Vakabibitaka na Tauyavu ni Vuli iVolatabu ena iMatai ni Vakarauwai ni Veivula

Me tekivu ena Me, 2011, eda uqeti kina na dautukutuku meda tauyavutaka e dua na vuli iVolatabu ena imatai ni Vakarauwai ni veivula. Me rawa nida cakava qori, e sa dau tabaki kina na ulutaga “Saumi na Taro Vakaivolatabu” ena Vale ni Vakatawa e baleti ira na lewenivanua. Koya gona, na soqoni ni cakacaka vakavunau e caka ena imatai ni Vakarauwai e dodonu me vakaraitaki kina na kena vakayagataki na ulutaga qori me tauyavutaki na vuli iVolatabu, me vakatasuasuataki tale ga.

E rawa nira vakatulewataka na qase ni ivavakoso mera sota ga ena nodra dui iwasewase lalai ena imatai ni Vakarauwai ni veivula, se mera cokovata na iwasewase lalai, de dua mera sota ena Vale ni Soqoni. Ia ke vica na ivavakoso era vakayagataka e dua na Vale ni Soqoni, me kua ni dua na ivavakoso me veisautaka na siga ni veisureti vakadodonu ena vuku wale ga ni nodra vinakata e vica na iwasewase lalai mera cokovata ena soqoni ni cakacaka vakavunau.