Kpeei Ni Baawa Wɔ Kɛha Kaselɔi Afeemɔ
OTSI NI JI ENYƆ
Lala 154
10 min: Asafoŋ adafitswai kɛ Adafitswaa ni ahala kɛjɛ Wɔ Maŋtsɛyeli Sɔɔmɔ lɛ mli. Ani Osaa Ohe Jogbaŋŋ Kɛha Shiɛmɔ? Ati nibii ni he hiaa kɛha nitsumɔ yɛ shia kɛ shia yɛ nyɛ shikpɔŋkuku lɛ mli lɛ mli. Ni wɔɔsaa wɔhe yɛ jwɛŋmɔŋ lɛ biɔ ni wɔti otii titrii ni jeɔ kpo yɛ woji lɛ amli lɛ mli. Agbɛnɛ hu, esa akɛ wɔsɔle kɛha mumɔ krɔŋkrɔŋ lɛ kɛ yelikɛbuamɔ hu koni wɔna mɛi ni tamɔ gwantɛŋi lɛ.—Fil. 4:6, 7.
20 min: “Nyɛwoa Mɔ ni Bɔ Nii Fɛɛ lɛ Hiɛ Nyam.” Sanebimɔ-kɛ-hetoo ni akɛaatsu he nii. Kɛ aasusu kukuji 3 kɛ 4 he lɛ, aha shiɛlɔ ni he esa afee Saneyitso Kɛha Sanegbaa lɛ kɛ wolo ni akɛtsuɔ nii lɛ he nɔkwɛmɔ nɔ. Atsɔɔ gbɛjianɔtoo pɔtɛɛ ni afee kɛha sɛɛsaramɔ.
15 min: Onukpa ko kɛ obalaŋtai ni feɔ nɔkwɛmɔ nɔ kpakpa lɛ ateŋ mɛi saŋŋ baagba sane. Awie otii titrii ni yɔɔ Young People Ask wolo lɛ yitso 17, “Should I Quit School?” (Ani Esa Akɛ Makpa Skul?) lɛ he. Ama bɔ ni ehe hiaa akɛ fɔlɔi aaakudɔ amɛbii bibii lɛ ni amɛhala skul nikasemɔi ni baaye abua amɛ ni amɛle amɛninenaa nitsumɔi ni he aaaba sɛɛnamɔ, ni baaye abua amɛ ni amɛtswa amɛwɔsɛɛ amɛma shi yɛ Nyɔŋmɔ gbɛjianɔtoo lɛ mli ni amɛdi Maŋtsɛyeli lɛ he nibii asɛɛ lɛ nɔ mi.
Lala 225 kɛ naagbee sɔlemɔ.
OTSI NI JI ETƐ
5 min: Asafoŋ adafitswai. Teokrase lɛ He Saji. Akai nyɛmimɛi lɛ yɛ shiɛmɔ he gbɛjianɔtoo he.
15 min: “Sanekpakpa lɛ Kɛhamɔ—Kɛ Woji Tɛtrɛbii Lɛ.” Sanebimɔ-kɛ-hetoo ni akɛaatsu he nii. Kɛ aasusu kuku 8 he lɛ, afee bɔ ni aaanyɛ aje shishi ana mɛi ni heɔ woji tɛtrɛbii lɛ be fɛɛ be kɛtsɔ mɔ ko ni yɔɔ wiemɔ lɛ he miishɛɛ nɔ lɛ he nɔkwɛmɔ nɔ, ni ama woji tɛtrɛɛ lɛ mli sane ko ni abaana he miishɛɛ lɛ nɔ mi.
15 min: “Ni Wɔɔtswa Weku Shihilɛ ni Bɛŋkɛ Kpaakpa Wɔma Shi.” Wiemɔ ni onukpa ko baaha, ni ekɛ toibolɔi lɛ awo sanegbaa lɛ mli. Akɛ ŋaawoi ni tsɔɔ nɔ ni abaanyɛ afee yɛ nyɛ asafo lɛ mli koni akɛtswa mumɔŋ sui ama shi yɛ weku lɛ mlibii amli ni akɛye abua mɛi fɛɛ ni amɛna shiɛmɔ nitsumɔ lɛ he miishɛɛ lɛ aha.
10 min: ‘Wɔhiɛ Sɔɔ Mɛi ni Edara Lɛ!’ Wiemɔ ni onukpa ko baaha, ni edamɔ sane ni yɔɔ February 1, 1986, Watchtower, baafai 28-9 nɔ. Akɛ emli sane lɛ ato nyɛ asafo lɛ he. Abaanyɛ awie bɔ ni esa akɛ akɛ amɛ atsu nii yɛ shiɛmɔ mli lɛ he titri, ni akɛ amɛ atsu nii blɛoo bɔ ni amɛaanyɛ. Abaanyɛ aye abua amɛ kɛ amɛjara nɔ nihemɔ, helatsamɔ he yaa, kɛ nibii krokomɛi, koni wɔna amɛnilee kɛ niiashikpamɔ lɛ he sɛɛ.—Hiob 15:10; Abɛi 16:31; 1 Tim. 5:1, 2.
Lala 116 kɛ naagbee sɔlemɔ.
OTSl NI JI EJWƐ
Lala 160
8 min: Asafoŋ adafitswai. Shika he amaniɛbɔɔ kɛ shika ni akɛmaje kɛke ni akpɛlɛ nɔ lɛ hu. Ajie asafo lɛ yi yɛ bɔ ni amɛfiɔ jeŋ muu fɛɛ nitsumɔ lɛ sɛɛ amɛhaa lɛ he.—Abɛi 3:9.
