Me Yaga Vakalevu Nomu Vuli Vakataki Iko

VUNA E BIBI KINA: Nida vuli vakataki keda, ena “matata” vei keda na “raba, na balavu, na cere, kei na titobu” ni ka dina. (Efe 3:18) Eda na qaqarauni tale ga meda kua ni beitaki ena dua na ka, meda tawacala ena vuravura ca qo qai “taura matua tiko na vosa ni bula.” (Flp 2:15, 16) Nida vuli vakataki keda, eda rawa ni digia na ulutaga meda vulica. Na cava meda cakava me yaga kina vakalevu na gauna eda wilika qai vulica kina na iVolatabu?

KA MO CAKAVA:

• Makataka na tikinivolatabu qai vakavola eso na ka ena nomu ilavelave ni iVolatabu, se kena ena iyaya vakalivaliva

• Taroga e vica na taro qo ni o wilika na Vosa ni Kalou: ‘O cei? Na cava? Gauna cava? I vei? Na vuna? Sala cava?’

• Vakadeitaka na kena dina. Vakayagataka na iyaya ni vakekeli e vakarautaki mo kila vinaka e dua na ulutaga se tikinivolatabu

• Vakasamataka vakatitobu na veika o wilika mo kila na sala mo bulataka kina

• Muria e veisiga na ka o vulica.—Lu 6:47, 48

SARAVA NA VIDIO MO “TAURA TIKO” GA NA VOSA NI BULA —NI O GUMATUA NA VULI VAKATAKI IKO, QAI SAUMA NA TARO QO:

• Na cava era tukuna eso me baleta na vuli vakataki keda?

• Na cava meda masu kina ni bera nida vuli vakataki keda?

• Eda na kila vinaka vakacava e dua na tikinivolatabu?

• Na cava eso na roka eda rawa ni makataka kina noda iVolatabu ni vuli?

• Na cava e bibi kina na vakasama vakatitobu ni o vulica na Vosa ni Kalou?

• Na cava meda cakava ena ka eda vulica?