Vulici na iVola na Qarava na Kalou
E vakarautaki na ivola na Qarava na Kalou Dina vei ira na ka vou era sa vulica oti na ivola na Kila. Nida na vulica tiko na ivola oqo ena Vulivola ni iVavakoso, sa rawa ni na vakarautaki keda meda vakayagataka vinaka kina ena cakacaka vakaitalatala, ena vukei keda tale ga meda vakatitobutaka noda lomani Jiova, noda vakavinavinakataki koya kei na nona isoqosoqo. E rawa ni yaga vakacava vei keda na vulici ni ivola oqo?
Vua e Veitauri ena Vuli: Eda na vulica tiko e dua taucoko na wase ni ivola oqo ena veimacawa, ena gadrevi gona kina vei ira na ivakatawa ni vulivola mera vakalewa vinaka nodra gauna. Me kua soti ni balavu na kovuti ni imatai ni vica na parakaravu e dolava na veiwase kece, me vo kina e levu na gauna me baleta na tikina bibi e dau qai muri mai ni voleka ni cava e dua na wase. Na veivosakitaki vakalekaleka ni kato ni railesuvi ni cava na vuli ena vukei ira na lewe ni vulivola mera nanuma na tikina bibi e vulici.
Rauta ni veimama na wase ni ivola na Qarava na Kalou e kune kina na veiparakaravu e lewena na veitaro bibi e nakiti me veivosakitaki qai vakasamataki vakatitobu. Kena ivakaraitaki e rawa ni kune ena tabana 48. E sega ni gadrevi me wiliki na veitaro oqori ena gauna e wiliki kina na parakaravu. Ke levu na gauna me wiliki qai veivosakitaki na kena veitikinivolatabu e sega ni lavetaki.
Vakavakarau Vinaka: Na vakavakarau vinaka e sega ni okati kina na toqai ga ni isaunitaro. Noda wilika da qai vakasamataka vakatitobu na tikinivolatabu e sega ni lavetaki e rawa ni vukei keda meda vakarautaka vinaka na noda isaunitaro, vakabibi na lomada. (Esera 7:10) O keda kece e rawa nida veivakacegui nida vakamacala, da qai cakava ena yalolokomi.—Roma 1:11, 12.
Noda vulica na ivola na Qarava na Kalou ena vukei keda meda toro voleka vei Jiova qai vakarautaki keda meda vukei ira na tamata yalomalumalumu mera mai tomani keda ena sokalou vua. (Same 95:6; Jeme. 4:8) Me yaga mada ga vei keda taucoko na isolisoli vinaka vakayalo oqo.
[Caption on page 5]
Qarava na Kalou Dina
iTuvatuva ni Vuli ni 2003
Okt.20:wase 1
27:wase 2
Nov. 3:wase 3
10:wase 4
17:wase 5
24:wase 6
Tis. 1:wase 7
8:wase 8
15:wase 9
22:wase 10
29:wase 11
iTuvatuva ni Vuli ni 2004
Jan. 5:wase 12
12:wase 13
19:wase 14
26:wase 15
Fep. 2:wase 16
9:wase 17
16:wase 18
23:wase 19
Maji 1:wase 20
8:wase 21