Solika ena Marau Mai Vu ni Lomada

A VOLA na yapositolo o Paula me baleta na solika: “Me ra dui solia me vaka na ka sa vinakata ko koya yadua e na yalona,” e qai tomana: “Me kakua e na voraki, se ni sa vakasaurarataki: ia ko koya sa solia e na marau sa vinakata na Kalou.” (2 Kor. 9:7) E sega ni dau vakasaurarataka e dua me tokona na sokalou dina o Jiova. E dau vinakata ga vei ira nona dauveiqaravi mera vakaraitaka nodra yalodina ena nodra solika ena marau mai vu ni lomadra. Qori na ka era dau cakava na dauveiqaravi ni Kalou ena veitabagauna sa oti. Raica mada e tolu na kena ivakaraitaki.

Ni vakabulai ira oti ga na Isireli e Ijipita o Jiova, a vakaroti ira mera tara na valeniveitavaki. Ra qai mani sureti na Isireli mera cautaka na iyaya ni valeniveitavaki. O ira e ‘uqeti na lomadra’ era cautaka na koula, siliva, vatutalei kei na so tale na ka. Ena levu ni nodra lomasoli, e qai tukuni tale vei ira me sa rauta na cau.​—Lako 35:5, 21; 36:6, 7.

Na tara ni valenisoro ena veisenitiuri e tarava, e gauna vinaka mera vakaraitaka tale kina na dauveiqaravi ni Kalou na nodra tokona na sokalou dina. A cau sara vakalevu o Tui Tevita, qai sureti ira tale ga eso mera dodoliga. Ra mani cau sara. Ni vakatauvatani kei na ilavo ena gauna qo, na levu ni iyau a cautaki ena valenisoro, e sivia na 100 na bilioni na dola ni ilavo ni Mereke! Era marautaka na dausokalou qo na nodra dau solika vei Jiova.​—1 Vei. 29:3-9; 2 Vei. 5:1.

Era vakaraitaka tale ga na imuri taumada i Jisu Karisito na yalo ni solika ena marau. Ena Penitiko 33 S.K., a papitaiso kina e rauta ni le 3000, ia e levu vei ira era sega ni vakaitikotiko e Jerusalemi. Me rawa nira tiko ga ina koro o ira na dravudravua mera vulica kina vakavinaka nodra vakabauta vou, e qai vakarautaki e dua na ituvatuva me soqoni kina nai lavo. Era volitaka nodra iyau na mataveitacini ra qai kauta na ilavo vei ratou na yapositolo me votai kina vei ira era vinakata na veivuke. Dua na ka na marau i Jiova ni raica na yalo ni vakabauta kei na loloma! ​—Caka 2:41-47.

Era se tomana tiko ga na lotu vaKarisito dina ena gauna qo na solika ena marau mai vu ni lomadra, oya nodra solia nodra gauna, nodra kaukauwa kei na nodra cau. Ena qai vakamacalataka na kato ena ulutaga qo na sala eso eda rawa ni cakava kina qo.

[Kato ena tabana e 18, 19]

SALA ERA BOLEA KINA ESO MERA CAU

CAU INA CAKACAKA E VURAVURA RARABA

Levu era vakatikitikitaka e dua na iwase ni ilavo mera biuta ina katonicau e vakatokai “Cakacaka e Vuravura Raraba.”

Era dau vakauta e veivula na ilavo qo na ivavakoso yadua ina valenivolavola ni iVakadinadina i Jiova ena nodra dui vanua. Na ilavo e cautaki e rawa ni vakau sara ga vakadodonu ina Watchtower Bible and Tract Society of New York Inc., Attention Treasurer’s Office, 25 Columbia Heights, Brooklyn, New York 11201-2483, se ina valenivolavola ni tabana ni iVakadinadina i Jiova ena nomu vanua. (Na cau era vakamacalataki tiko e ra e rawa ni vakau ena valenivolavola ni tabana ni Vakadinadina i Jiova ena nomu vanua.) Na jeke e vakau ina itikotiko e volai toka e cake me volai kina na “Watchtower.” E rawa ni cautaki tale ga na iyau talei eso. Me dua na ivola me vakau vata kei na cau oya, me vakamacalataka vakalekaleka ni ka e cautaki tiko e soli vakailoloma.

