Kpeei Ni Baawa Wɔ Kɛha Kaselɔi Afeemɔ
OTSI NI JEƆ SHISHI APRIL 9
10 min: Asafoŋ adafitswai kɛ Adafitswai ni he hiaa ni jɛ Wɔ Maŋtsɛyeli Sɔɔmɔ lɛ mli.
18 min: “Okɛ Woo Aha Yesu Kristo—Wɔ Hemɔkɛyeli Shishitoo Nɔ Lɛ.” Sanebimɔ kɛ hetoo ni akɛaasusu he.
17 min: “Tsuishiŋmɛɛ ni Akɛaawo Yibii.” Wiemɔ ni damɔ saji ni yɔɔ 1990 Yearbook lɛ baafai 253-5 nɔ. (Kɛ nyɛbɛ 1990 Yearbook lɛ eko lɛ, akɛ sane ni ji “Sanekpakpa ni Haa Mɔ He Jɔɔ Lɛ” ni yɔɔ 1989 Yearbook lɛ baafai 253-5 lɛ ato najiaŋ.) Akɛ miishɛɛ ajie shiɛlɔi lɛ ayi yɛ bɔ ni asafo lɛ kɛ ekaa jaje sanekpakpa lɛ ni amɛwo yibii yɛ kaai kɛ shihilɛ ni mli wawai ashishi lɛ hewɔ.
Lala 181 kɛ naagbee sɔlemɔ.
OTSI NI JEƆ SHISHI APRIL 16
10 min: Asafoŋ adafitswai kɛ shika he amaniɛbɔɔ. Agbɛnɛ, te gbɛgbalɔi awalɔi yaa na amɛhaa tɛŋŋ? Ani nɔ ko yɛ ni asafo lɛ baanyɛ afee ni akɛye abua amɛ ni amɛnine ashɛ amɛ oti lɛ nɔ? Abi ni gbɛgbalɔi awalɔi awie ni amɛha amɛ niiashikpamɔi. Awo mɛi krokomɛi ni yɔɔ asafo lɛ mli lɛ hewalɛ ni amɛkɛ amɛ atsu nii. Abɔ March sɔɔmɔ nitsumɔ he amaniɛ atsɔɔ asafo lɛ. Ajie asafo lɛ yi yɛ nitsumɔ kpakpa lɛ he.
18 min: Sanebimɔ He. Wiemɔ ni agbala toibolɔi awo mli. Akɛ nyɛmimɛi yei afata sanegbaa lɛ he.
17 min: Sɛɛnamɔ ni Yɔɔ Sanekpakpa lɛ He yɛ Wɔshihilɛi Amli. Wiemɔ. Abaanyɛ ana sane nɛɛ yɛ January 1, 1990 Watchtower lɛ baafai 4-6. Ato gbɛjianɔ ni nyɛmimɛi aha hetoo ni tsɔɔ bɔ ni sanekpakpa lɛ eye ebua amɛ ni eha amɛshihilɛ etee hiɛ.
Lala 193 kɛ naagbee sɔlemɔ.
OTSI NI JEƆ SHISHI APRIL 23
10 min: Asafoŋ adafitswai kɛ Kaimɔ lɛ shishi niiashikpamɔi. Atsɔ hiɛ ato gbɛjianɔ ni nyɛmimɛi agba amɛ niiashikpamɔi kɛ nɔ ni amɛna kɛ nɔ ni mɛi heei ni ba Kaimɔ lɛ shishi lɛ wie. Awo hewalɛ ni shiɛlɔi afee sɛɛsaramɔi yɛ mɛi fɛɛ ni ba Kaimɔ lɛ shishi lɛ anɔ ni amɛye amɛbua amɛ kɛha mumɔŋ nɔyaa.
20 min: “Okɛ Ekaa Ajaje Sanekpakpa Lɛ.” Sanebimɔ kɛ hetoo ni akɛaatsu enɛ he nii. Akane kukuji lɛ kɛ be ŋmɛɔ gbɛ.
15 min: Nɔ ni Biblia lɛ Kɛɔ. Wiemɔ kɛ nɔkwɛmɔ nɔ. Kɛjɛ July 8, 1985 Awake! lɛ nɔ kɛbaa nɛɛ, ‘Nɔ ni Biblia lɛ Kɛɔ’ lɛ etee wolo tɛtrɛɛ lɛ mli sane ko ni yɔɔ miishɛɛ. Ato Biblia lɛ shidaamɔ yɛ saji ni awieɔ he lɛ he gbɛjianɔ aha jwɛŋmɔ ni pɛiɔ nibii amli, kɛ mɔ lɛ heɔ Biblia lɛ eyeɔ loo eheee eyeee. Yɛ bei babaoo mli lɛ, Biblia lɛ tsɔɔ gbɛ hee nɔ ewieɔ saji ni atsɔɔ mli momo lɛ ahe. Ani wɔkɛ sane nɛɛ miitsu nii yɛ shiɛmɔ nitsumɔ lɛ mli? Saji lɛ yɛ kukuji ni ewieɔ sane pɔtɛɛ ko he, ni ehiɛ baafai enyɔ pɛ. Akɛ toibolɔi lɛ asusu nɛkɛ saji nɛɛ sɔrɔtoi babaoo ni sa nyɛ shikpɔŋkuku lɛ ahe. Afee gbɛ ni aaatsɔ nɔ akɛ saji nɛɛ atsu nii yɛ sɔɔmɔ nitsumɔ lɛ mli lɛ he nɔkwɛmɔ nɔ.
