Sɔɔmɔ Kpeei Kɛha June
Otsi Ni Jeɔ Shishi June 1
10 min: Asafoŋ adafitswai kɛ Adafitswai ni ehala keɔ Wɔ Maŋtsɛyeli Sɔɔmɔ lɛ mli. Awo Shiɛlɔi lɛ hewalɛ ni nom amɛhe awo shimɔ mli yɛ otsi nɛɛ naagbee.
20 min: “Buu-Mɔɔ lɛ Kɛhamɔ yɛ June Mli.” Akɛ sanebimɔ kɛ hetoo baatsu he nii. Buu-Mɔɔ lɛ yiŋtoo, taakɛ atsɔɔ yɛ eko fɛɛ eko baafa 2 yiteŋgbɛ lɛ hesusumɔ afata be. Abaanyɛ adamɔ woji tɛtrɛbii ni akɛbaatsu nii yɛ shiɛmɔ mli otsi nɛɛ nɔ atsɔɔ shiɛmɔ wiemɔi krokomɛi afata he. Abaanya akɛ woji tɛtrɛbii heei ni baaba lɛ eko aya mɔ lɛ ŋɔɔ shii abɔ lolo, koni akɛha shishijee miishɛɛ ni ena lɛ aya hiɛ.
15 min: “Hiɛkpamɔ Wiemɔi Baanyɛ Atsake Shihilɛ lɛ Kwraa.” Akɛ toibolɔi asusu sane lɛ he. Ani amɛka hiɛkpamɔ wiemɔi ni awo ŋaa yɛ he yɛ Wɔ Maŋtsɛyeli Sɔɔmɔ ni je kpo nyɛsɛɛ nɛɛ amli, ni ajie amɛmli babaoo kɛjɛ Reasoning wolo Iɛ mli lɛ amɛkwɛ? Mɛɛ hiɛkpamɔ wiemɔi amɛna akɛ emɔɔ shi jogbaŋŋ yɛ nyɛshikpɔŋkuku lɛ mli? Mɛɛ be shiɛlɔi lɛ saa amɛ hiɛkpamɔ wiemɔi lɛ, ni amɛtiɔ mli amɛkwɛɔ kɛhaa shiɛmɔyaa? Afee hiɛkpamɔ wiemɔi ni emɔ shi jogbaŋŋ yɛ nyɛshikpɔŋkuku lɛ mli ateŋ enyɔ loo etɛ he nɔkwɛmɔ nii kukuji atsɔɔ.
Lala 32 kɛ naagbee sɔlemɔ.
Otsi ni Jeɔ Shishi June 8
5 min: Asafoŋ adafitswai.
15 min: “Feemɔ Sɛɛsaramɔi ni Mɔɔ Shi Jogbaŋŋ.” Akɛ toibolɔi asusu sane lɛ mli otii ahe, ni kɛji ebaahi lɛ, akɛ niiashikpamɔ kuku ko ni ana nyɛsɛɛ nɛɛ, ni tsɔɔ bɔ ni sɛɛnamɔ kanya mɔ ko ni enu wiemɔ lɛ he miishɛɛ babaoo lɛ afata he. Akɛ naagbee minitii ekpaa loo kpaanyɔ afee bɔ ni Asafo Woloŋ Nikasemɔ nɔkwɛlɔ lɛ yeɔ ebuaa shiɛlɔi enyɔ loo etɛ, koni amɛsaa amɛhe ni amɛya mɛi ni yɔɔ wiemɔ lɛ he miishɛɛ ni amɛkɛ amɛ kpe yɛ amɛshikpɔŋkuku lɛ mli nyɛsɛɛ nɛɛ aŋɔɔ lɛ he nɔkwɛmɔ nɔ. Kɛji ebaahi lɛ, akɛ sɛɛsaramɔi diɛŋtsɛ ni shiɛlɔi lɛ baafee yɛ sɛɛ mli lɛ atsu enɛ he nii.
