Sɔɔmɔ Kpeei
KADIMƆ: Wɔ Maŋtsɛyeli Sɔɔmɔ lɛ baato Sɔɔmɔ kpee he gbɛjianɔ aha otsi fɛɛ otsi kɛ December kɛ January mli. Asafoi baanyɛ afee tsakemɔi ni sa koni amɛna hegbɛ amɛya kpokpaa wuji anɔ kpeei lɛ koni amɛkɛ minitii 30 ati gbɛjianɔtoo lɛ mli saji otii amli yɛ Sɔɔmɔ kpee lɛ shishi otsi ni baanyiɛ sɛɛ aba lɛ. Abaanyɛ aja saji lɛ amlitii lɛ mli etɛ ni eko fɛɛ eko hiɛ minitii 10 ni miitsu kɛjɛ Sohaa kɛyashi Hɔgbaa wiemɔi lɛ ahe nii. Emlitii ni asaa he jogbaŋŋ yɛ mli lɛ baaye abua nyɛmimɛi lɛ ni amɛkai saji otii lɛ ni amɛ diɛŋtsɛ lɛ amɛkɛtsu nii kɛ agbɛnɛ yɛ shiɛmɔ mli.
Klɛŋklɛŋ Otsi
Lala 180
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli, awo gbɛgbalɔi awamɔ he hewalɛ yɛ December, ejaakɛ December yɛ hɔgbaai enumɔ kɛ hejɔɔmɔ gbii komɛi.
10 min: “Okɛ Hesaa Atsu Anɔkwale Wiemɔ lɛ He Nii.” Akɛ sanebimɔ kɛ hetoo atsu he nii. Ama bɔ ni ehe hiaa ni akɛ Biblia atsu nii yɛ shiai anɔ mi. Kɛ asusu kuku 5 he sɛɛ lɛ, afee shiɛmɔ wiemɔ lɛ he nɔkwɛmɔ nɔ. Agbɛnɛ afee Saneyitso kɛha Sanegbaa lɛ kɛ Biblia lɛ kɛhamɔ he nɔkwɛmɔ nɔ kuku. Atsɔɔ akɛ yɛ bei komɛi amli lɛ shiɛlɔi baanyɛ ni amɛkɛ Word of God wolo lɛ pɛ aha mɛi ni sumɔɔɔ ni amɛheɔ Biblia kroko lɛ.
15 min: “New World Translation lɛ—Etsɔɔ Woloŋlee kɛ Anɔkwayeli.” Sane ni jeɔ kpo yɛ Buu-Mɔɔ Vol. 112. No. 5 lɛ mli. Ama saji otii ni he baaba sɛɛnamɔ yɛ Biblia lɛ kɛhamɔ yɛ shiɛmɔ mli lɛ nɔ mi.
Lala 23 kɛ naagbee sɔlemɔ.
Otsi ni Ji Enyɔ
Lala 161
10 min: Asafoŋ adafitswai. Ama saji ni yɔɔ woji tɛtrɛbii heei lɛ amli ni abaanyɛ akɛtsu nii otsi nɛɛ naagbee lɛ nɔ mi.
20 min: “Sanekpakpa lɛ Kɛhamɔ—Shia Biblia Kasemɔ He Gbɛjianɔtoo.” Sanebimɔ kɛ hetoo. Aha shiɛlɔ ni he esa afee bɔ ni akɛ mɔ ni yɔɔ Biblia ni akɛha lɛ lɛ he miishɛɛ jeɔ Biblia kasemɔ shishi lɛ he nɔkwɛmɔ nɔ. Awo nyɛmimɛi hewalɛ ni amɛdi mɛi ni naa he miishɛɛ lɛ asɛɛ, kɛ akɛ wolo ko eha loo akɛ eko haaa.
15 min: Sanebimɔ He. Onukpa ko miitsɔɔ bɔ ni aŋmaa Report loo sɔɔmɔ nitsumɔ he akɔntaabuu lɛ yɛ wolo nɔ ahaa. Aja Report Slip (S-3 kɛ S-4) woji bibii lɛ eko aha shiɛlɔi lɛ dani aje emlitsɔɔmɔ shishi. Mɔ ni tsuɔ enɛ he nii lɛ atsɔɔ bɔ ni aŋmalaa S-4 Report slip lɛ fai lɛ eko fɛɛ eko nɔ ahaa taakɛ atsɔɔ yɛ Our Ministry wolo lɛ baafai 102 kɛyashi 104 lɛ mli fitsofitso lɛ. Esa akɛ atsɔɔ nɔ ni akɛbuɔ Biblia kasemɔ he akɔntaa (S-3) lɛ hu mli.
Lala 167 kɛ naagbee sɔlemɔ.
Otsi ni Ji Etɛ
10 min: Asafoŋ adafitswai, shika he amaniɛbɔɔ, kɛ shika ni akɛmaje Asafo lɛ ni akpɛlɛ nɔ akɛ eshɛ. Ajie nyɛmimɛi ayi yɛ nihamɔ mli gbɛfaŋnɔ ni amɛnaa hewɔ.