20 min: “Ha Ohiɛ Ahi Ohe nɔ ni Oje Biblia Mli Nikasemɔi Ashishi.” Sanebimɔ-kɛ-hetoo ni akɛaatsu he nii. Atswa adafi yɛ nikasemɔi abɔ ni asafo lɛ feɔ lɛ he. Kɛ ashɛ kuku 5 lɛ, atsɔɔ bɔ ni aaafee aje nikasemɔ shishi yɛ be mli ni atee jɛmɛ klɛŋklɛŋ kwraa. Aje nɔkwɛmɔ nɔ lɛ shishi ni shiatsɛ lɛ bɛ Sutsakemɔ he miishɛɛ tsɔ, shi kɛlɛ ekɛ miishɛɛ kpɛlɛ Shihilɛ yɛ Toiŋjɔlɛ Jeŋ Hee ko Mli dɛhiɛmɔ wolo lɛ nɔ. Shiɛlɔ lɛ kɛlɛ asusu kuku kome loo kukuji enyɔ he kɛjɛ dɛhiɛmɔ wolo lɛ mli, ni ekɛ lɛ ato gbɛjianɔ jogbaŋŋ ni eku esɛɛ eyasara lɛ. No sɛɛ lɛ, afee bɔ ni atsɔɔ gbɛ pɔtɛɛ nɔ lɛ he nɔ kwɛmɔ nɔ, ni akɛ hiɛkpamɔ wiemɔi ni yɔɔ Reasoning wolo lɛ baafa 12 yɛ yitso ni ji ‘Shia Biblia Nikasemɔ’ shishi lɛ ateŋ ekome atsu nii.
17 min: “Kɛ Ootsɔɔ Nii Lɛ, Shɛ Tsui lɛ He.” Wiemɔ ni abaasusu otii titrii ejwɛ ni ni yɔɔ February 1, 1985, Buu-Mɔɔ baafai 13-17 lɛ mli lɛ he. Aye abua toibolɔi lɛ ni amɛna bɔ ni ehe hiaa akɛ amɛaafee Biblia mli nikasemɔi ni yaa hiɛ. Agbɛnɛ hu, awie be mli ni esa akɛ akpa nikasemɔ ni wooo yibii lɛ feemɔ hu he.
Lala 121 kɛ naagbee sɔlemɔ.
OTSI NI JI ENUMƆ
10 min: Asafoŋ adafitswai. Awo woji tɛtrɛbii kɛ nitsumɔ he hewalɛ. Asafoi babaoo yɛ Blɔfo woji tɛtrɛbii ni amɛnine shɛ nɔ etsɛɛɛ nɔŋŋ ni naatsii lɛ ba lɛ eko lolo. Ni ehiɛ aaakpata lɛ, mɛni hewɔ nyɛwooo shiɛlɔi lɛ hewalɛ ni amɛbahe ni amɛkɛ nilee aja moŋ? Amɛteŋ ekomɛi jajeɔ shɛɛ sane ni mli wa waa eshiɔ Babilon kpeteŋkpele lɛ. Shɛɛ sane lɛ ka he eetsu nii lolo, no hewɔ lɛ oyɛ hegbɛ ni owoɔ nakai sane ni kɔɔ Babilon kpeteŋkpele lɛ he lɛ nɔ yɛ be mli ni oyeɔ odase trukaa aloo yɛ shia-kɛ-shia lɛ bɔni afee ni otee miishɛɛ shi yɛ woji tɛtrɛbii lɛ ahe. Kɛji shiɛlɔ fɛɛ shiɛlɔ kɛ wolo tɛtrɛɛ kome aaaha yɛ nyɔŋ fɛɛ nyɔŋ nɔ lɛ, no lɛ nɔ ni yɔɔ nɛɛ fɛɛ baata. Awo mɛi fɛɛ hewalɛ ni amɛbahe nɔ ni yɔɔ lɛ eko.
20 min: “Wɔhiɛ ni Aaasɔ Wɔ Gbɛgbalɔi Lɛ.” Sɔɔmɔ nɔkwɛlɔ lɛ kɛ gbɛgbalɔi enyɔ loo mɛi etɛ baagba emli sane. Aha gbɛgbalɔi lɛ atsɔɔ bɔ ni amɛnyɛ amɛye amɛbua mɛi krokomɛi. ni aha amɛwie nibii ni nyɛ asafo lɛ kɛwo amɛ hewalɛ lɛ ahe titri. Ajie asafo lɛ yi yɛ sɛɛfimɔ ni amɛkɛhaa gbɛgbalɔi lɛ he.
15 min: Asafo lɛ hiamɔ nii. Aloo onukpai asɛinɔtalɔ lɛ baatsu sanegbaa ni damɔ “Sanebimɔi ni Jɛ Kanelɔi Adɛŋ” lɛ nɔ, yɛ January 1, 1983 Watchtower lɛ baafai 30-1, ni ji ‘Mɛɛ Gbɛ nɔ Wɔɔtsɔ Wɔye Wɔbua Mɛi ni Yɔɔ Wɔ Asafo lɛ Mli ni Yɔɔ Wekumɛi ni Ashwie Amɛ Lɛ?’ he nii.
Lala 62 kɛ naagbee sɔlemɔ.