25 min: “1992 ‘La Hiɛlɔi’ Kpokpaa Wulu nɔ kpee.” Sanebimɔ-kɛ-hetoo ni akɛaasusu nɔ ni aŋma ahɔ mli lɛ he. Asafo lɛ kpee he gbɛjianɔtolɔ baatsu enɛ he nii. Akane kukuji otii lɛ kɛ amɛmli ŋmalɛi lɛ pɛ. Atswa miishɛɛ henumɔ awo nyɛmimɛi lɛ amli kɛha Tamale kpee lɛ Asafoi ni yɔɔ nyɛmimɛi ni yelikɛbuamɔ he baahia amɛ lɛ baanyɛ amɛti kuku ni wieɔ mɛi ni yɔɔ hiamɔ nii krɛdɛɛ lɛ ahe lɛ mli jogbaŋŋ.
Lala 65 kɛ naagbee sɔlemɔ.
Otsi ni Jeɔ Shishi June 15
Lala 202
10 min: Asafoŋ adafitswai kɛ shika he akɔntaabuu kɛ shika ni akɛmaje ni nine eshɛ nɔ lɛ he saji. Ajie asafo lɛ yi yɛ bɔ ni amɛfiɔ nyɛ asafo lɛ diɛŋtsɛ kɛ agbɛnɛ Asafo lɛ jeŋ muu fɛɛ nitsumɔ lɛ hu sɛɛ lɛ he. Atsɔɔ shiɛmɔyaa be gbɛjianɔtoo kɛha otsi lɛ naagbee ni awo mɔ fɛɛ mɔ hewalɛ ni ekɛ ehe awo mli.
20 min: “Wo Mumɔŋ Otii Asɛɛtiumɔ He Hewalɛ.” Toibolɔi lɛ sanegbaa ni onukpa ko baatsu he nii. Kɛji asusu kuku 6 he agbe naa lɛ, akɛ shiɛlɔ ko ni efee nɔkwɛmɔ nɔ kpakpa mɔ ni tsu hewalɛwoo he nii, ni etiu mumɔŋ otii asɛɛ beni eji obalaŋta lɛ agba sane. Mɛɛ gbɛ nɔ atsɔ awo lɛ hewalɛ? Kɛji aasusu kuku 7 he lɛ, atsɔ Young People Ask wolo lɛ yitsei 22, 38 kɛ 39 he susumɔnɔ atsɔɔ sɛɛnamɔi diɛŋtsɛ ni baajɛ mli aba aha fɔlɔi kɛ obalaŋtai lɛ hu fɛɛ.
15 min: “Na He-kɛ-Ablanaa Mumɔ!” Onukpa ko baadamɔ sane ni je kpo yɛ February 1, 1992 Buu-Mɔɔ lɛ mli, yɛ baafai 25-28 lɛ nɔ eha wiemɔ ni woɔ mɔ hewalɛ.
Lala 213 kɛ naagbee sɔlemɔ.
Otsi ni Jeɔ Shishi June 22
Lala 220
10 min: Asafoŋ adafitswai kɛ Teokrase lɛ He Saji. Agba woji tɛtrɛbii ashɛɛ he tafaa lɛ mli niiashikpamɔi (atsɔ hiɛ akɛ nyɛminuu ni kwɛɔ woji tɛtrɛbii ashɛɛ nɔ yɛ osafo lɛ mli lɛ yelikɛbuamɔ atsu he nii koni eye omanye.)
