Teokrase Sɔɔmɔ Skul Niŋmaa Kaa

Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ January 1 kɛyashi April 23, 1990. Okɛ wolo kroko atsu nii ni okɛŋmala hetoi abɔ ni ooonyɛ lɛ yɛ be ni ato lɛ mli.

[KADIMƆ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]

Ha sanebimɔi ni nyiɛ sɛɛ nɛɛ ahetoo akɛ Anɔkwale loo Amale:

1. Eka shi faŋŋ akɛ Klɛŋklɛŋ Tesalonikabii awolo lɛ ji Paulo woji lɛ ateŋ klɛŋklɛŋ nɔ ni bafee Biblia wolokpo lɛ fa. [si bf. 227 kk. 1]

2. Eyɛ mli akɛ Mose Mla kpaŋmɔ lɛ fo afabaŋ ewo Jeŋmajiaŋbii lɛ ahe kɛjɛ Yudafoi lɛ ahe moŋ, shi amɛbafee ekome kɛtsɔ Nyɔŋmɔ ŋɔɔ ni amɛba kɛtsɔ Kristo nɔ lɛ mli. [si bf. 220 kk. 10]

3. Sɛɛnamɔi ni jɛ tsuŋ ni awo Paulo yɛ Roma lɛ mli ba lɛ ateŋ ekome ji akɛ ewo nyɛmimɛi lɛ hewalɛ koni amɛkɛ ekaa ajaje Nyɔŋmɔ wiemɔ lɛ ni gbeyeishemɔ bɛ mli. [si bf. 223 kk. 8]

4. Kolose asafo lɛ kase Nyɔŋmɔ duromɔ he nii yɛ sanekpakpa lɛ ni Paulo shiɛ yɛ amɛteŋ lɛ hewɔ. [si bf. 225 kk. 6]

5. Ŋmɛnɛŋmɛnɛ beaŋ Kristofoi ni afɔ amɛ mu lɛ ateŋ shwɛɛnii lɛ tsɔŋ mra be mli mɛi ni afɔ amɛ mu lɛ ahiɛ yɛ gbohiiashitee lɛ mli. [si bf. 228 kk. 10]

6. Mɛi komɛi yanuuu Paulo wiemɔi ni yɔɔ eklɛŋklɛŋ wolo ni eŋma eyaha Tesalonikabii lɛ mli lɛ shishi ni enɛ ha amɛkɛɛ akɛ Nuŋtsɔ lɛ baa lɛ eshɛ shi eta. [si bf. 230 kk. 3]

7. Luka 3:​1, 2 tsɔɔ akɛ Luka ji mɔ ni pɛiɔ saji amli ni etaoɔ saji ni aŋmala ashwie shi lɛ amli jogbaŋŋ. [Daa otsi Biblia kanemɔ; kwɛmɔ w89 11/15 bf. 24.]

8. Yesu miifee su ni aaajie lɛ kpo lɛ he nɔkwɛmɔ nɔ yɛ Luka 17:​30; ekɔɔɔ naanɔ kojomɔi ahe. [Daa otsi Biblia kanemɔ; kwɛmɔ w88 6/1 bf. 31.]

9. Luka pɛ ji mɔ ni ŋma akɛ Yesu tsɔ naakpɛɛ gbɛ nɔ etsa osɔfo nukpa lɛ tsulɔ ni afo etoi lɛ. [Daa otsi Biblia kanemɔ; kwɛmɔ w89 11/15 bf. 24.]

10. Yesu wiemɔi ni yɔɔ Yohane 9:41: “Eji nyɛshwila moŋ kulɛ, nyɛhe bɛ esha” lɛ tsɔɔ akɛ adesai komɛi jeee eshafeelɔi [Daa otsi Biblia kanemɔ; kwɛmɔ w88 8/1 bf. 31.]

Ha sanebimɔi ni nyiɛ sɛɛ nɛɛ ahetoo:

11. Mɛɛ kpɔmɔ Galatabii lɛ kuɔ amɛhiɛ amɛshwieɔ nɔ lɛ? [si bf. 217 kk. 11]

12. Te fee tɛŋŋ ni Filipibii lɛ banu sanekpakpa lɛ he lɛ? [si bf. 222 kk. 1, 2]

13. Mɛni jɛ omanye ni Paulo sɔɔmɔ nitsumɔ lɛ ye kɛjɛ shishijee yɛ Tesalonika lɛ mli ba? [si bf. 227 kk. 3, 4]

14. Mɛni nɔ mi nɔkwɛmɔ nɔ ni yɔɔ Luka 12:​16-21 lɛ maa? [Daa otsi Biblia kanemɔ; kwɛmɔ w86 7/15 bf. 31.]

15. Mɛni ji Yesu wiemɔi ni yɔɔ Luka 23:30 lɛ shishinumɔ kɛha eyinɔ lɛ? [Daa otsi Biblia kanemɔ; kwɛmɔ re bf. 112 kk. 28.]

16. Taakɛ Yohane 4:27 tsɔɔ lɛ, mɛni hewɔ hoofeemɔ ba yɛ Samaria yoo lɛ ni Yesu kɛ wie lɛ hewɔ? [Daa otsi Biblia kanemɔ; kwɛmɔ w90 3/15.]

