Sɔɔmɔ Kpeei Kɛha March
Otsi Ni Jeɔ Shishi March 1
Lala 171
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Atsɔɔ bɔ ni aaafee akɛ woji tɛtrɛbii heei ni eba lɛ aha, ni atsɔɔ shiɛmɔyaa he gbɛjianɔtoo ni yɔɔ kɛha hejɔɔmɔ gbi ni ji March 6.
20 min: “Hiɛsɔɔ ni Wɔɔna Wɔha Kpɔmɔ Nɔ Lɛ.” Wiemɔ ni onukpa ko baaha.
15 min: “Shiɛmɔ Wiemɔi Kukuji ni Mɔɔ Shi Jogbaŋŋ.” Akɛ toibolɔi asusu he. Kɛ aasusu kuku 3 he lɛ, afee nɔkwɛmɔ nɔ ni miitsɔɔ bɔ ni shiɛlɔi ko teeɔ shiatsɛ lɛ miishɛɛ shi yɛ Obaanyɛ Ohi Shi Kɛya Naanɔ wolo lɛ mli. Esa akɛ shiatsɛ lɛ ajie miishɛɛ kpo yɛ faŋŋ mli. Kɛ aasusu kuku 5 he lɛ, afee nɔkwɛmɔ nɔ ni miitsɔɔ bɔ ni shiɛlɔ lɛ kɛ dɛhiɛmɔ wolo tsuɔ nii koni ekɛ shiatsɛ lɛ atsa sanegbaa lɛ nɔ.
Lala 215 kɛ naagbee sɔlemɔ.
Otsi Ni Jeɔ Shishi March 8
10 min: Asafoŋ adafitswai. Awie woji tɛtrɛbii heei lɛ amli saji ni abaanyɛ akɛgba sane lɛ ahe. Awo mɛi fɛɛ hewalɛ ni amɛkɛ amɛhe awo shiɛmɔ mli otsi nɛɛ naagbee.
10 min: “Feemɔ Biblia Mli Nikasemɔi yɛ Obaanyɛ Ohi Shi Kɛya Naanɔ Wolo lɛ Mli.” Sanebimɔ-kɛ-hetoo ni akɛaasusu he. Kɛ asusu kuku 6 he agbe naa lɛ, afee bɔ ni obalaŋta ko baanyɛ ekɛ Obaanyɛ Ohi Shi Kɛya Naanɔ wolo lɛ aha ni ekɛje Biblia mli nikasemɔ shishi lɛ he nɔkwɛmɔ nɔ. Agba nyɛ asafo lɛ mli niiashikpamɔi ni tsɔɔ bɔ ni obalaŋtai komɛi enyɛ amɛje nikasemɔi ashishi.
15 min: “Jeee Mɛi ni kɛ Nyɔŋmɔ Wiemɔ lɛ Yeɔ Jara.” Wiemɔ ni onukpai asɛinɔtalɔ lɛ loo onukpa kroko baaha, ni damɔ December 1, 1992 Buu-Mɔɔ baafai 26-9 nɔ. Akɛ miishɛɛ ajie nyɛmimɛi lɛ ayi yɛ gbɛfaŋnɔ ni amɛnaa yɛ Asafo lɛ jeŋ muu fɛɛ nitsumɔ lɛ kɛ nyɛ asafo lɛ hu sɛɛfimɔ mli lɛ he. Abaanyɛ atsi nɔ ni asafo lɛ tsuɔ kɛfiɔ Asafo Maŋtsɛyeli Asa Tsumaa Shika lɛ kɛ nyɛ diɛŋtsɛ nyɛtsu ni nyɛmaa amrɔ nɛɛ hu sɛɛ lɛ tã.
Lala 53 kɛ naagbee sɔlemɔ.
Otsi Ni Jeɔ Shishi March 15
10 min: Asafoŋ adafitswai. Shika he akɔntaabuu. Awie woji ni Asafo lɛ eŋmala ni miitsɔɔ shika ni akɛke lɛ he hiɛsɔɔ lɛ ahe, ni ajie asafo lɛ yi yɛ anɔkwayeli ni amɛkɛfiɔ asafo lɛ hiamɔ nii asɛɛ lɛ he. Awo otsi lɛ naagbee shiɛmɔyaa he hewalɛ.
20 min: “Nyɛtsɔa Amɛ . . . Nii Fiaa ni Mikɛɛ Nyɛ Lɛ.” Akɛ toibolɔi asusu he kɛtsɔ sanebimɔ-kɛ-hetoo nɔ. Kɛ aasusu kukuji 4 ekɛ 5 he lɛ, akɛ ŋmalɛi kɛ woji krokomɛi ni saa nyɛ asafo lɛ shihilɛi ahe jogbaŋŋ lɛ ahe nɔkwɛmɔ nii aha. Afee nɔkwɛmɔ nɔ ni asaa he jogbaŋŋ yɛ mli ni miitsɔɔ bɔ ni aaafee atsa nɔ kɛjɛ hiɛkpamɔ sanegbaa lɛ nɔ kɛya dɛhiɛmɔ woji lɛ ekome nɔ. Kɛ be yɛ lɛ, asusu dɛhiɛmɔ wolo lɛ kuku kome loo enyɔ he. Awo mɛi fɛɛ hewalɛ ni amɛbɔ mɔdɛŋ waa akɛ amɛaaje Biblia mli nikasemɔi heei ashishi.
10 min: “Blood,” (‘La’) , Reasoning wolo lɛ, baafai 72-4. Akɛ sɛɛsaramɔ he nɔkwɛmɔ nɔ atsu nii, ni shiatsɛ lɛ baabi sanebimɔi ni akɛ niŋmaa ni dĩɔ waa eŋmala lɛ. Esa akɛ hetoo ni shiɛlɔ lɛ baaha lɛ adamɔ Reasoning wolo lɛ mli wiemɔi anɔ.
Lala 181 kɛ naagbee sɔlemɔ.
Otsi Ni Jeɔ Shishi March 22
10 min: Asafoŋ adafitswai. Teokrase lɛ He Saji.
15 min: “Wɔ Asafo Woloŋ Nikasemɔ Nɔkwɛlɔ lɛ ni Wɔkɛ lɛ Aaafee Ekome.” Sanebimɔi kɛ hetooi.
20 min: Sanebimɔ-kɛ-hetoo ni akɛaasusu sane ni ji “Bɔ ni Kaimɔ lɛ He Hiaa Ha” lɛ he. Kɛ be baaŋmɛ gbɛ lɛ, akane ŋmalɛi lɛ. Akɛ April 1984 Wɔ Maŋtsɛyeli Sɔɔmɔ lɛ mli sane ni yitso ji “Hiɛsɔɔ ni Wɔɔjie lɛ Kpo yɛ Kpɔmɔ Nɔ Gbɛjianɔtoo lɛ He” lɛ kukuji 3 kɛyashi 5 mli saji ahe susumɔ afata he. Agbɛnɛ hu, akai ni akɛ saneyitso ni wɔtsɔɔ lɛ kukuji 8 kɛyashi 10, ni wieɔ Kaimɔ lɛ sɛɛ hiɛtserɛjiemɔ henaabuamɔi ahe lɛ hu afata he.
Lala 87 kɛ naagbee sɔlemɔ.