iWalewale me Soli Kina na iVola Vuli Vua na Qasenivuli Levu
◼ “Ena vinaka beka na vuravura ke muri na ka e tukuni ena tikinivolatabu oqo? [Wilika sara na Maciu 7:12a, qai waraka me sauma.] E tu ena ivola oqo e levu na ka e rawa nida vulica mai vua na qasenivuli levu duadua a bau bula.” Vakamacalataka vakalekaleka na iyaloyalo ni wase 17 kei na taro e toka tarava me kedratou ivakamacala.
◼ “E levu na itubutubu nikua era dau saga mera tugana i loma i luvedra na ivakavuvuli yaga. Cava beka nomuni nanumi, e bibi beka oqori? [Waraka me sauma, qai wilika na Vosa Vakaibalebale 22:6.] Dikeva e ke nira uqeti na itubutubu mera vakavulici ira na luvedra nira se gone. E vakarautaki gona na ivola oqo me vukei ira na itubutubu.” Vakamacalataka vakalekaleka na iyaloyalo ni wase 15, 18, se 32 kei na taro e toka tarava me kedra ivakamacala.
◼ “Era dau kurabuitaka na itubutubu e so na taro era dau taroga na luvedra. E rawarawa beka na saumi ni nodra vakatataro? [Waraka me sauma, qai wilika na 2 Timoci 3:14, 15.] Rau a vakavulici Timoci ena iVolatabu o tinana kei buna ni se gonedramidrami. Na ivola gona oqo ena vukei ira na itubutubu mera vakavulici luvedra tale ga kina nikua.” Vakamacalataka vakalekaleka e vica na iyaloyalo ena wase 11 kei na 12 se 34 ina 36, kei na taro e toka tarava me kedra ivakamacala.