Kpeei Ni Baawa Kɛha Kaselɔi Afeemɔ
KLƐŊKLƐŊ OTSI
Lala 191
10 min: Asafoŋ adafitswai kɛ Adafitswai ni ahala kɛjɛ Our Bulletin lɛ mli. Ati shiɛmɔyaa he gbɛjianɔtoo kɛha otsi lɛ mli. Akɛ asafo lɛ ati gbɛtsɔɔmɔ ni akɛha yɛ “How to Handle Subscriptions Properly” (S-11) wolo lɛ mli lɛ mli kuku.
15 min: “Wɔ Maŋtsɛyeli Sɔɔmɔ lɛ he Nii ni Wɔɔtsu yɛ Asafo lɛ Mli.” Wiemɔ kɛ nɔkwɛmɔ nɔ ni asaa he jogbaŋŋ yɛ mli ni woloŋ nikasemɔ nɔkwɛlɔ lɛ kɛ gbalashihilɛ mli hefatalɔi komɛi baafee ni ekɛgbala bɔ ni akɛ Index lɛ baanyɛ atsu nii ni akɛtao hei ni atsɔɔ nɔ hewɔ ni esa akɛ nyɛmimɛi yei aha amɛyi nɔ kɛ be mli ni amɛaafee nakai lɛ yɛ.
20 min: Saneyitso Kɛha Sanegbaa Hee Lɛ. Akɛ toibolɔi lɛ asusu Saneyitso hee lɛ he. Agbɛnɛ, asusu saneyitsei ni yɔɔ Buu-Mɔɔ heei lɛ amli ni abaanyɛ akɛgba sane lɛ ahe. Awo nyɛmimɛi lɛ hewalɛ ni amɛsusu mɛi ni naa wɔwoji lɛ ahe miishɛɛ yɛ anɔkwale mli ni amɛbaana he miishɛɛ akɛ amɛnine aaashɛ nɔ ni eshɛɔ lɛ nɔ lɛ ahe. Aha shiɛlɔ ni esaa ehe jogbaŋŋ afee nɔkwɛmɔ nɔ ni nyiɛ sɛɛ nɛɛ: “Biɛ fɛɛ. Atsɛɔ mi . Miisara mɛi fɛɛ ni yɔɔ akutso nɛɛ mli lɛ, ni miisumɔ mabi bo sane ko. Ani osusuɔ akɛ toiŋjɔlɛ ni sɛɛ tsɛɔ baaba yɛ wɔshihilɛ be mli? [Ŋmɛɛ gbɛ ni eha hetoo.] Kɛji wɔkɛ bɔ ni nibii ji tsutsu lɛ baakojo lɛ, no lɛ nɔdaamɔ nɔ ko kwraa bɛ kɛha hiɛnɔkamɔ. Shi kadimɔ nɔ ni agba afɔ shi yɛ wɔbe nɛɛ he lɛ yɛ Luka 21. [Kanemɔ kukuji 10, 11, 26. ] Nɛkɛ shihilɛi nɛɛ ehi shi aahu kɛjɛ Jeŋ Tai mli tɔɔ. Shi, ashiii wɔ efolo ni wɔbɛ hiɛnɔkamɔ. Nɛkɛ shihilɛi ni haoɔ adesai waa nɛɛ yeɔ he odase faŋŋ akɛ etsɛŋ ni Nyɔŋmɔ Maŋtsɛyeli lɛ baasaa shikpɔŋ lɛ nɔ fɛfɛo ni ekɛ naanɔ toiŋjɔlɛ baaba. Enɛ ji nɔ ni Yesu tee nɔ ewie yɛ kukuji 28 kɛ 31 lɛ. [Kanemɔ ŋmalɛi lɛ.] No hewɔ lɛ nɛkɛ awerɛho shihilɛi ni haa wɔnijiaŋ jeɔ wui nɛɛ ji odaseyeli diɛŋtsɛ ni tsɔɔ akɛ etsɛŋ ni tsakemɔ kpele ko baaba. Ani enɛ jeee sane kpakpa? [Ŋmɛɛ gbɛ ni eha hetoo.] Nɛkɛ sane ni aŋma yɛ Buu-Mɔɔ nɛɛ mli [halamɔ kuku ko loo mfoniri ni sa] lɛ tsɔɔ tsakemɔi ni etsɛŋ ni ebaaba lɛ ekomɛi kɛ bɔ ni bo kɛ oweku lɛ fɛɛ baafee ni nyɛhi shi ni nyɛna mli ŋɔɔmɔ. Kɛji obaasumɔ ni okane nɛkɛ sane nɛɛ lɛ, no lɛ masumɔ ni mashi Buu-Mɔɔ kɛ Awake! woji tɛtrɛbii lɛ maha bo.” Shiɛlɔ lɛ baanyɛ adamɔ miishɛɛ ni mɔ lɛ baatsɔɔ lɛ nɔ ekpɛ eyiŋ kɛji ebaanyɛ eha lɛ hegbɛ ni eshɛ. Bei pii lɛ. ehi jogbaŋŋ akɛ aaafee enɛ yɛ be mli ni afee sɛɛsaramɔ ni ana akɛ shiatsɛ lɛ ekane klɛŋklɛŋ nɔ ni okɛha lɛ fɛɛ lɛ. Agbɛnɛ hu, shiɛlɔ lɛ baanyɛ atsɔɔ wiemɔi sɔrɔtoi amli ni akalaa woji tɛtrɛbii lɛ yɛ kɛ bɔ ni wɔnitsumɔ lɛ kpeleɔ jeŋ fɛɛ lɛ hu. Bɔ ni wɔjɛɔ wɔsuɔmɔ mli wɔkɛ wɔhe haa lɛ yeɔ ebuaa ni ehaa Biblia mli tsɔsemɔ lɛ yaa hiɛ. Kɛji hegbɛ yɛ ni esa hu lɛ, no lɛ abaanyɛ atsɔɔ shiatsɛ lɛ bɔ ni atsuɔ jeŋ muu fɛɛ nitsumɔ lɛ ahaa lɛ mli kuku. Awo mɛi fɛɛ hewalɛ ni amɛkɛ Saneyitso Kɛha Sanegbaa hee lɛ atsu nii ni akɛmu fa nɛɛ naa.
Lala 60 kɛ naagbee sɔlemɔ.
OTSI Nl Jl ENYƆ
5 min: Asafoŋ adafitswai kɛ Teokrase lɛ He Saji.
15 min: “Sanekpakpa lɛ Kɛhamɔ—Ni Emɔ Shi Kɛtsɔ Sane Toiboo Nɔ.” Sanebimɔ-kɛ-hetoo ni akɛaasusu sane Iɛ he. Kɛ aasusu kuku 4 he lɛ, afee bɔ ni shiɛlɔ ko ha hegbɛ fɛfɛo ni ena ni akɛaagba sane jogbaŋŋ lɛ ŋmɛɛ lɛ kɛtsɔ shiatsɛ lɛ wiemɔi kɛ enaagbai ni ebooo toi jogbaŋŋ lɛ nɔ lɛ he nɔkwɛmɔ nɔ. Abi toibolɔi lɛ bɔ ni kulɛ abaanyɛ atsu he nii aha. No sɛɛ lɛ, aha nakai shiɛlɔ lɛ nɔŋŋ ati nɔkwɛmɔ nɔ lɛ mli, shi yɛ enɛ mli lɛ etsɔɔ bɔ ni abaanyɛ atsu he nii jogbaŋŋ aha kɛtsɔ sanegbaa kpakpa ni akɛ shiatsɛ lɛ aaana lɛ nɔ.
25 min: “Ni Wɔɔkpa Yibii yɛ Wɔ Aŋkroaŋkro Mɔdɛŋbɔɔ lɛ Naa.” Wiemɔ kɛ sanegbaa ni damɔ nɔ ni aŋma ahɔ mli Iɛ mli sane lɛ nɔ. Onukpa ko baatsu he nii. Akɛ emli sane lɛ ato nyɛ asafo lɛ he. Abaanyɛ akane kukuji lɛ kɛ ŋmalɛi ni atsɛ lɛ kɛ be baaŋmɛ gbɛ.
Lala 128 kɛ naagbee sɔlemɔ.
OTSI NI JI ETƐ
10 min: Asafoŋ adafitswai kɛ shika he akɔntaabuu. Akɛ Asafo lɛ woji ni miitsɔɔ hiɛsɔɔ ni ayɔɔ yɛ shika yelikɛbuamɔ ni akɛhaa yɛ jeŋ muu fɛɛ nitsumɔ lɛ he lɛ afata he. Ajie nyɛmimɛi lɛ ayi yɛ bɔ ni amɛjɛɔ amɛsuɔmɔ mli amɛyeɔ amɛbuaa yɛ asafo lɛ hiamɔ nii ahe lɛ.
