Ena Yaga Vei Iko na iTabataba ni Vale ni Vakatawa Vakavalagi Rawarawa?

Sa tiko na itabataba ni Vale ni Vakatawa vakavalagi rawarawa e vulici. Na itabataba qo e vakarautaki me baleti ira na (1) dautukutuku era vosa vakavalagi, ena yaga vei ira na vosa rawarawa e vakayagataki kina nira rairai sega ni vuli vinaka; (2) dautukutuku e sega ni nodra vosanisucu na vosa vakavalagi; (3) itabagone; kei na (4) vuli iVolatabu era gadreva me vakarawarawataki qai vakamatatataki na vosa mera kila rawa kina na veika vakayalo.

Na naba ni parakaravu, taro kei na ulutaga ni itabataba ni Vale ni Vakatawa vakavalagi rawarawa e tautauvata vinaka kei na itabataba ni Vale ni Vakatawa e sa vulici tiko mai. E tautauvata na ka e vakamacalataki kina ia e vakararawataki ga na vosa. Erau na vakayagataka o koya e taura na vuli kei koya e wiliwili na itabataba ni Vale ni Vakatawa sa dau vakayagataki tiko mai, vakavo ke levu era tiko ena soqoni era vakayagataka na itabataba ni Vale ni Vakatawa vakavalagi rawarawa. O ira era vakayagataka qori era na raica ni tautauvata ga na tikinivolatabu kei na vosa vakatautauvata, e rawa gona nira muria na kena wiliki na parakaravu ra qai vakamacala.

Ke o nanuma ni na yaga vei iko na itabataba rawarawa qo, o rawa ni kerea vei koya e dau qarava na mekesini me dua na nomu ilavelave e veivula.