Qarava na Kalou ena ‘Lomavata kei na Yalovata’

ERA gole vata mai na Jiu kei ira na sa tavuki mera rogoci ira na tisaipeli i Jisu Karisito. A vakacagau tiko na Solevu ni Penitiko, ra qai gole mai Jerusalemi na vulagi, so era gole sara mai vakayawa mai Roma ena yasayasa vakara, kei Paricia ena tokalau. E so tale na vosa e rogoci vei ira na vulagi qo. Ia, era veivosaki kei ira na vulagi na tisaipeli i Jisu era cavutu mai Kalili. Era kurabui sara ga e so na vulagi ra qai taroga: “Rawa vakacava me ra vosataka na noda dui vosa me vaka e da sa rogoca tiko oqo?”​—Caka. 2:​8, VV.

E tucake na yapositolo o Pita qai vakamacalataka na yavu ni cakamana era vakadinadinataka tiko ya. Era ciqoma na nona vosa, ra qai papitaiso e vica na udolu! (Caka. 2:​41) Dina ni tubu totolo na ivavakoso, ia era duavata tiko ga. E kaya na dauvola iVolatabu o Luke: “Ko ira na lewe vuqa era sa vakabauta, era sa lomavata ka yalovata.”​—Caka. 4:​32.

Era vinakata o ira na papitaiso ena Penitiko ni 33 S.K. mera tiko tale vakadede e Jerusalemi mera vulica e levu tale na ka me baleta nodra vakabauta vou. Ia, era a sega ni lalawataka taumada mera na mai dede. A qai vakarautaki e dua na ituvatuva me soqoni kina na ilavo. E so na mataveitacini era volitaka nodra iyau ra qai kauta na ilavo vei ratou na yapositolo me ratou vota vei ira na gadreva na veivuke. (Caka. 2:​42-​47) Era ivakaraitaki vinaka dina ena loloma kei na lomasoli!

Era kilai na lotu vaKarisito dina nira dau loloma qai lomasoli. Nikua, e duavata na ivavakoso lotu vaKarisito na qarava na Kalou ena ‘lomavata kei na yalovata.’ Era vakayagataka na lotu vaKarisito yadudua na nodra gauna, kaukaua, kei na ilavo mera vunautaka kina na itukutuku vinaka kei na veika e vauca na Matanitu ni Kalou.​—Raica na kato “Sala Era Bolea Kina e So Mera Soli Ka.”

[Kato ena tabana e 6]

SALA ERA BOLEA KINA E SO MERA SOLI KA

CAU INA CAKACAKA E VURAVURA RARABA

Levu era vakatikitikitaka e dua na iwase ni ilavo mera biuta ina katonicau e vakatokai “Cakacaka e Vuravura Raraba.”

Era dau vakauta e veivula na ilavo qo na ivavakoso yadua ina valenivolavola ni iVakadinadina i Jiova ena nodra dui vanua. Na ilavo e cautaki e rawa ni vakau sara ga vakadodonu ina Watchtower Bible and Tract Society of New York Inc., Attention Treasurer’s Office, 25 Columbia Heights, Brooklyn, New York 11201-2483, se ina valenivolavola ni tabana ni iVakadinadina i Jiova ena nomu vanua. Na jeke e vakau ina itikotiko e volai toka e cake me volai kina na “Watchtower.” E rawa ni cautaki tale ga na iyau talei e so. Me dua na ivola me vakau vata kei na cau oya, me vakamacalataka vakalekaleka ni ka e cautaki tiko e soli vakailoloma.

CAU E TIKO NA KENA VEIDINADINATI

E rawa ni cautaki na ilavo ina Watch Tower Bible and Tract Society of Pennsylvania ena dua na veidinadinati me vakayagataki e vuravura raraba, ia ena suka tale vua e cau ke mani gadreva. Me baleta e so tale na ivakamacala, yalovinaka qai volavola ina Treasurer’s Office ena itikotiko e volai toka mai cake.

SOLI KA E LALAWATAKI

Me ikuri ni kena cautaki vakadodonu na ilavo, e tiko tale e so na mataqali cau me yaga ena cakacaka ni Matanitu ni Kalou e vuravura. Qo e okati kina na:

Inisua: E rawa ni volai ina Watch Tower Bible and Tract Society of Pennsylvania na nona inisua e dua se nona ilavo ni vakacegu se peniseni.

Akaude ena Baqe: Na akaude ena baqe, na sitivikiti ni ilavo e curu ena baqe, se na akaude ni nona sa vakacegu mai na cakacaka saumi e dua e rawa ni dau tauri tu ga vakawawa ena vuku ni Watch Tower Bible and Tract Society of Pennsylvania, se me qai soli me taukena na Watch Tower and Tract Society of Pennsylvania ni sa mate e dua, me lakolako vata ga kei na ivakarau ni veiqaravi ni baqe ena noda dui vanua.

Stock kei na Bond: E rawa ni dau soli na stock kei na bond ina Watch Tower Bible and Tract Society of Pennsylvania me dua ga na cau vakadodonu.

Qele kei na Vale: E rawa me soli vakadua na qele se na vale se rawa tale ga me caka e dua na veiyalayalati me se tei tawana tiko mada ga na qele se vale o koya e solia me yacova nona mate. Me tukuna yani ina valenivolavola ni tabana ena nona vanua o koya e via solia na qele se na vale ni bera ni vakadeitaka na veiyalayalati.

Will kei na Trust: E rawa ni soli na iyau se na ilavo ina Watch Tower Bible and Tract Society of Pennsylvania ena kena tabaki e dua na will, se na rawa ni vagolei ina Watch Tower Bible and Tract Society of Pennsylvania na ka e rawati ena vuku ni dua na veidinadinati. Ena rawa ni vakalailaitaka na ivakacavacava e saumi na kena vagolei na trust ina dua na isoqosoqo vakalotu.

Na cau va qo era vakatokai mera “soli ka e lalawataki,” e kena ibalebale ni soli ka va qo e dodonu me lalawa sara ga kina vakavinaka o koya e via soli ka. Me dusimaki ira na via soli ka ina cakacaka ni iVakadinadina i Jiova e vuravura raraba, sa vakarautaki kina e dua na ivola lailai vakavalagi kei na kena vakaSipeni e vakatokai na Charitable Planning to Benefit Kingdom Service Worldwide. E volai na ivola qo me baleta e so na sala ni soli ka vakailoloma ena gauna sara ga qo, se me qai soli ena gauna sa mate kina e dua. Nira wilika na ivola lailai qo ra qai veivosaki kei na nodra dui daunivakasala ni lawa se ivakacavacava, era le levu era sa veivukei ena nodra cakacaka vakalotu kei na nodra veivukei na iVakadinadina i Jiova e vuravura raraba, qai gauna vata qori era vakalailaitaka kina na ivakacavacava e dau lavaki vei ira. E rawa ni kerei na ivola lailai qo ina Charitable Planning Office.

Ena so tale na ivakamacala, e rawa ni o veivosaki kei na Charitable Planning Office, e rawa ni o volavola ina itikotiko se qiri ena talevoni e toka qo e ra, se tukutuku yani ina valenivolavola ni iVakadinadina i Jiova ena nomu vanua.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-​9204

Telephone: (845) 306-​0707