Sala me Vakayagataki Kina na iVola​—Na Cava Eda na Vulica ena iVolatabu?

Erau tautauvata na ivola Vulica ena iVolatabu kei na Kaya na iVolatabu. E tautauvata na ka ni vuli kei na ka dina eda vulica ena rua na ivola qori, kena ituvatuva tale ga. Ia e biu vakarawarawa qai vakamatatataki na kena ena Vulica ena iVolatabu. E vakarautaki qori me baleti ira e dredre mera kila vinaka na ivola Kaya na iVolatabu. E sega na iKuri ena Vulica ena iVolatabu, sa tiko na iKuri ni iVakamacala me vakamatatataka eso na ivakamacala kei na so na vosa e kune ena loma ni ulutaga. E sega na taro ena itekivu ni wase se taro ni railesuvi. Ia e vakamacalataki ga vakalekaleka na ka dina vakaivolatabu e tukuni ena lewenivola. Ke sega mada ga ni tuvanaki na vula me soli kina na ivola qo, eda rawa tiko ga ni solia vei ira era taleitaka me vaka ga na kena dau soli na ivola Kaya na iVolatabu. E vakasakiti dina na ivola Vulica ena iVolatabu, ia eda na vakayagataka vakacava nida veivakavulici tiko?

IVAKAMACALA LEKALEKA: Levu sa matau ga vei ira na ivakarau ni noda dau caka vuli, oya me wiliki na parakaravu ena Kaya na iVolatabu, oti e tarogi na taro. Ia kaya mada ke sega ni kila vinaka na vosa e vakayacori tiko kina na vuli o gonevuli se sega ga ni dau wilivola vinaka. Ke va qori, e rawa ni vakayagataki na ivola Vulica ena iVolatabu. Oti rawa ni vakayagataki tale ga na ivakamacala lekaleka me yavutaki kina na vuli, ia mo qai uqeti gonevuli me wilika na parakaravu ena nona gauna galala. E rawa ni vakavulici na ka dina vakaivolatabu ena dua na gauna ni vuli ena 15 na miniti. Me vaka ni sega ni tiko ena ivakamacala lekaleka na veika era tiko ena parakaravu, me vakavakarau vinaka o qasenivuli, me nanumi gonevuli tale tiko ga ena veika e ganiti koya. Ia ke vakayagataki ga na parakaravu me qai railesuvi na vuli ena ivakamacala lekaleka.

IKURI NI IVAKAMACALA: Na vosa kei na veika era volai ena ikuri ni ivakamacala e tuvai me salavata ga kei na ka era tiko ena parakaravu. Me vakatau vei qasenivuli ke vinakata me rau veivosakitaka na ikuri ni ivakamacala ena ivola Vulica ena iVolatabu.