O Marautaka ni o “Vakaitavi ena Soli Ka”?
ERA kilai na lotu vaKarisito taumada e Filipai nira dau lomasoli ena tokoni ni sokalou dina. E uqeti vakalou na yapositolo o Paula me vola vei ira: “Dua na ka noqu dau vakavinavinaka vua na noqu Kalou ena gauna kece au nanumi kemuni kina. Ena gauna kece au masulaki kemuni kina au dau marau tale ga ni oni tokona na vakatetei ni itukutuku vinaka ena imatai ni siga me yacova mai qo.” (Fpai. 1:3-5) E se nanuma vinaka tiko ga o Paula na gauna a papitaiso kina o Litia kei nona vuvale, a qai vinakata o Litia me vakaicilitaki Paula kei ira na nona itokani daukaulotu.—Caka. 16:14, 15.
E sega ni dede ga qori, e vakauta sara vakarua na ivavakoso vou e Filipai na iyaya ni veivuke vei Paula ena nona tiko me vica vata na macawa kei ira na tacina vakayalo e Cesalonaika, qo e rauta ni 160 na kilomita na kena yawa. (Fpai. 4:15, 16) Ni oti e vica na yabaki, era sotava na ituvaki dredre na lotu vaKarisito e Filipai kei Masitonia ra qai “dravudravua sara.” Ia era qai rogoca nira vakacacani na lotu vaKarisito e Jerusalemi, ra qai via veivuke sara ga. E tukuna o Paula “ni ka era cakava e sa levu sara ga ni vakatauvatani kei na ka era rawata.” Ia e tomana: “Era vakamasuti keitou . . . mera bau vakaitavi ena soli ka.”—2 Kor. 8:1-4; Roma 15:26.
Era se lomasoli tiko ga na lotu vaKarisito e Filipai, dina ni sa oti e rauta e tini na yabaki na nodra lotu vaKarisito voli mai. Nira rogoca ni vesu tiko e Roma o Paula, era talai Epafirotaito sara me kauta na ka ena gadreva. Na balavu ni vanua ena lakova e 1,287 na kilomita. Io, na vuna ga era vakarautaka kina na lotu vaKarisito e Filipai na ka e gadreva o Paula, oya me vakaukauataki ira tiko ga na tacina vakayalo, me vunau tale ga ena gauna e vesu tu kina.—Fpai. 1:12-14; 2:25-30; 4:18.
E ka dokai tale ga vei ira na lotu vaKarisito nikua mera tokona na vunautaki ni Matanitu ni Kalou kei na veivakatisaipelitaki. (Maciu 28:19, 20) Era tokona na ka e vauca na Matanitu ni Kalou ena nodra solia nodra gauna, igu kei na nodra cau. Na kato e ra e vakaraitaka eso na sala o rawa ni vakaitavi kina ena kena tokoni na cakacaka vakalou qo.
[Kato ena tabana e 22, 23]
SALA ERA BOLEA KINA ESO MERA CAU
INA CAKACAKA E VURAVURA RARABA
Levu era vakatikitikitaka e dua na iwase ni ilavo mera biuta ina katonicau e vakatokai “Cakacaka e Vuravura Raraba.”
Era dau vakauta e veivula na ilavo qo na ivavakoso yadua ina valenivolavola ni iVakadinadina i Jiova ena nodra dui vanua. Na ilavo e cautaki e rawa ni vakau sara ga vakadodonu ina Watchtower Bible and Tract Society of New York Inc., Attention Treasurer’s Office, 25 Columbia Heights, Brooklyn, New York 11201-2483, se ina valenivolavola ni tabana ni iVakadinadina i Jiova ena nomu vanua. Na jeke e vakau ina itikotiko e volai toka e cake me volai kina na “Watchtower.” E rawa ni cautaki tale ga na iyau talei eso. Me dua na ivola me vakau vata kei na cau oya, me vakamacalataka vakalekaleka ni ka e cautaki tiko e soli vakailoloma.
