O Vakila na Kaukaua ni Vosa ni Kalou e Veisiga?

Nida wilika e veisiga na iVolatabu ena ‘ti sara na wakada,’ ena ‘tudei tale ga na noda vakabauta.’ (Kolo. 2:6, 7) Meda vakila na kaukaua ni Vosa ni Kalou e veisiga, e bibi meda vakasamataka vakatitobu da qai muria na kena ivakavuvuli. (Iper. 4:12; Jeme. 1:22-25) Eda raica ena Josua 1:8 e tolu na ikalawa bibi ni wiliwili: (1) Wilika na iVolatabu ena “siga kei na bogi.” (2) Wilika “toka e ra,” ya mo wilika vakamalua mo rawa ni vakasamataka vakatitobu qai raitayaloyalotaka na ka o wilika kei na ituvaki e vakamacalataki tiko. (3) Muria sara na “ka kece e volai kina.” Ni o muria na vakatutu qori ena “rawa vinaka na nomu sasaga,” o na “valavala vakavuku” tale ga e veisiga.