Kato ni Taro

◼ E rua na ivola cava mera vulica noda vuli iVolatabu?

Na ivola Kaya na iVolatabu e ivukevuke levu duadua ni kena tekivutaki kei na noda caka vuli iVolatabu. E Sega ni cala ke sa vakayagataki tiko e dua tale na ivola, me vaka na ivolacebaceba, ia ena vinaka meda saga meda veisautaka ina ivola Kaya na iVolatabu ena kena gauna totolo duadua. Sa yaga sara tiko na kena tekivutaki na vuli ena ivola Kaya na iVolatabu.

Ni sa vulici oti na ivola Kaya na iVolatabu qai laurai nona toso o gonevuli, me qai vulici na ivola Qarava na Kalou. (Kolo. 2:⁠7) Na tabana e 2 e vakamacalataki kina na inaki ni kena tabaki na ivola ya: “Na iVolatabu e uqeti ira kece era lomana na Kalou mera ‘kila . . . na raraba, na balavu, na cecere, kei na titobu’ ni nona ka dina talei. (Efeso 3:​18) E vakarautaki na ivola oqo me baleta sara ga na inaki oya. Keitou nuitaka ni na yaga vei iko mo tubucake kina vakayalo, mo vakarautaki vinaka tale ga mo na muria dei tiko ga na sala qiqo e basika ina vuravura vou ni Kalou e nodra na yalododonu.”

Ke sa rawata na ivakatagedegede ni papitaiso o gonevuli ni bera ni oti ruarua na ivola, me qai tomani tiko ga na vuli yacova ni sa vulici oti na ikarua ni ivola. Me na vola tiko ga o qasenivuli na gauna, veisikovi lesu kei na vuli iVolatabu. Me wilika tale ga nona gauna na dautukutuku e rau veitomani vata.