Kilakila Mada
(Na tikinivolatabu era volai koto ena loma ni ikovu ena kunei kina na isaunitaro yadua kei na isaunitaro kece e tabaki ena taqana e 24. Ke oni via kila e so tale na ka, raica na ivola na “Insight on the Scriptures,” e tabaka na Watchtower Bible and Tract Society of New York, Inc.)
1. O cei sara mada e raica na yapositolo o Joni ena “kedra maliwa nai tutu-ni-cina e vitu,” e solia vua na itukutuku me vakadewataki vei iratou na ivavakoso e vitu? (Vakatakila 1:13)
2. Na cava na ivakasala i Paula vei keda meda na kua kina ni ‘rawai ena ca’? (Roma 12:21)
3. Na cava e vakaibalebaletaka o Jisu ni a kaya: “Kevaka e dua sa vakasaurarataki iko mo drau lako vata kaya e dua na maili, lako vata kaya na kenai karua”? (Maciu 5:41)
4. Na iukuuku cava e vakasalataki ira kina na yalewa vakawati lotu Vakarisito o Pita mera vakabibitaka mai na tali drauniulu wale kei na tokari ni iukuuku koula? (1 Pita 3:3, 4)
5. Na cava e vakatokai Eparama kina o Jiova me dusia ni a tamadra vakayago na matanitu o Isireli? (Aisea 51:1)
6. Na cava e sega ni via gunuva kina o Tevita na wai eratou kauta yani vua mai Peceliema na tolu na nona bati ni a tiko voli ena qara kei Etulama? (2 Samuela 23:15-17)
7. Na cava e cakava tiko o Pacisepa ena gauna e raici koya kina o Tevita? (2 Samuela 11:2)
8. A kaya o Paula ni sega ni volai na lomadra na lotu Vakarisito mai Korinica ena wainivolavola, ena cava ga? (2 Korinica 3:3)
9. Na cava e vakayagataka o Jiova me kauti ira tani kina na vodre kece era vakayagataki mera ikawalu ni kuita kei Ijipita? (Lako Yani 10:19)
10. Ena vuku ni cava e vakamatei Saula kina o Jiova? (1 Veigauna 10:13)
11. E veisau waqa ena koro cava o Paula ni sa kau tiko vakavesu i Roma? (Cakacaka 27:5)
12. E vakaraitaka vakacava o Jiova ni kauaitaki ira na yada kei na luveniyali e Isireli makawa? (Lako Yani 22:22-24; Vakarua 24:17-21)
13. Na yaca cava sa qai vakatokai kina na were era volia na bete ena ilavo e kolotaka ina valenisoro o Jutasa? (Maciu 27:3-8; Cakacaka 1:19)
14. Na cava e cudruvi Saimoni kina o Pita baleta ni via volia na dodonu me rawa ni vakadewataka kina na yalo tabu vei ira tale e so? (Cakacaka 8:20, 21)
15. E yabaki vica o Sera ena gauna e vakasucumi Aisake kina? (Vakatekivu 17:17)
16. Na vanua cava rau toki kina o Elimeleki kei na watina, o Neomai, ena vuku ni dausiga, qai lai vakawatitaki Ruci kina na luvedrau o Maloni? (Ruci 1:1-4)
iSaunitaro
1. O Jisu Karisito, e kaya o Joni ni “vakataki koya na Luve ni tamata”
2. “Mo rawa ga na ca e na vinaka”
3. E vakabibitaka tiko o koya ni yaga ga meda vakamalumalumu vei ira e dodonu mera lewa
4. “Na ka sa sega ni vuca rawa, na yalomalumalumu kei na yalomalua”
5. “Na vatu dou a ta maikina”
6. Ni wai oya e vakatakarakarataka na nodratou dra eratou bolea me vakadavei ni ratou lai saga mai
7. Sili
8. “Na Yalo ni Kalou bula”
9. Na cagi kaukaua ni vualiku e ceburaki ira yani na vodre ina Wasa Damudamu
10. Nona sega ni yalodina me muria na ivakaro i Jiova kei na nona lai taroga na daucurumi
11. E Maira mai Lisia
12. E vakarautaka na ka mera bula kina
13. Akelitama, se “vanua ni dra”
14. E cala na lomana ena nona via volia “nai solisoli ni Kalou,” qai ‘sega ni dodonu na yalona ena mata ni Kalou’
15. Yabaki 90
16. Moapi