Sɛɛsaramɔi Kukuji Ni Mɔɔ Shi Jogbaŋŋ
1 Ani ofeɔ sɛɛsaramɔi daa, aloo ani bei pii lɛ efɔɔ kaa akɛ efeemɔ waa kɛhaa bo akɛni oleee nɔ ni obaakɛɛ lɛ hewɔ? Ehe ehiaaa ni onuɔ akɛ eewo ohe gbeyei. Nibii etɛ baye abua bo ni oye omanye: (1) hesaamɔ kpakpa; (2) nyɛmɔ ni onyɛɔ owieɔ oti kome-loo enyɔ komɛi ahe yɛ Biblia mli saji kukuji fioo komɛi ahe; kɛ (3) bɔ ni osumɔɔ akɛ ooobo bɔ ni shiatsɛ lɛ susuɔ ehaa lɛ toi.
2 Beni osaa ohe kɛhaa sɛɛsaramɔ feemɔ lɛ, Susumɔ saneyitso ni ebaahi jogbaŋŋ akɛ okɛ shiatsɛ lɛ agba he sane lɛ he. Ani eeya skul lolo? Skul nikaselɔi pii baana be fioo ni amɛkɛgba Biblia mli otii ahe saji yɛ amɛklas nikasemɔ sɛɛ. Ekolɛ okɛ mɛi komɛi baakpe ni amɛsumɔɔ Maŋtsɛyeli lɛ he sane lɛ. Ani otee sanebimɔ ko shi nyɛsɛɛ beni oyasara lɛ lɛ, aloo ani shiatsɛ lɛ jie miishɛɛ kpo yɛ saneyitso pɔtɛɛ ko he? Kwɛmɔ otii ni oŋmala lɛ amli, ni okɛ Reasoning wolo lɛ atsu nii ni okɛtao saji ni he baahia bo ni onyɛ ofee sɛɛsaramɔ ni mɔɔ shi. Kɛ otee sɛɛsaramɔ lɛ, jiemɔ miishɛɛ kɛ naanyobɔɔ su kpo. Tsɛ shiatsɛ lɛ gbɛi ni okɛŋa lɛ.
3 Kɛji okɛ Buu-Mɔɔ kɛ Awake! woji tɛtrɛbii lɛ eko eha shiatsɛ lɛ, no lɛ osɛɛsaramɔ lɛ baanyɛ adamɔ otii kukuji ni ohala kɛjɛ woji tɛtrɛbii Iɛ eko mli lɛ ekome loo enyɔ ko nɔ. Kɛ oshi dɛhiɛmɔ wolo beni otee jɛmɛ klɛŋklɛŋ kwraa lɛ, no lɛ ekolɛ obaanyɛ owie dɛhiɛmɔ wolo lɛ diɛŋtsɛ he aloo obaanyɛ odi wolo ni okɛha lɛ lɛ sɛɛ kɛtsɔ oti ko ni sa ni oootsi ta yɛ wolo tɛtrɛɛ loo wolo bibioo ko mii Iɛ nɔ.
4 Kɛ okɛ “Shihilɛ yɛ Toiŋjɔlɛ Jeŋ Hee ko Mli” dɛhiɛmɔ wolo Iɛ ha Iɛ, kɛɛmɔ akɛ:
◼ “Nyɛsɛɛ ni miba biɛ Iɛ, wɔwie Nyɔŋmɔ shiwoo ni kɔɔ toiŋjɔlɛ jeŋ hee ko he lɛ he. Taakɛ wɔwie lɛ, shihilɛi kpakpai baaba kɛtsɔ Nyɔŋmɔ Maŋtsɛyeli lɛ nɔ. Mɛni osusuɔ akɛ ataoɔ yɛ wɔdɛŋ dani wɔnyɛ wɔfata nakai toiŋjɔlɛ jeŋ hee lɛ he?” Ŋmɛɛ shiatsɛ lɛ gbɛ ni ewie, koni no sɛɛ lɛ okɛ lɛ asusu Lala 37:9, 11, 29 he.
5 Ekɛ okɛ “Mɛɛ Hiɛnɔkamɔi Yɔɔ Kɛha Suɔlɔi ni Amɛgboi” dɛhiɛmɔ wolo lɛ ha lɛ, no lɛ obaanyɛ okɛ wiemɔ kuku nɛɛ aje sanegbaa shishi:
◼ “Beni wɔgba sane wɔgbe naa nyɛsɛɛ Iɛ, mishi dɛhiɛmɔ wolo ko ni gbɛi ji Mɛɛ Hiɛnɔkamɔ Yɔɔ Kɛha Suɔlɔi ni Amɛgboi? miha bo. Kuku ni ji etɛ lɛ teeɔ sanebimɔi komɛi ni yɔɔ miishɛɛ shi: ‘Mɛni hewɔ gbɔmɛi gboiɔ’? Nɛgbɛ gbohii lɛ yɔɔ? Te wɔɔfee tɛŋŋ wɔna nɔmimaa akɛ amɛaahi shi ekoŋŋ?’ Saneyitso bibioo ni tsa nɔ, ni ji ‘Gbele, kɛ Nɔ ni Baa kɛ Wɔgboi’ Iɛ haa saji nɛɛ eko fɛɛ eko hetoo. Mihiɛ dɛhiɛmɔ wolo nɛɛ eko yɛ biɛ. Kadimɔ nɔ ni ekɛɔ yɛ ekuku ni ji ejwɛ lɛ mli.” Kɛkɛ Iɛ beni shiatsɛ Iɛ nyiɛɔ sɛɛ Iɛ, kanemɔ kuku Iɛ mli, kɛ ŋmalɛi enyɔ ni yɔɔ mli lɛ hu, ni obi shiatsɛ lɛ ni etsɔɔ ejwɛŋmɔ yɛ he. Bo nɔ ni eyɔɔ kɛɛmɔ lɛ toi jogbaŋŋ, ni onyiɛ sɛɛ pɛpɛɛpɛ hu.
6 Beni nyɛ sanegbaa lɛ yaa nɔ lɛ, ekolɛ shiatsɛ Iɛ baatsɔɔ esusumɔi saŋŋ ni ekolɛ amɛjaaa bɔ ni sa. Ehe ehiaaa ni ohaa nɔ fɛɛ nɔ ni ekɛɔ lɛ feɔ sane ni sa akɛ ojie lɛ naa. Shi moŋ, wiemɔ oti ni nyɛgbaa he sane Iɛ nɔŋŋ pɛ he. Obaanyɛ ojaje susumɔi ni damɔɔɔ ŋmalɛi anɔ ni ekolɛ eyɔɔ lɛ yɛ wɔsɛɛ be sɛɛsaramɔ kroko mli.
7 Tsɔ gbɛ fɛɛ gbɛ ni ooonyɛ nɔ ni oto gbɛjianɔ ni oyadi mɛi ni ena wiemɔ lɛ he miishɛɛ Iɛ asɛɛ kɛtsɔ sɛɛsaramɔi kukuji ni mɔɔ shi ni ooofee yɛ May mli lɛ nɔ.