10 min: “Wo Mɛi Krokomɛi Hewalɛ ni Amɛkane Buu-Mɔɔ lɛ. “Wiemɔ ni ekaawoo yɔɔ mli kɛ wiemɔi kukuji enyɔ loo etɛ ni asaa he jogbaŋŋ yɛ mli ni jɛ shiɛlɔi aŋɔɔ ni miitsɔɔ nɔ hewɔ ni amɛhiɛ sɔɔ Buu-Mɔɔ lɛ kɛ bɔ ni amɛna he sɛɛ yɛ kanemɔ ni amɛkaneɔ daa lɛ mli.
20 min: “Nyɛjea kpeei Ashishi ni Nyɛkpaa yɛ Be Naa Pɛpɛɛpɛ.” Sanebimɔ-kɛ-hetoo ni akɛaasusu he. Akane kukuji lɛ fɛɛ.
Lala 8 kɛ naagbee sɔlemɔ.
OTSI NI JI EJWƐ
10 min: Asafoŋ adafitswai. Ani nyɛ asafo lɛ eto gbɛjianɔ ni etswa adafi hu akɛ nyɛbasaa Maŋtsɛyeli Asa lɛ mli yɛ bei nɛɛ amli? Ati gbɛjianɔ ni ato kɛha Maŋtsɛyeli Asa lɛ nɔ saamɔ lɛ mli. Aye abua nyɛmimɛi lɛ ni amɛna bɔ ni ehe hiaa ni wɔha he ni ajaa Yehowa yɛ lɛ atse lɛ jogbaŋŋ.—Kɛha ehe saji babaoo lolo lɛ nyɛbaanyɛ nyɛkwɛ “Ani Ojieɔ Bulɛ Kpo Otsɔɔ Nyɛ Maŋtsɛyeli Asa Lɛ?” yɛ September 1989 Our Bulletin lɛ baafa 7.
10 min: “Okɛ Wɔwoji lɛ Atsu Nii Jogbaŋŋ Kɛmɔ Shi.” Sanebimɔ kɛ hetoo ni akɛaatsu he nii. Afee nɔkwɛmɔ nii enyɔ ni akɛtsɔɔ bɔ ni aaafee ana kɛji shiatsɛ lɛ yɛ woji lɛ ahe miishɛɛ diɛŋtsɛ dani akɛ woji lɛ aha yɛ shinaai anaa.
12 min: “Ani Kristofoi ‘Shiɔ Kpe’ Amɛhaa Gbohii?” Aha wiemɔ, ni amamɔ otii ni kɔɔ nyɛ asafo lɛ he lɛ anɔ mi jogbaŋŋ. Aŋmɛ toibolɔi lɛ agbɛ ni kɛ mɛi komɛi yɛ saji lɛ ni amɛbi.
10 min: Dɛhiɛmɔ Woji ni Wɔkɛaatsu Nii yɛ Sɔɔmɔ Nitsumɔ lɛ Mli. Atsɔɔ nyɛmimɛi lɛ dɛhiɛmɔ woji sɔrɔtoi ni nyɛyɔɔ lɛ fɛɛ, ni asusu gbɛi sɔrɔtoi ni abaanyɛ atsɔ nɔ akɛha lɛ ahe. Aha toibolɔi lɛ awie bɔ ni amɛkɛ dɛhiɛmɔ woji lɛ tsuɔ nii lɛ ahe ni ekolɛ amɛgba niiashikpamɔi ni amɛna lɛ hu. Wɔsusu bɔ ni wɔɔfee wɔkɛ dɛhiɛmɔ woji atsu nii ni wɔkɛje nikasemɔi ashishi lɛ he yɛ February mli. Aha agba niiashikpamɔi ni ana yɛ gbɛi nɛɛ kɛ nitsumɔ mli lɛ atsɔɔ. Akwɛ Index lɛ hu mli saneyitso ni ji ‘Dɛhiɛmɔ Woji’ lɛ shishi kɛha niiashikpamɔi ni ana yɛ ekɛ nitsumɔ mli.
Lala 181 kɛ naagbee sɔlemɔ.