Kpeei Ni Baawa Wɔ Kɛha Kaselɔi Afeemɔ
OTSI Nl JEƆ SHISHI MAY 14
10 min: Asafoŋ adafitswai kɛ Adafitswai ni sa ni jɛ Wɔ Maŋtsɛyeli Sɔɔmɔ lɛ mli. Akɛ miishɛɛ ajie shiɛlɔi ni amɛtee shiɛmɔ yɛ nyɔŋ lɛ mli lɛ ayi, ni awo hewalɛ ni mɔ fɛɛ mɔ kɛ ehe awo shiɛmɔ lɛ mli kɛ ekaa yɛ May. Akɛ ŋaawoo ni aaanyɛ atsɔ nɔ akɛ woji tɛtrɛbii heei atsu nii yɛ shikpɔŋkuku lɛ mli aha. Akai nyɛmimɛi lɛ gbɛjianɔ ni asafo lɛ eto kɛha shiɛmɔyaa.
20 min: “Na Hemɔkɛyeli yɛ Nyɔŋmɔ Wiemɔ lɛ Mli.” Sanebimɔi kɛ hetooi. Kɛ aasusu kuku 8 he lɛ, aha shiɛlɔi ni he esa kɛ ŋaawooi ni kɔɔ woji lɛ amli saji otii ni abaanyɛ akɛtsu nii yɛ sɔɔmɔ lɛ mli aha. Mɛi ni baawie lɛ atsɔ hiɛ asaa amɛhe.
10 min: Yaa Sɛɛsaramɔ ni Oyakanya Miishɛɛ ni Ana Lɛ. Awo shiɛlɔi lɛ hewalɛ ni amɛyafee sɛɛsaramɔi yɛ mɛi ni shɛ woji lɛ, mɛi ni wo shi akɛ amɛbaashɛ loo amɛhe woji bibii kɛ woji tɛtrɛbii lɛ anɔ amrɔ nɔŋŋ. Sane ni tsɔ hiɛ lɛ wie bɔ ni ehe hiaa ni afee sɛɛsaramɔi yɛ mɛi ni yɔɔ wiemɔ lɛ he miishɛɛ lɛ anɔ ni aje shia Biblia mli nikasemɔi ashishi lɛ he. Yɛ be mli ni akɛ wiemɔ kuku etsɔɔ bɔ ni enɛ he hiaa ha ni awo hewalɛ ni ayasara mɛi fɛɛ ni tsɔɔ miishɛɛ lɛ, afee nɔkwɛmɔ nii enyɔ loo ekome ni tsɔɔ bɔ ni ateɔ sɛɛsaramɔ yɛ he ni ashɛ wolo lɛ eko yɛ lɛ.
Lala 23 kɛ naagbee sɔlemɔ.
OTSI Nl JEƆ SHISHI MAY 21
Lala 192
7 min: Asafoŋ adafitswai. Shika he amaniɛbɔɔ kɛ nɔ ni nine eshɛ nɔ ni Asafo lɛ ekpɛlɛ nɔ yɛ April mli. Akɛ miishɛɛ ajie nyɛmimɛi lɛ ayi yɛ yelikɛbuamɔ ni amɛkɛhaa Maŋtsɛyeli nitsumɔ lɛ yɛ shika gbɛfaŋ lɛ hewɔ. Ati asafo lɛ shiɛmɔyaa he gbɛjianɔtoo mli, ni awo shiɛlɔi ahewalɛ ni amɛkɛ amɛ kui lɛ atsu nii yɛ otsi lɛ naagbee.
10 min: Sanebimɔ He. Onukpa ko baatsu enɛ mli saji lɛ ahe nii.
10 min: “Sanekpakpa lɛ Kɛhamɔ—Kɛ Sanesɛɛkɔmɔ.” Sanebimɔi kɛ hetooi. Kɛ asusu kuku 3 he agbe naa lɛ, afee nɔkwɛmɔ nii enyɔ ni tsɔɔ bɔ ni atsakeɔ shiɛmɔ lɛ mli koni esa shihilɛ mli ni shiatsɛ lɛ yɔɔ lɛ. Abaanyɛ afo nɔkwɛmɔ nɔ lɛ nɔ kɛ akpa hiɛ nɛkɛ agbe naa.
10 min: Teokrase lɛ He Saji. Asusu Ghana sɔɔmɔ nitsumɔ kɛha February kɛ asafo lɛ April sɔɔmɔ nitsumɔ lɛ hu he. Ajie nyɛmimɛi lɛ ayi yɛ amɛhe ni amɛkɛ wo mli yɛ naatsii lɛ fɛɛ sɛɛ lɛ hewɔ.