10 min: “Asafo Woloŋ Nikasemɔ he Gbɛjianɔtoo—Fa 5.” Sɔɔmɔ nɔkwɛlɔ lɛ kɛ sanebimɔ kɛ hetoo baatsu enɛ he nii. Abi ni awie bɔ ni mɛi komɛi ena gbɛjianɔtoo nɛɛ he sɛɛ amɛha, aloo abi mɔ kome loo mɛi enyɔ ni amɛwie bɔ ni sɔɔmɔ nɔkwɛlɔ lɛ saramɔ lɛ he eba sɛɛnamɔ kɛha amɛ lɛ he.
15 min: Mɛi ni Sa lɛ Asɛɛgbɛ Taomɔ kɛ Amɛnitsɔɔmɔ. Wiemɔ kɛ sanebimɔ. Ama Mateo 10:11 nɔ mi. Eewa be fɛɛ be akɛ aaana gbɔmɛi yɛ shia. Mɛni abaanyɛ afee? (kmGA 10/85 bf. 4 kk. 3, 4) Yaa gbɔmɛi aŋɔɔ yɛ amɛ yalei amli. Kadimɔ mɛi ni bɛ shia ni oku osɛɛ oya amɛŋɔɔ mra. Kɛ akɛ mɔ ko kpe yɛ gbɛjegbɛ nɔ aloo he ko ni jeee eshia kɛtsɔ trukaa odaseyeli nɔ lɛ, too gbɛjianɔ ni oyasara lɛ yɛ eshia. (Abi shiɛlɔi enyɔ loo etɛ kɛ gbɛgbalɔi ni amɛye trukaa odaseyeli mli omanye lɛ sane kuku.) Satan baabɔ mɔdɛŋ fɛɛ ni eeenyɛ koni ekaha wɔnine miishɛ mɛi ni sa lɛ anɔ. Yesu Kristo nii ji “gwantɛŋi” lɛ. Efa wɔ akɛ wɔtao amɛ ni wɔlɛ amɛ. (Yoh. 21:15-17) Enɛ yeɔ ebuaa wɔ koni wɔyoo bɔ ni ehe hiaa akɛ wɔnine aaashɛ mɔ fɛɛ mɔ ni yɔɔ shia lɛ mli lɛ nɔ kɛ aaahi.
Lala 75 kɛ naagbee sɔlemɔ.
Otsi ni Ji Ejwɛ
7 min: Asafoŋ adafitswai. Teokrase lɛ He Saji. Awo hewalɛ ni mɔ fɛɛ mɔ kɛ ehe awo sɔɔmɔ lɛ mli yɛ gbɛhamɔ bei amli. Ati adafitswaa ni kɔɔ gbɛjianɔtoo kɛha sɔɔmɔ nitsumɔ he yɛ gbɛhamɔ bei amli lɛ mli.
20 min: “Okɛ Osusuma Fɛɛ Atsu Nii yɛ Shiɛmɔ Nitsumɔ lɛ Mli—Fa 5.” Akɛ sanebimɔ kɛ hetoo baatsu nɔ ni aŋma atsara nɔ nɛɛ naagbee fa nɛɛ he nii. Akɛ miishɛɛ awo hewalɛ ni mɔ fɛɛ mɔ adi ŋaawoo ni akɛha lɛ sɛɛ.
18 min: “Maŋtsɛyeli lɛ Mlilɛɛmɔ Mli Gbɛfaŋnɔ ni Wɔɔna.” Sanebimɔ kɛ hetoo ni akɛaatsu nɔ ni aŋma ahɔ mli lɛ he nii. Akɛ miishɛɛ awo mɔ fɛɛ mɔ hewalɛ ni akɛ he awo teokrase nitsumɔi sɔrɔtoi amli.
Lala 206 kɛ naagbee sɔlemɔ.
Otsi Ni Ji Enumɔ
10 min: Asafoŋ adafitswai. Asusu wolo ni akɛbaaha yɛ January mli lɛ he kuku.
15 min: “Ni Wɔɔha Nyɔŋmɔ Sɔɔmɔ Afee Wɔ Mishɛɛɛ Nɔ Kpele.” Wiemɔ kɛ sanebimɔi, ni atsɔ hiɛ ato he gbɛjianɔ, ni tsɔɔ nɔ ni haa wɔnaa miishɛɛ yɛ Yehowa gbɛjianɔtoo lɛ mli. Ama bɔ ni ehe hiaa akɛ mɔ fɛɛ mɔ aaabɔ mɔdɛŋ ni ana be aha mumɔŋ saji lɛ anɔ mi.
20 min: Asafoŋ hiamɔ nii aloo “Maŋtsɛyeli Jajelɔi Bɔ Amaniɛ.” Wiemɔ. Wiemɔ niiashikpamɔi ni yɔɔ enɛ shishi ni yɔɔ Buu-Mɔɔ lɛ amli ni tsɔɔ hewalɛ kpele ni Biblia lɛ naa yɛ gbɔmɛi ashihilɛ nɔ lɛ ahe. Abaanyɛ akɛ amaniɛbɔɔi ni yɔɔ Vol. 112. No. 15 kɛ Vol. 112, No. 15 lɛ mli lɛ afata he.
Lala 129 kɛ naagbee sɔlemɔ.