“Na iVola Totoka Duadua Au se Qai Bau Raica”

ERA se qai ciqoma ga oqo na dau tabaka na Yadra! na ivola nei Lisel, e dua na goneyalewa yabaki 18 mai Mereke e vuli tiko ena sekeneri. E vola mai:

“Au vulica tiko ena sekeneri na itukutuku makawa. E vinakati meu digia e dua na ulutaga meu vakekeli kina, au mani digia me noqu ulutaga na ka e baleta na nodra tudei na iVakadinadina i Jiova ena kedra maliwa na Nazi ni se veiliutaki na Third Reich. Au kerea tiko yani na yaca ni ivola kece e yavutaki mai kina na ivakamacala ni Yadra!, (vakavalagi), 8 Julai, 1998 ena ulutaga, ‘Jehovah’s Witnesses​—Courageous in the Face of Nazi Peril’ (iVakadinadina i Jiova​—Yaloqaqa tu ga Nira Veivakacacani na Nazi). Sa bau vakadikevi vinaka sara ga na ulutaga oqo qai volai vakamaqosa, keu bau volekata toka mada ga yani na ivakatagedegede ni volavola momona oqo kei na kena veirawai, sa na ivakadinadina vinaka sara ga vei iratou na lewe ni komiti eratou na makataka na noqu ivola.

“Au vakavinavinaka vakalevu vei kemuni ena nomuni vakarautaka tiko ga mai na ivola totoka duadua au se qai bau raica. Au vuli vakalevu ena itabataba yadua au taura ni uasivia sara na lesoni e dau soli vei keimami mai koronivuli, qai vukei au tale ga meu toroya cake tiko ga na noqu ivakatagedegede ni volavola. Au vinakata mo ni kila niu taleitaka vakalevu na nomuni cakacaka.”

[iTaba ni Credit Line ena tabana e 14]

iTaba e lomadonu: Państwowe Muzeum Oświęcim-Brzezinka, courtesy of the USHMM Photo Archives