Lala 225 kɛ naagbee sɔlemɔ.
OTSI Nl JEƆ SHISHI MAY 28
Lala 208
10 min: Asafoŋ adafitswai. Akɛ gbɛjianɔtoo kɛha shiɛmɔyaa yɛ otsi lɛ naagbee afata he. Atsɔɔ woji tɛtrɛbii lɛ amli saji ni baaŋɔɔ gbɔmɛi pɔtɛɛ komɛi anaa yɛ shikpɔŋkuku lɛ mli. Nyɛyaa nɔ nyɛkɛ Buu-Mɔɔ lɛ shɛɛ ahaa.
15 min: “Beni Kpokpaa Nɔkwɛlɔ lɛ Saraa Nyɛ Lɛ.” Akɛ sanebimɔ kɛ hetoo atsu enɛ he nii. Onukpa ko baatsu enɛ he nii. Awo hewalɛ ni mɔ fɛɛ mɔ kɛ ehe awo kpokpaa nɔkwɛlɔ lɛ saramɔ he gbɛjianɔ ni ato nɛɛ mli.
20 min: Asafo lɛ hiamɔ nii aloo wiemɔ kɛ nɔkwɛmɔ nɔ ni miitsɔɔ bɔ ni daa gbi ŋmalɛ lɛ he susumɔ daa he hiaa ha. Atsɔɔ bɔ ni abaanyɛ afee enɛ aha. Akɛ wiemɔ lɛ adamɔ Examining the Scriptures Daily—1990 nɔ lɛ hiɛkpamɔ wiemɔ lɛ nɔ.
Lala 46 kɛ naagbee sɔlemɔ.
OTSI Nl JEƆ SHISHI JUNE 4
10 min: Asafoŋ adafitswai. Awo hewalɛ koni mɛi ni baanyɛ lɛ kɛ amɛhe awo sɔɔmɔ lɛ mli otsi nɛɛ naagbee. Buu-Mɔɔ shɛɛ he tafaa miiya nɔ yɛ June mli. Kɛ be yɛ lɛ akɛ ŋaawoo ni kɔɔ woji tɛtrɛbii heei lɛ kɛhamɔ he afata he.
20 min: “Ya ni Wɔɔya nɔ yɛ Wɔ Wɔsɔɔmɔ lɛ Mli ni Wɔkpaaa.” Sanebimɔi kɛ hetooi. Aha nyɛminuu ni he esa akane kukuji lɛ. Toibolɔi krokomɛi baanyɛ akane ŋmalɛi lɛ ni amɛwie he. Akɛ emli sane lɛ ato asafo lɛ he, ni aye abua shiɛlɔi lɛ ni amɛnyɛ amɛdamɔ naagbai ni amɛkɛkpeɔ yɛ shikpɔŋkuku lɛ mli lɛ anaa ni amɛhiɛ jwɛŋmɔ kpakpa mli. Esa akɛ mɔ fɛɛ mɔ atswa efai shi akɛ ekɛ ekãa baasɔmɔ Yehowa kɛyashi naagbee.
15 min: Okɛ Buu-Mɔɔ shɛɛ aha. Asusu bɔ ni Buu-Mɔɔ lɛ shɛɛ he hiaa kɛha mɛi fɛɛ ni baatao wala yɛ Yehowa jeŋ hee lɛ mli lɛ he kuku. Afee eshɛɛ kɛhamɔ lɛ he nɔkwɛmɔ nɔ. Kɛ akɛ Buu-Mɔɔ lɛ ni akala yɛ April mli lɛ miitsu nii lɛ, shiɛlɔi abɔ mɔdɛŋ ni amɛkanya miishɛɛ kɛtsɔ kɛɛmɔ ni amɛaakɛɛ amɛ akɛ etsɛŋ ni Nyɔŋmɔ kɛ toiŋjɔlɛ baaba lɛ nɔ. Abaanyɛ akɛ Lala 72:7 atsu nii ni akɛtsɔɔ akɛ Nyɔŋmɔ Wiemɔ lɛ kɛ toiŋjɔlɛ he shiwoo eha. Ebaawo mɛi ni sumɔɔ toiŋjɔlɛ lɛ hewalɛ kɛ amɛna shiwoo ni yɔɔ Lala 37:10, 11 akɛ etsɛŋ ni anɔkwa toiŋjɔlɛ baaba lɛ. Kɛ be yɛ lɛ, afee eshɛɛ he nɔkwɛmɔ nɔ kuku.
Lala 71 kɛ naagbee sɔlemɔ.