Be ni Asaa He Ahaa Kaimɔ Lɛ

Ani atsɔɔ mɔ fɛɛ mɔ, kɛ wielɔ lɛ hu, be kɛ he pɔtɛɛ ni abaaye gbijurɔ lɛ yɛ? Ani wielɔ lɛ yɛ tsɔne ni ekɛbaaba?

Ani abo gbɛjianɔ pɔtɛɛ kɛha Okadi nibii lɛ anamɔ, koni anyɛ akɛmamɔ shi ye be ni sa mli hu?

Ani ato gbɛjianɔ koni atsɔ hiɛ mra ni aŋmɛ okpɔlɔ lɛ fɛfɛo kɛ okpɔlɔ nɔhaanɔ ni he tse ke glasei kɛ plɛtei hu ni fa saŋŋ bɔ ni sa?

Mɛɛ gbɛjianɔ ato koni akɛsaa Maŋtsɛyeli Asa lɛ mli fɛfɛo mra kɛtsɔ hiɛ?

Ani akɛ nitsumɔ ewo mɛi ni baaha mɛi asɛi kɛ mɛi ni kɛ nibii lɛ baaha mɛi lɛ adɛŋ? Ani ato kpee he gbɛjianɔ aha amɛ dani Kaimɔ lɛ ashɛ, koni akɛtĩ amɛnitsumɔi lɛ amli? Mɛɛ be? Mɛɛ gbɛjianɔtoo akɛbaatsu nii koni akwɛ ni akɛ nibii lɛ aha mɔ fɛɛ mɔ jogbaŋŋ?

Ani ato gbɛjianɔ jogbaŋŋ koni akɛye abua nyɛmimɛi hii kɛ yei ni amɛdara kɛ mɛi ni bɛ hewalɛ lɛ? Ani ato gbɛjianɔ koni akɛ nibii lɛ eko ayaha mɛi ni afɔ amɛ mu lɛ ateŋ mɛi ni amɛka saa mli, ni no hewɔ lɛ amɛnyɛŋ amɛkɛ asafo lɛ ahi gbijurɔyeli lɛ shishi lɛ?