iTuvatuva ni Soqoni ni Cakacaka

Macawa me Tekivu ena 12 Maji

Sere 112

10 MIN: Veika me kacivaki kei na kena e digitaki mai na Noda Cakacaka Vakaitalatala ni Matanitu.

15 min: Veika e gadrevi ena ivavakoso.

20 min: “Epereli​—Meda ‘Cakacaka ka Vosota.’” (Parakaravu 1-13) Vosa na ivakatawa daulewa. Me veivosakitaki vakabulabula na ka e gadrevi meda na rawata ena Epereli. Uqeti ira ena ivavakoso meda vakaitavi kece ena cakacaka vakavunau ena vula mai oqo.

Sere 147 kei na masu.

Macawa me Tekivu ena 19 Maji

Sere 166

8 min: Veika me kacivaki. Ripote ni akaude.

17 min: Veika e gadrevi ena ivavakoso.

17 min: Vakayagataka Vinaka na Yearbook 2001. Me dua na vosa ra vakaitavi tale ga kina na vakarorogo. Raici lesu na “2000 Grand Totals,” (iSoqoni Kece ni 2000) ena taqana 31. Veivosakitaka na “A Letter From the Governing Body,” (iVola Mai na iLawalawa Dauvakatulewa) ena taqana 3-5. Taroga e so na vakarorogo mera tukuna e dua na itukutuku se vakasavuirogorogo mai na Yearbook vou e vakayaloqaqataki ira qai vaqaqacotaka na nodra vakabauta. Uqeti ira mera wilika tasevu vata vakavuvale na Yearbook, me vaka ga era dau cakava na vuvale e Peceli e vuravura raraba ena loma ni dua taucoko na yabaki. Vakabibitaka na taro e tiko ena taqana e 255, me railesuvi kina na ka e vulici ena Yearbook. Kerea e so mera vakatura na sala me vakayagataki kina na Yearbook ena nodra vukei na vuli iVolatabu mera taleitaka na isoqosoqo i Jiova kei na kena dokai meda mai lewena.

20 min: “Epereli​—⁠Meda ‘Cakacaka ka Vosota.’” (Parakaravu 14-30) Vosa na ivakatawa ni cakacaka. Dua na vosa qai digitaki ga na parakaravu me caka kina na veitarotarogi. Meda tuvanaka kece na ituvatuva e veiganiti me rawa nida na vakaitavi kina ena kena levu eda rawata ena cakacaka vakaitalatala ena Epereli. Me tukuni na ituvatuva kece ni cakacaka vakavunau ena Epereli. Uqeti ira kece e rawa nira painia veivuke mera vakalewena na kena fomu ni oti na soqoni.

Sere 188 kei na masu.

Macawa me Tekivu ena 26 Maji

Sere 204

10 min: Veika me kacivaki. Tukuna ni kevaka e dua e via vakalewena na fomu ni painia veivuke ena Epereli, e se rawa ga. Uqeti ira kece mera vakamuria na ituvatuva ni Wili iVolatabu ni iVakananumi e tuvai me baleta na macawa ni 3-8 Epereli, ena Dikevi na iVolatabu e Veisiga​—2001. Tukuna na siga me na caka kina na Vuli Vale ni Vakatawa ena macawa ni iVakananumi. Kua ni guilecava na vunau lavotaki ena Sigatabu oqo, 1 Epereli, na kena ulutaga, “O Cei Ena Vakabulai?” Uqeti ira kece mera vakaitavi ena cakacaka vakaitalatala ena siga oya me tekivu vinaka na Epereli.

20 min: “Meda Vakarokorokotaki Jiova Kece Kei na Luvena.” Me vosa ni veivakauqeti vakaivolatabu e dua na qase. Uqeti ira kece mera vakaitavi ena kena levu era rawata ena cakacaka lavotaki e tuvanaki ena Epereli, ra qai saga vagumatua mera veisureti ina iVakananumi.

15 min: Vakarautaka Noda iVakamacala ni Soli iVoladraudrau. Eda na solia tiko Na Vale ni Vakatawa kei na Yadra! ena Epereli. Railesuva na Noda Cakacaka Vakaitalatala ni Matanitu, Okotova 1996, parakaravu 3 kei na 10, taqana 8. Vakabibitaka (1) e dua na ulutaga, (2) dua na tikina veiganiti me veivosakitaki, (3) dua na taro me uqeta na tataleitaki, kei na (4) dua na tikinivolatabu veiganiti e rawa ni vakayagataki me laulau kina na soli ni ivoladraudrau vovou. Saga mo solia na brochure na Loma ni Kalou se na ivola na Kila mera tekivu vuli iVolatabu kina na tataleitaki. Tinia ena dua na vakatasuasua vakarautaki vinaka ena kena soli na ivoladraudrau ena imatai ni veisiko.

Sere 207 kei na masu.

Macawa me Tekivu ena 2 Epereli

Sere 220

9 min: Veika me kacivaki. Vakadreti ira kece na dautukutuku mera solia na nodra ivolatukutuku ni cakacaka vakavunau ni Maji. Railesuvi na “Ka me Nanumi Ena iVakananumi.”

18 min: “Na Loloma e Uqeti Keda Meda Vunau.”a Vakamacalataki ira na tikinivolatabu ena ulutaga oqo. Okati kina na ivakamacala ena Insight, Volume 2, taqana 673, parakaravu 1. Sureta e dua na dautukutuku sa dede na nona gumatua voli mai me vakamacalataka na sala e uqeti koya tiko kina na loloma ni Kalou me vosota tiko ga ena cakacaka vakavunau. Uqeti ira kece na dautukutuku mera vakaitavi ena cakacaka vakavunau ena Epereli kei na vo ni vula kece tale e so.

18 min: “Veisureti Ina Soqoni.”b Ena itoma ni Noda Cakacaka Vakaitalatala ni Matanitu, June 1996, parakaravu 14-16, e tiko kina na ikuri ni ivakamacala e vakaturi ena sala mera vakamuai kina na vuli iVolatabu ina isoqosoqo. Vakamacalataka na sala e rawa ni rau vakayagataki ruarua kina na brochure na Loma ni Kalou (lesoni 5, parakaravu 7) kei na ivola na Kila (wase 5, parakaravu 22) ni se qai tekivu ga na vuli me uqeti kina o gonevuli me dau tiko ena soqoni. Me dua na kena ivakaraitaki, me vakatasuasuataka vakavinaka e dua na dautukutuku matua na nona uqeta tiko vakayalololoma e dua na vuli iVolatabu me vakasamataka vakabibi me lako mai ina soqoni.

Sere 47 kei na masu.

[iVakamacala e ra]