CAU E TIKO NA KENA VEIDINADINATI
E rawa ni cautaki na ilavo ina Watch Tower Bible and Tract Society of Pennsylvania ena dua na veidinadinati me vakayagataki e vuravura raraba, ia ena suka tale vua e cau ke mani gadreva. Me baleta eso tale na ivakamacala, yalovinaka qai volavola ina Treasurer’s Office ena itikotiko e sa cavuti oti mai.
SOLI KA E LALAWATAKI
Me ikuri ni kena cautaki vakadodonu na ilavo, e tiko tale eso na mataqali cau me yaga ena cakacaka ni Matanitu ni Kalou e vuravura. Qo e okati kina na:
Inisua: E rawa ni volai ina Watch Tower Bible and Tract Society of Pennsylvania na nona inisua e dua se nona ilavo ni vakacegu se peniseni.
Akaude ena Baqe: Na akaude ena baqe, na sitivikiti ni ilavo e curu ena baqe, se na akaude ni nona sa vakacegu mai na cakacaka saumi e dua e rawa ni dau tauri tu ga vakawawa ena vuku ni Watch Tower Bible and Tract Society of Pennsylvania, se me qai soli me taukena na Watch Tower Bible and Tract Society of Pennsylvania ni sa mate e dua, me lakolako vata ga kei na ivakarau ni veiqaravi ni baqe ena noda dui vanua.
Stock kei na Bond: E rawa ni dau soli na stock kei na bond ina Watch Tower Bible and Tract Society of Pennsylvania me dua ga na cau vakadodonu.
Qele kei na Vale: E rawa me soli vakadua na qele se na vale se rawa tale ga me caka e dua na veiyalayalati me se tei tawana tiko mada ga na qele se vale o koya e solia me yacova nona mate. Me tukuna yani ina valenivolavola ni tabana ena nona vanua o koya e via solia na qele se na vale ni bera ni vakadeitaka na veiyalayalati.
Will kei na Trust: E rawa ni soli na iyau se na ilavo ina Watch Tower Bible and Tract Society of Pennsylvania ena kena tabaki e dua na will, se na rawa ni vagolei ina Watch Tower Bible and Tract Society of Pennsylvania na ka e rawati ena vuku ni dua na veidinadinati. Ena rawa ni vakalailaitaka na ivakacavacava e saumi na kena vagolei na trust ina dua na isoqosoqo vakalotu.
Na cau va qo era vakatokai mera “soli ka e lalawataki,” e kena ibalebale ni solika va qo e dodonu me lalawa sara ga kina vakavinaka o koya e via solika. Me dusimaki ira na via solika ina cakacaka ni iVakadinadina i Jiova e vuravura raraba, sa vakarautaki kina e dua na ivola lailai vakavalagi kei na kena vakaSipeni e vakatokai na Charitable Planning to Benefit Kingdom Service Worldwide. E volai ena ivola qo eso na sala ni solika vakailoloma e rawa ni caka ena gauna sara ga qo, se me qai soli ena gauna sa mate kina e dua. Nira wilika na ivola lailai qo ra qai veivosaki kei na nodra dui daunivakasala ni lawa se ivakacavacava, era le levu era sa veivukei ena nodra cakacaka vakalotu kei na nona veivukei na iVakadinadina i Jiova e vuravura raraba, qai gauna vata qori era vakalailaitaka kina na ivakacavacava e dau lavaki vei ira. E rawa ni kerei na ivola lailai qo ina Charitable Planning Office.
Ena so tale na ivakamacala, e rawa ni o veivosaki kei na Charitable Planning Office, e rawa ni o volavola ina itikotiko se qiri ena talevoni e toka qo e ra, se tukutuku yani ina valenivolavola ni iVakadinadina i Jiova ena nomu vanua.
Charitable Planning Office
Watch Tower Bible and Tract Society of Pennsylvania
100 Watchtower Drive
Patterson, New York 12563-9204
Telephone: (845) 306-0707