CAU E TIKO NA KENA VEIDINADINATI

E rawa ni cautaki na ilavo ina Watch Tower Bible and Tract Society of Pennsylvania ena dua na veidinadinati me vakayagataki e vuravura raraba, ia ena suka tale vua e cau ke mani gadreva. Me baleta eso tale na ivakamacala, yalovinaka qai volavola ina Treasurer’s Office ena itikotiko e volai toka mai cake.

SOLI KA E LALAWATAKI

Me ikuri ni kena cautaki vakadodonu na ilavo, e tiko tale eso na mataqali cau me yaga ena cakacaka ni Matanitu ni Kalou e vuravura. Qo e okati kina na:

Inisua: E rawa ni volai ina Watch Tower Bible and Tract Society of Pennsylvania na nona inisua e dua se nona ilavo ni vakacegu se peniseni.

Akaude ena Baqe: Na akaude ena baqe, na sitivikiti ni ilavo e curu ena baqe, se na akaude ni nona sa vakacegu mai na cakacaka saumi e dua e rawa ni dau tauri tu ga vakawawa ena vuku ni Watch Tower Bible and Tract Society of Pennsylvania, se me qai soli me taukena na Watch Tower and Tract Society of Pennsylvania ni sa mate e dua, me lakolako vata ga kei na ivakarau ni veiqaravi ni baqe ena noda dui vanua.

Stock kei na Bond: E rawa ni dau soli na stock kei na bond ina Watch Tower Bible and Tract Society of Pennsylvania me dua ga na cau vakadodonu se volai me qai nona na Watch Tower Bible and Tract Society of Pennsylvania ena gauna e mate kina o koya e cau.

Qele kei na Vale: E rawa me soli vakadua na qele se na vale se rawa tale ga me caka e dua na veiyalayalati me se tei tawana tiko mada ga na qele se vale o koya e solia me yacova nona mate. Me tukuna yani ina valenivolavola ni tabana ena nona vanua o koya e via solia na qele se na vale ni bera ni vakadeitaka na veiyalayalati.

Will kei na Trust: E rawa ni soli na iyau se na ilavo ina Watch Tower Bible and Tract Society of Pennsylvania ena kena tabaki e dua na will, se na rawa ni vagolei ina Watch Tower Bible and Tract Society of Pennsylvania na ka e rawati ena vuku ni dua na veidinadinati. Ena rawa ni vakalailaitaka na ivakacavacava e saumi na kena vagolei na trust ina dua na isoqosoqo vakalotu.

Na cau va qo era vakatokai mera “soli ka e lalawataki,” e kena ibalebale ni soli ka va qo e dodonu me lalawa sara ga kina vakavinaka o koya e via soli ka. Me idusidusi vei ira na via cau ina cakacaka ni iVakadinadina i Jiova e vuravura raraba, e vakarautaki e dua na ivola lailai vakavalagi kei na kena vakaSipeni e vakatokai na Charitable Planning to Benefit Kingdom Service Worldwide. E volai ena ivola qo eso na sala ni solika vakailoloma e rawa ni caka ena gauna sara ga qo, se me qai soli ena gauna sa mate kina e dua. Nira wilika ra qai veivosakitaka na ivola qo kei na nodra dui daunivakasala ni lawa se ivakacavacava, e rawa kina mera veivuke e levu ena kena tokoni na cakacaka ni iVakadinadina i Jiova e vuravura raraba, qai gauna vata qori era vakalailaitaka kina na ivakacavacava e dau lavaki vei ira. E rawa ni kerei na ivola lailai qo ina Charitable Planning Office.

Ena so tale na ivakamacala, e rawa ni o veivosaki kei na Charitable Planning Office, e rawa ni o volavola ina itikotiko se qiri ena talevoni e toka qo e ra, se tukutuku yani ina valenivolavola ni iVakadinadina i Jiova ena nomu vanua.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telephone: (845) 306-0707