Lala 92 kɛ naagbee sɔlemɔ.
OTSI NI JEƆ SHISHI APRIL 30
10 min: Asafoŋ adafitswai kɛ Teokrase lɛ He Saji.
25 min: “Feemɔ Nilelɔ—Okɛ Nibii ni Okaseɔ lɛ Atsu Nii.” Onukpa ko kɛ toibolɔi asusu enɛ he. Ama bɔ ni ehe hiaa akɛ aaakase woji lɛ jogbaŋŋ lɛ nɔ mi koni akai nɔ ni akase lɛ ni akɛtsu nii. Agbala jwɛŋmɔ kɛya saji ni abaanyɛ akɛtsu nii ni eje kpo yɛ woji heei amli lɛ nɔ. Nɔkwɛmɔ nii: bɔ ni obalaŋtai baanyɛ atsu shihilɛi ni teɔ shi yɛ skul lɛ he nii; bɔ ni aaatsu naagbai ni akɛkpeɔ yɛ nitsumɔ he lɛ he nii; bɔ ni aaafee ni ana tsabaa aha naagbai ni teɔ shi yɛ nyɛmimɛi ateŋ loo gbalashihilɛ hefatalɔi ateŋ lɛ. Akɛ saji ni he baaba sɛɛnamɔ jogbaŋŋ aha asafo lɛ atsu nii.
10 min: Jɔɔmɔi ni Jɛɔ Nii ni Wɔkaseɔ lɛ kɛ Nitsumɔ Mli Baa. Ato niiashikpamɔi ni kɔɔ bɔ ni akɛ nii ni akase lɛ tsu nii aha lɛ kɛ jɔɔmɔi ni ejɛ mli eba aŋkroaŋkroi ni kɛtsu nii lɛ anɔ lɛ he gbɛjianɔ jogbaŋŋ. Asafo lɛ mli niiashikpamɔi ji nɔ ni hi fe fɛɛ, shi kɛ ehe miihia lɛ, abaanyɛ akɛ 1990 Yearbook lɛ mli nɔ atsu nii.—Kwɛmɔ baafai 7-9, 43-5, 50-3, 57-8, 64.
Lala 75 kɛ naagbee sɔlemɔ.
OTSI NI JEƆ SHISHI MAY 7
Lala 200
10 min: Asafoŋ adafitswai. Akai asafo lɛ akɛ Buu-Mɔɔ lɛ shɛɛ he tafaa nyɔji enyɔ lɛ je shishi May 1. Asusu ehee ni eba lɛ mli saji otii ni abaanyɛ akɛtsu nii ni akɛwo eshɛɛ lɛ he hewalɛ he. Abi ni mɛi ni kɛ amɛhe wo gbɛgbalɔi awamɔ mli yɛ nyɔŋ lɛ mli lɛ agba amɛ niiashikpamɔi ni amɛna mli ŋɔɔmɔ.
15 min: ‘“Osuɔmɔ Diɛŋtsɛ lɛ He Kaa.’” Wiemɔ ni onukpa ko baaha ni damɔ December 1, 1989 Watchtower lɛ mli saji ni yɔɔ baafai 24-7 lɛ nɔ. Akakã mɔ ko hiɛ, shi moŋ awo mɔ fɛɛ mɔ hewalɛ ni amɛna hegbɛ ni amɛyɔɔ akɛ amɛaajɛ amɛ suɔmɔ mli ni amɛkɛ shika aye abua asafo ni amɛyɔɔ mli lɛ kɛ agbɛnɛ Ghana Nitsumɔ he Nine lɛ yɛ nɛkɛ bei ni mli wawai nɛɛ amli.
20 min: “Sanekpakpa lɛ Kɛhamɔ—Kɛtsɔ Woji Tɛtrɛbii Ashɛɛ ni Akɛaaha yɛ Ekaa Naa lɛ Nɔ.” Sanebimɔi kɛ hetoi. Kɛ agbe kuku 4 naa lɛ, afee nɔkwɛmɔ nɔ ni akɛ Saneyitso Kɛha Sanegbaa hee lɛ atsu nii. Akɛ saji otii ni kɔɔ toiŋjɔlɛ he ni yɔɔ The Watchtower lɛ mli lɛ atsu nii. Esa akɛ mɔ ni kɛ wolo lɛ haa koni ashɛ lɛ kɛ miishɛɛ kɛ ekaa afee enɛ.
Lala 72 kɛ naagbee sɔlemɔ.