17. Mɛɛ gbɔmɛi akui enyɔ boɔ Yesu gbee toi, amɛnyiɛɔ esɛɛ ni amɛnaa esuɔmɔ kwɛmɔ mli ŋɔɔmɔ lɛ? (Yoh. 10:​27, 28) [Daa otsi Biblia kanemɔ: kwɛmɔ w90 3/15.]

18. Mɛɛ be mli aŋma 2 Tesalonikabii awolo lɛ? [si bf. 230 kk. 4]

Okɛ wiemɔ kome loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:

19. Paulo tsɔɔ mli yɛ Galatabii awolo lɛ mli akɛ ‘jeee mla nitsumɔi anɔ atsɔɔ abuɔ gbɔmɔ jalɔ, shi moŋ​—​—​—​—​—​—[si bf. 217 kk.9]

20. Esa akɛ ŋamɛi ​—​—​—​—​—amɛha amɛwumɛi taakɛ bɔ ni asafo lɛ​—​—​—​—​—lɛ ehaa Kristo lɛ. [si bf. 221 kk. 14]

21. Biblia mli wolo ni maa bɔ ni hewalɛ ni Nyɔŋmɔ kɛha Kristo lɛ nɔ kwɔ kwraa fe wɔŋjalɔi ajeŋ nilee, ŋwɛibɔfoi ajamɔ kɛ Yudafoi ablema saji nɔ mi ji lɛ. [si bf. 225 kk. 5]

22. Taakɛ 2 Tesalonikabii tsɔɔ Iɛ, Yehowa gbi lɛ baŋ ja ​—​—​—​—lɛ eba ni ajie ​—​—​—lɛ kpo da. [si bf. 230 kk. 6]

23. Sane Kpakpa lɛ mli sane kome pɛ ni gbaa wɔ Samarianyo ni na mɔbɔ lɛ he sane ji ​—​—​—nɔ lɛ. [Daa otsi Biblia kanemɔ; kwɛmɔ w89 11/15 bf. 24.]

24. Akɛni ​—​—​—toohelɔ nukpa lɛ ji gbɔmɔ kpitioo hewɔ lɛ, eyakwɔ tso koni ena Yesu. [Daa otsi Biblia kanemɔ; kwɛmɔ w89 1/15 bf. 24.]

Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:

25. ‘Kaselɔ ni Yesu sumɔɔ lɛ’ lɛ ji (Petro; Yohane; Paulo) . (Yoh. 13:23) [Daa otsi Biblia kanemɔ; kwɛmɔ w90 3/15.]

26. Paulo je gbɛ ejie asafo ni yɔɔ (Korinto; Efeso; Filipi) lɛ yi yɛ nikee loo amɛ ejurɔfeemɔ nitsumɔi ahewɔ. [si bf. 223 kk. 11]

27. Beni Paulo yɔɔ Korinto lɛ, etsu (Timoteo; Tito; Barnaba) kɛtee Tesalonika asafo lɛ mli koni etswa amɛhemɔkɛyeli ema shi ni eshɛje amɛmii. [si bf. 228 kk. 8]

28. Etamɔ nɔ ni bɔfoi 12 lɛ ateŋ mɔ pɛ ni jɛ Yudea ji (Petro; Mateo; Yuda Iskariot) . (Luka 6:​12-16) [Daa otsi Biblia kanemɔ; kwɛmɔ w86 9/1 bf. 8.]

29. (Marko; Luka; Yohane) pɛ gbaa wɔ Yesu shihilɛ dani ebatsɔ gbɔmɔ lɛ he sane. [Daa otsi Biblia kanemɔ; kwɛmɔ w90 3/15.]

30. Nyɔŋmɔyoo kpeteŋkpele ni yɔɔ Efeso lɛ ji (Veno; Artemi; Afrodite) . [si bf. 219 kk.5]

Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee:

Luka 5:​1-6; Luka 8:​30-32; Luka 16:9; Yohane 7:​37; Kol. 2:8

31. Yɛ bei abɔ ni wɔyɔɔ wala mli nɛɛ esa akɛ wɔkɛ wɔshika atsu nii yɛ gbɛ ni aaaha wɔtsɔmɔ Yehowa Nyɔŋmɔ kɛ e-Bi Yesu shieŋtsɛmɛi lɛ nɔ. [Daa otsi Biblia kanemɔ; kwɛmɔ g88 4/22 bf. 8]

32. Yesu miiwie kusum nifeemɔ ko ni akɛfata Asesei Agbijurɔyeli lɛ gbi ni ji kpaanyɔ lɛ he lɛ he yɛ biɛ. [Daa otsi Biblia kanemɔ; kwɛmɔ w90 3/15.]

33. Daimonioi lɛ le akɛ Nyɔŋmɔ baakojo amɛ ni ekɛ amɛ baawo bu kwɔŋkwɔŋ ko mli. [Daa otsi Biblia kanemɔ; kwɛmɔ w87 5/15 bf. 8.]

34. Bɔfo Paulo kɛ kɔkɔbɔɔ ko miiha yɛ biɛ. [si. bf. 225 kk. 9]

35. Naakpɛɛ nibii loo okadii ekpaa ni Luka Sane Kpakpa lɛ gbaa he sane lɛ ateŋ ekome. [Daa otsi Biblia kanemɔ; kwɛmɔ w89 11/15 bf. 24.]