Lěe è ná ba do nú nǔ gbɔn é

Azɔ̌wanú ɖěɖěe è sixú zán dó kplɔ́n nǔ yɔkpɔ́vú lɛ́ é

Azɔ̌ kpinkpɛn ɖé wɛ nǔ kplɔ́nkplɔ́n vǐ lɛ́ dó Jexóva wú nyí, bɔ mɛjitɔ́ lɛ́ ɖó. (Efɛ́. 6:4) Bo ná dó d’alɔ mɛjitɔ́ lɛ́ ɔ, tutoblónúnǔ Jexóva tɔn ɖe xóta, video kpó han kpó gěgé tɔ́n. Nɛ̌ mi ka sixú zán nǔ énɛ́ lɛ́ dó kplɔ́n nǔ vǐ mitɔn lɛ́ gbɔn?

• Mi yi jw.org jí ɔ, mi sixú mɔ nǔ e è sɔ́ nǔ ná nú yɔkpɔ́vú lɛ́ é bǐ, ɖi video lɛ́ kpó azɔ̌zɔ́nmɛwéma lɛ́ kpó.a Ényí mi ná mɔ nǔ énɛ́ lɛ́ hǔn, mi wlán, “Yɔkpɔ́vú lɛ́” alǒ “Mɛ wínnyáwínnyá lɛ́” dó gbǎví nǔbiba tɔn ɔ mɛ.

• Cyán nǔ ɖěɖěe ná nyɔ́ nú vǐ towe hú gǎn lɛ́ é. Nǔ ɖěɖěe ɖo akpáxwé “Yɔkpɔ́vú lɛ́” mɛ lɛ́ é sixú d’alɔ mi bɔ mi ná sɔ́ azɔ̌zɔ́nmɛwéma ɖěɖěe jɛxá vǐ mitɔn é. Bo ná dó mɔ azɔ̌zɔ́nmɛwéma mɔ̌hun lɛ́ hǔn, mi wlán “Mawu sinsɛn ɖo xwédo mɛ sín nǔ lɛ́.”

• Mi nɔ zán hwenu dó ɖɔ xó ɖó kpɔ́ xá vǐ mitɔn dó nǔ énɛ́ lɛ́ jí. Mi ma nɔ jó vǐ mitɔn dó bónú é nɔ ɖo video lɛ́ kpɔ́n wɛ, alǒ nɔ ɖo nǔ wlán dó azɔ̌zɔ́nmɛwéma e è zín lɛ́ é mɛ wɛ éɖokpónɔ, bo ná dó ján tɛn n’i kpowun ó. É nyɔ́ wa hǔn, mi nɔ ɖɔ xó dó nǔ énɛ́ lɛ́ jí xá vǐ mitɔn, bo nɔ d’alɔ ɛ bónú é ní zun xɔ́ntɔn vívɛ́ xá Jexóva.