15 min: Kwɛmɔ Ohɛ Nɔ Jogbaŋŋ yɛ Hemɔkɛyeli Kwalɔi Ahe. Sanegbaa ni onukpa ko kɛ shiɛlɔ baana beni amɛte okpɔlɔ he. Shiɛlɔ lɛ tsɔɔ mli akɛ ekɛ mɔ ko kpe yɛ shiɛmɔ mli ni mɔ lɛ miikane hemɔkɛyeli kwalɔi awolo ko. Shiɛlɔ lɛ kɛɛ onukpa lɛ akɛ esusuɔ akɛ shiatsɛ lɛ kɛ anɔkwayeli bi lɛ saji ni ebi lɛ lɛ. Shiɛlɔ lɛ kpoo akɛ eheee hemɔkɛyeli kwalɔi awolo ni shiatsɛ lɛ kɛhaa lɛ lɛ, shi ebaabɔ mɔdɛŋ ni eha esanebimɔi lɛ ahetoo. Onukpa lɛ jie shiɛlɔ lɛ yi yɛ su kɛ gbɛ kpakpa ni ekɛtsu he nii lɛ he. Yɛ nɔ najiaŋ ni aaasusu nibii ni hemɔkɛyeli kwalɔi eŋmala loo amɛwie lɛ ahe lɛ, nilee yɛ mli waa moŋ akɛ aaagbala jwɛŋmɔ kɛya Ŋmalɛ mli naatsɔɔmɔi ni kɔɔ nakai sane lɛ hɛ,ni akɛ ha yɛ Reasoning wolo lɛ mli lɛ nɔ. Onukpa lɛ wo shiɛlɔ lɛ ŋaa ni egbele e-Reasoning wolo lɛ, koni amɛyi enyɔ lɛ fɛɛ amɛsusu baafa 34-7 he. Esa akɛ miishɛɛ ahi sanegbaa lɛ mli ni ewo mɔ hewalɛ hu, beni amɛsusuɔ nɔ ni ji hemɔkɛyeli kwamɔ, kɛ yitsei bibii ni akɛ niŋmaa ni mli ti ekala, kɛ ŋmalɛi otii komɛi ahe, bɔ ni be baaŋmɛ gbɛ lɛ. Amu sanegbaa lɛ naa kɛ ekaawoo wiemɔi ni kɔɔ nibii ni tswaa mɔ maa shi ni ewoɔ mɔ hewalɛ, ni wɔyɔɔ kɛha nikasemɔ lɛ he. Akɛ shiatsɛ lɛ agba nibii ni tswaa mɔ maa shi lɛ ahe sane. Kɛji eyɛ ehe miishɛɛ yɛ anɔkwayeli mli lɛ, no lɛ ebaana sɔrɔto-feemɔ ni yɔɔ gbɛ kpakpa ni atsɔɔ nɔ anaa anɔkwale lɛ, kɛ gbɛ fɔŋ ni hemɔkɛyeli kwalɔi tsɔɔ nɔ amɛwieɔ amɛshiɔ lɛ teŋ. Kɛji wɔkpoo hemɔkɛyeli kwalɔi asusumɔi kɛ woji ni amɛŋmala lɛ, wɔjieɔ bɔ ni wɔyeɔ Yehowa kɛ egbɛjianɔtoo ni anaa lɛ anɔkwa lɛ kpo.
20 min: “Daa Gbi Mumɔŋ Niyenii —Ehe Hiaa Kɛhaa Kristofoi Aweku Lɛ.” Sanebimɔ-kɛ-hetoo ni akɛaasusu emli sane lɛ he.
Lala 108 kɛ naagbee sɔlemɔ.
Otsi ni Jeɔ Shishi June 29
Lala 159
5 min: Asafoŋ adafitswai.
20 mmin: Ni Wɔɔya nɔ Wɔhi Shi Akɛ Kristofoi ni kɛ Amɛhe Wooo Maŋ Saji Amli yɛ Jeŋ ni Mli Egbala Mli. Onukpa ko baaye ebua shiɛlɔ hee koni enu bɔ ni eeefee ekɛ Reasoning wolo lɛ mli saji atsu nii ni ekɛha saji ni abiɔ yɛ anɔkwa Kristofoi ahe ni amɛkɛwooo maŋ saji amli lɛ he lɛ ahetoo lɛ shishi jogbaŋŋ: (1) Ŋmalɛ naa shishinumɔ ni kɔɔ Kristofoi ahe ni amɛkɛaawo maŋkwramɔ saji loo nifeemɔi amli lɛ he. (rs, baafa 273) . (2) Nɔkwɛmɔ nii ni mɛi ni atsɛɔ emɛ mra be mli Kristofoi lɛ tee. (baafai 273-4) . (3) Mɛni hewɔ esa akɛ Nyɔŋmɔ nɔyeli lɛ afee nɔ titri ni Kristofonyo lɛ susuɔ he waa lɛ? (baafai 152-6) . Ama bɔ ni ehe hiaa ni atsu nɛkɛ sanebimɔi nɛɛ ahe nii yɛ ŋaa mli lɛ nɔ mi.
20 min: Nyɛ esafo lɛ ato he gbɛjianɔ, aloo akɛ saneyitso ni ji “Ani Okpɛlɛɛɛ Eshafeemɔ Sui ni Oyɔɔ lɛ Nɔ?” ni jɛ Buu-Mɔɔ, August 15, 1991, (Vol. 112, No. 16) baafai 29-30 lɛ aha wiemɔ.
Lala 30 kɛ naagbee sɔlemɔ.