go ɖe woƒe gbeƒãɖelawo ƒe agbɔsɔsɔ yeye si nye 21,323 nu.

Greenland: Gbeƒãɖela siwo bu gbeadzisubɔsubɔdɔa ƒe akɔnta ƒe xexlẽme ɖo 134 le July me. Esia nye agbɔsɔsɔ yeye.

Zaire: Togbɔ be wole nɔnɔme sesẽwo me tom esi sitsoƒedila akpe alafa geɖe le Zaire vam hã la, wokpɔ gbeƒãɖelawo ƒe agbɔsɔsɔ yeye si nye 83,442 le July me. Nɔviawo dze agbagba si dze kafukafu le kpekpe ɖe wo nɔewo ŋu me, eye wogblɔ be yewokpɔ ŋudzedze ɖe kpekpeɖeŋununana siwo tso duta ŋu ŋutɔ.