iTuvatuva ni Macawa e Tekivu ena 11 Epereli

Macawa me Tekivu ena 11 Epereli

Sere 4

15 min: Veika me kacivaki kei na kena e digitaki mai na Noda Cakacaka Vakaitalatala. Taurivaka na vakatutu ena tabana 6 (ke ganita na yalava), me vakatasuasuataki kina na soli ni Vale ni Vakatawa, 15 Epereli, kei na Yadra!, Epereli-June. Rawa ni vakatasuasuataki e so tale na iwalewale e rawa ni taurivaki dina ena yalava. Ena dua na vakatasuasua, me vunau tiko na dautukutuku ena salatu.

15 min: “Kua ni Guce ena Cakacaka Vakavunau.”a Ke levu na gauna, sureti ira na vakarorogo mera vakamacala ena tikinivolatabu e sega ni lavetaki.

15 min: “Meda Caka Vinaka ena Noda Dau Veivukei.”b Me veivosakitaki na sala eda rawa ni vakayagataka kina oqo ena noda dui ivavakoso, tukuna tale ga e so na ka eda rawa ni cakava meda veivuke kina.

Sere 47 kei na masu.

Macawa me Tekivu ena 18 Epereli

Sere 76

10 min: Veika me kacivaki.

20 min: “Na Ka me Caka Mera Toso Kina Noda Vuli iVolatabu​​—⁠Wase 8.”c Me vakatasuasuataka vakalekaleka e dua na dautukutuku nona solia tiko vei nona vuli iVolatabu vou na brochure Na iVakadinadina i Jiova​​—⁠Duavata ni Vakayacora na Loma ni Kalou e Vuravura. Me cega sara na dautukutuku na iyaloyalo ena tabana 14-15, qai vakamacalataka vakalekaleka na Soqoni Soqovi Levu. Me tukuna tale ga vua na gonevuli na ulutaga ni vunau soqovi levu e tarava, qai sureti koya me tiko kina.

15 min: Meda Yalomatuataka Noda Vakayagataka na Internet. (Taito 2:​11, 12) Me dua na vosa e yavutaki ena Noda Cakacaka Vakaitalatala, Sepiteba 2002, tabana 8, parakaravu 1-7, kei na Noda Cakacaka Vakaitalatala, Noveba 1999, tabana 5, parakaravu 24-6, kei na tabana 6, parakaravu 35-6. Ke levu na gauna, okata e so tale na ivakamacala mai na itoma tiko ga oqori e ganita na ivavakoso.

Sere 169 kei na masu.

Macawa me Tekivu ena 25 Epereli

Sere 111

15 min: Veika me kacivaki. Ripote ni akaude, vakavinavinakataka tale ga na cau. Vakadreti ira na dautukutuku mera solia nodra ripote ni vula o Epereli. Taurivaka na vakatutu ena tabana 6 (ke ganita na yalava), me vakatasuasuataki na soli ni Vale ni Vakatawa, 1 Me. Rawa ni vakatasuasuataki e so tale na kena iwalewale e rawa ni taurivaki dina ena yalava. Ena dua vei ira na vakatasuasua oqo, me vakayagataki na iwalewale mai na noda ivola lailai Na Sala me Tekivu Qai Tomani Kina na Veivosaki ena iVolatabu, tabana 8. Me tukuna na iulubale “Sega sa rauta.” Tukuna na ulutaga ena ivoladraudrau ena rawa ni uqeti ira na tiko ena yalava.

15 min: Na iVolatabu, na iVola e Lewena na iTukutuku e Rawa ni Vakabauti. Dua na vosa ra vakaitavi tale ga na vakarorogo, me yavutaki ena brochure Noda iVola Kece, tabana 27-9. Eda dau sotava e so ena cakacaka vakavunau, era dau kauaitaka na veika e se bera ni yaco. E tu gona ena iVolatabu na itukutuku e rawa ni vakabauti, e vakamacalataki kina na bula mamarau era na qai vakila o ira na talairawarawa. Veivosakitaka e so na parofisai ena iVolatabu sa vakayacori oti, e vakadeitaka gona ni na yaco dina na veika e se bera ni yaco e yalataka na iVolatabu. Me dua na vakatasuasua, me dua na dautukutuku me vakaraitaka vua na tataleitaki e dua na ka e volatukutukutaki ena iVolatabu me uqeti koya me nuitaka tale ga na iVolatabu.

15 min: Nomu iTavi Vakaitubutubu. Na vosa e yavutaki ena Awake!, 22 Okotova, 2004, tabana 7-10.

Sere 8 kei na masu.

Macawa me Tekivu ena 2 Me

Sere 148

10 min: Veika me kacivaki. Veivosakitaka vakalekaleka na ulutaga “Vulici na Brochure Yadra Tiko!” ena tabana 4. Tukuna ni oqo na ituvatuva ni kena vulici na brochure. Uqeti ira kece mera vakavakarau vinaka mera vakaitavi ena vuli e veimacawa, ena tekivu ena macawa ni 23 Me.

15 min: Veika e gadrevi ena ivavakoso.

20 min: “Me Bula na Tamata Kece Ga.”d Me veivosakitaki na sala e rawa ni vakayagataki kina ena noda dui yalava.

Sere 112 kei na masu.

[iVakamacala e ra]