Vakatutu

Me Tauyavu Kina na Vuli iVolatabu ena iMatai ni Vakarauwai ena Epereli

“Dua na nodra ivalavala kilai levu na lotu vaKarisito na papitaiso. Oni nanuma ni bibi meda papitaiso? [Waraka me sauma.] Eso na vakasama yaga e volai ena ulutaga qo.” Vakaraitaka vei taukeinivale Na Vale ni Vakatawa 1 Epereli qai veivosakitaka na imatai ni taro ena tabana e 16, mo wilika e dua na tikinivolatabu. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Epereli

“E levu na ka e tukuni tu me baleti Jisu. Eso era kaya ni Mesaia yalataki. Eso tale era nanuma ni dua wale ga na tamata vinaka. Ia eso tale era kaya ni a sega dina ni bula. Na cava nomuni nanuma? [Waraka me sauma.] E tukuna na iVolatabu ni bibi meda kila na ka dina me baleti koya. [Wilika Joni 17:3.] Na mekesini qo ena vakamacalataka eso na isau ni taro vakaivolatabu e dau tarogi me baleti Jisu.”

Yadra! Epereli-June

“E levu nikua era taleitaka mera veitaratara ena internet. Oni nanuma ni rawa ni vakavu leqa tale ga? [Waraka me sauma.] E tiko ena iVolatabu eso na ivakavuvuli ena taqomaki keda nida vakayagataka tiko na internet. [Cega na tabana e 6-9, qai veivosakitaka e dua na taro kei na tikinivolatabu e sega ni lavetaki.] Ena dusimaki iko na mekesini qo ena so na leqa e laurai me baleta na veikilai ena internet, qai veivakasalataki ena ka meda cakava meda kua kina ni vakaleqai.”